San Lucas 23:30 - Bible in Tzeltal de Oxchuc y Tenejapa

³⁰ Jich me ya xjajch' yawtayic te witstiquile: “Net'awotic”, xiic me. Soc jich me ya yalbeyic te ch'in witsetique: “Mucawotic”, ya me yutic.

Nuevo Testamento Tzeltal de Amatenango

³⁰ Sok jich ya xlijk yalik te gentee: “¡Aꞌ jemuk tal ta jbajtik te witstikile!” Sok jich me ya yalbeyik te chꞌin witstikile: “¡Laꞌ, nakꞌaotik!” ya me yutik.

Bible in Tzeltal Bachajón

³⁰ Hich me ya xhahch yalbeyic te witsiltic: Hemts'ujan cohel tal ta jtojolcotic, soc: La', mucawotcotic, ya me yutic te tsehletique.

San Lucas 23:30 Referans Kwoze

Apocalipsis 6:16

Soc jich caj yalbeyic te witstiquile soc te ch'entiquile: “La' net'awotic, macawotic ta sit te Mach'a nacal ta smuc'ul nactijibe. Ma me staotic te yilimba te Alalchije.

Oseas 10:8

Te toyol ch'uunjibaletic ya me yich'ic jinel, te bay la sle smul a te Israele. Ta bay sba te scajtijib majt'aniletic yu'unique ya me xch'i tel ch'ixetic tey a soc jot'awal-ch'ixetic. Te ants-winiquetic jich me ya yalbey te witstiquile: “Mucawotic”, xiic me. Soc ya me yalbeyic te ch'in witsetique: “Ch'ayuc tel ta jbatic”, xiic me.

Isaías 2:19

C'alal ya xjajch' te Cajwaltic, te ya snojes xiwel ta balumilal, te ants-winiquetic ya me x'ochic bael ta nailch'entiquil, soc ta bay jamajtic te lumq'uinale; ya me snac' sbaic ta stojol te Cajwaltique, te xiweltic nax sba ta scaj xojobil te yipe.

Apocalipsis 9:6

Te bi ora jich ya xc'ot ta pasele, ya me sc'an slajelic te ants-winiquetique, ja'uc me to, ma ba ya staic. Manchuc teme yo'tanuc ya sc'an xlajique, ja'uc me to, ya x'an bael ta stojolic te lajele.

Isaías 2:20

Te bi c'aalil ya xc'ot ta pasele, ya me xch'ojbeyic loq'uel ta stojol te ch'oetic soc sots'etic, ja' bi, ja' te loc'ombaetic yu'unic te ants-winiquetique te pasbil ta c'anal taq'uin soc saquil taq'uin, te ja' nix la spas stuquelic swenta yu'un ya yalbeyic wocol ta stojolic.

San Lucas 23:31

Te bit'il ya spasbeyic te yaxal te'e, ¿ja'uc to bal a te taquin te'e? —xi' te Jesuse.