San Lucas 23:34 - Bible in Tzeltal de Oxchuc y Tenejapa

³⁴ Te c'alal jipilix ta cruz yu'unic te Jesuse, jich la yal: —Jtat, pasbeya perdón, melel ma sna'ic stojol te bila ya spasique —xi'.] Te soldadoetic la spasic ta número yilic te bila ya xc'ot ta swentaic juju-jtul yu'un te sc'u'-spac' te Jesuse.

Nuevo Testamento Tzeltal de Amatenango

³⁴ Te Jesuse la yal: —Jtat, pasbeya perdon, porke ma snaꞌik te tut ya spasike —xchi. Te soltaroetike lijkik ta tajmal yuꞌun ya yilik te machꞌa ya xkꞌot ta skuenta te skꞌuꞌ-spakꞌ te Jesuse.

Bible in Tzeltal Bachajón

³⁴ Hich la yal te Jesús: Jtat, pasbeya perdón, yu'un ma sna'ic bin yac spasbelic, xchi. La spuc sbahic a te sc'u' spac' ta scuenta seña ta na'el.

San Lucas 23:34 Referans Kwoze

San Mateo 5:44

Ja'uc me to, jo'on ya calbeyex: C'ux me x'awaiy te acontroe, c'anbeya bendición te mach'a ya sbolc'optayexe. Pasbeyaic bila lec te mach'atic ya yilayexe. C'oponbeyaic Dios ta stojol te mach'atic ya yixtac'optayexe soc te ya yuts'inexe.

Hechos 7:60

La squejan sba. Tulan awun: —Cajwal, ma me xawich' ta wenta in mulil to —xi'. Te c'alal jich la yal te Estebane, way sbaq'uetal.

1 Pedro 3:9

Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

Romanos 12:14

C'anbeyaic bendición ta stojolic te mach'atic ya yuts'inexe; ma me xabolc'optayic.

1 Corintios 2:8

Te ajwaliletic swenta in balumilal to, ma la sna'beyic swentail. Te yu'unuc la sna'ique, ma la smilic ta cruz te Ajwalil yu'un utsilal te jichuque.

Salmos 22:18

te jc'u'-jpaq'ue la spuc sbaic a, la spasbeyic snumeroil ta na'el te mach'a ya xc'ot ta swentae.

Génesis 50:17

“Ya me apasbey perdón yu'un smulic te abanquiltaque, te bit'il la yuts'inate”, melel xi' jilel sc'op te jtatique. Jich yu'un pasbotic me perdón yu'un te la cuts'inticate, te yabatotic te Dios yu'un te jtatique —xiic ta yalel wocol ta stojol José. C'alal te José la yaiybey sc'op te abatetic la yich'ic bael ticunele, bayal oc' yu'un.

Isaías 53:12

Jich yu'un te Dios ya yac'bey yawil ta yolilic te mach'a ich'bilic ta muq'ue; soc ya sjoin ta yaiyel tsalaw te mach'atic ay yipique. Melel la yac' sba ta lajel stuquel, soc la sjoin ta ajtayel te mach'atic amenique. Ta smelelil, la scuchbey smulic tsobol ta jtul, soc c'opoj yu'un te jmulawiletique.

1 Timoteo 1:13

manchuc teme sna'oj te la jtoybac'optay ta neelal, soc la cuts'in, soc te la quixtac'optaye. Ja'uc me to, la xc'uxtayon te Diose ta scaj te ma la jna' te bila la jpase soc te ma to jch'uunejuc a te Jesuse.

Hechos 3:17

“Quermanotac, jna'oj stojol te yu'un ma la ana'ic stojol te bila la apasique soc ma la sna'ic stojol uuc te jwolwanejetic cu'untique.

1 Corintios 4:12

Soc lubenotiquix ta at'el ta jc'abtic. Ayotic ta bolc'optayel, ja'uc me to, ya jc'anbeytic bendición ta stojolic. Bayal jwocoltic ta uts'inel yu'unic, ja'uc me to, cujch'em cu'untic.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

San Juan 19:11

Jesús la yalbey: —Ma'yuc awat'el ta jtojol te manchuc yac'ojbat te Diose. Jich yu'un te mach'a la yac'on ta ac'abe, ja' c'ax to xan ay smul stuquel —xi'.

San Marcos 15:24

Jich la sjijp'anic ta cruz. Te soldadoetic la spasic ta número yilic te bila ya xc'ot ta swentaic juju-jtul yu'un te sc'u'-spaq'ue.

San Mateo 11:26

Jich, Jtat, te melel jich la sc'an awo'tan atuquel —xi'.

San Lucas 22:42

Jich la yal: —Jtat, teme ya sc'an awo'tane, ya xju' ya aq'uejbon bael in woclajel to, ja'uc me to, ma me ja'uc ya jpas te sc'anjel co'tane. Ja' me ya jpas te sc'anjel awo'tane —xi'. [

San Juan 17:9

“Ya calbat wocol yu'unic. Ma ja'uc ya calbat wocol yu'un te mach'atic yu'un te balumilale, ja' nax stuquel te mach'atic la awac'bon ta jc'abe, melel ja' awu'un stuquelic.

Hechos 16:28

Ja'uc me to, te Pablo jich la yal: —Ma me xamil aba. Jpisiltic li' ayotic to —xi' ta yawtayel.