San Lucas 23:31 - Bible in Tzeltal de Oxchuc y Tenejapa

³¹ Te bit'il ya spasbeyic te yaxal te'e, ¿ja'uc to bal a te taquin te'e? —xi' te Jesuse.

Nuevo Testamento Tzeltal de Amatenango

³¹ Porke teme jich ya spasbikone te yaxal teꞌ kꞌoemone, jaꞌukix to a te jaꞌex, te takin teꞌ kꞌoemexe —xchi te Jesuse.

Bible in Tzeltal Bachajón

³¹ Como teme hich yac spasbel te c'alal yax to a te te'e, ¿ha'uc to balix a te c'alal taquinix ahe? xchi.

San Lucas 23:31 Referans Kwoze

San Juan 15:6

Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

Proverbios 11:31

Teme ya x'ac'bot stojol sc'ab ta balumilal te mach'a toj yo'tane; ja' nix jich ya x'ac'bot stojol ta castigo te mach'a amen yo'tane soc te jmulawile.

San Mateo 3:12

Te mach'a ya xtale, jich c'oem te bit'il mach'a stsacojix ta sc'ab te sajp'ujibal sulil te strigoe. Patil ya me stsob ochel ta bay sq'uejibal te sbaq'ue. Yan te sulile ya me xchic' ta c'ajc' te ma xtup' sbajt'el q'uinal —xi' te Juane.

Jeremías 25:29

Ya me xjajch'on ta yaq'uel tel te castigo ta stojol te lum te cu'unineje. ¿Ya bal acuy te ma ba ya staex te castigoe? Ma'yuc mach'a ma xtaot yu'un, melel ya jticun tel guerra ta stojol spisil te mach'atic ayic ta balumilal. Jo'on Ajwalilon te Spisil ya xju' cu'une’, xi' sc'op”, uta me.

Judas 1:12

Ja' nax ya sboltesbeyex ac'oplalic te bit'il sjoinejex ta spasel te q'uin swenta c'uxul-o'tanile. Melel xchinchon nax q'uinal yu'unic tey a te yacalic ta we'el-uch'ajele. Ja' nax ya sle stuquelic te bila ya xtuun yu'unique. Pajalic soc tocal te ma'yuc ya'lel, te bayuc ya x'eanot bael yu'un te iq'ue. Pajalic soc te'etic te ma xyac' sit ta yoraile, te cheb buelta lajemique, soc te bulbil loq'uel soc te yisime.

Hebreos 6:8

Yan teme ch'ix soc teme chic-ch'ix te ya xch'i tey a, ma'yuc yutsil xujt'uc. Jich ma lecuc sc'oplal yu'un te Diose, soc ya me xlaj ta chiq'uel yu'un.

Daniel 9:26

C'alal ya xc'ax te cheb xchanwinic (62) semana, ya me smilic te ch'ul jwentainwaneje. Te Jerusalén ya me yich' lajinel soc ya me yich' lajinel uuc te templo, ja' me ya slajin te swinictac te muc' ajwalil ya xtale. Te slajibale ora me ya xc'ot ta pasel, jich me ya xtal te bit'il snojel ja'; ja' to me c'alal slajibal te guerra soc te jinele, ja' te chapal nix sc'oplal ae.

San Lucas 23:30

Jich me ya xjajch' yawtayic te witstiquile: “Net'awotic”, xiic me. Soc jich me ya yalbeyic te ch'in witsetique: “Mucawotic”, ya me yutic.

San Lucas 23:32

Soc ic'ot bael cheb winiquetic te bayal bila amen spasojique, yu'un pajal ya yich'ic milel soc te Jesuse.