San Lucas 23:26 - Bible in Tzeltal de Oxchuc y Tenejapa

²⁶ C'alal la yiq'uic bael te Jesuse, la stsaquic jtul Cirene-winic te xc'otuc ta c'alc'altic te Simón sbiile. Ja' la yac'beyic xcuch bael te scruz. Neel ay bael te Jesuse.

Nuevo Testamento Tzeltal de Amatenango

²⁶ Kꞌalal la yikꞌik bael te Jesus te ba sojkꞌanik ta kruse, la stsakik jtul Cirene-winik te Simon sbiile te xkꞌotuk tal ta kꞌalkꞌaltike, y la yaꞌbeyik xkuch te kruse. Nail ay kꞌael te Jesuse.

Bible in Tzeltal Bachajón

²⁶ Te c'alal la yiq'uic bahel te Jesús, la stsaquic jtuhl winic, Simón sbihil, te talem ta Cirene, yac ta talel ta q'uinal a, ha la ya'beyic sq'uech bahel te cruz, tap'al ta spat Jesús.

San Lucas 23:26 Referans Kwoze

Hechos 6:9

Ja'uc me to, ay la stejc'an sbaic jajch'el te mach'atic ayic ta sinagoga te sbiilinejic te Libre Ayique, soc ay mach'atic talemic ta lum Cirene soc ta lum Alejandría soc ta sq'uinal Cilicia soc ta smaquen-q'uinal Asia te jajch'ic ta c'op soc te Estebane.

Hechos 6:6

Te jch'uunjeletique la stec'anic ta stojol te lajchaytul jpuc-c'opetique, soc la sc'oponbeyic Dios ta stojol te juctule, soc la scajanbeyic sc'abic ta sjolic.

Hechos 2:10

soc ta Frigia, Panfilia, Egipto, soc ta smaquen-q'uinal Africa ta sjelawel lum Cirene. Soc ay talemotic ta lum Roma te li' nainemotic. Ay sts'umbalotic te judioetique soc jyanlumetic te yac'ojix sbaic ta judioile.

San Lucas 14:27

Te mach'a ma sc'an ya xcuch scruz te ya sts'aclinone, ma xju' te jnopojel ya xc'ot cu'une.

San Lucas 9:23

Soc la yalbey yaiyic ta spisilic: —Teme ay mach'a ya sc'an ya sts'aclinone, ac'a me sloq'ues sba ta yo'tan. Ac'a me xcuch scruz jujun c'aal. Ac'a st'unon.

Hechos 13:1

Te jch'uunjeletic ta lum Antioquia ay j'alwanejetic yu'un Dios soc maestroetic yu'un te sc'op Diose: ja' te Bernabé, soc Simón te Negro yan sbiile, soc Lucio te talem ta lum Cirene, soc Manaén te pajal la yich' ch'ijtesel soc te Herodes te ajwalil yu'un te Galileae, soc te Sauloe.

San Lucas 23:25

Jich la scoltay bael te mach'a la sc'anbeyic scoltayel soc te ay ta chuquel yu'un te la sjajch'es c'ope soc te la yaiy milawe. Yan te Jesuse, la yac'bey ta sc'abic stuquel, ja' la spasbey te sc'anjel yo'tanique.

San Mateo 5:41

Soc teme ay mach'a ya sujat ta xcuchel yijc'ats junuc lewa, cuchbeya bael chebuc lewa.