San Lucas 23:25 - Bible in Tzeltal de Oxchuc y Tenejapa

²⁵ Jich la scoltay bael te mach'a la sc'anbeyic scoltayel soc te ay ta chuquel yu'un te la sjajch'es c'ope soc te la yaiy milawe. Yan te Jesuse, la yac'bey ta sc'abic stuquel, ja' la spasbey te sc'anjel yo'tanique.

Nuevo Testamento Tzeltal de Amatenango

²⁵ Jich a skoles bael te winik te stꞌujojik te ya xkol bale. Jaꞌ te machꞌa ay ta prexo yuꞌun te la slijkes kꞌop sok te milawane. Y la yaꞌbe entregal ta skꞌabik te Jesuse, jich te tut ya skꞌan yoꞌtanike.

Bible in Tzeltal Bachajón

²⁵ La scoltay bahel te mach'a ochem ta cárcel yu'un shach-c'op soc yu'un smilaw te c'ambot scoltayel yu'unic, la yac' ta c'abal te Jesús, hich te bin ut'il la sc'anique.

San Lucas 23:25 Referans Kwoze

Hechos 3:14

Ma la awaq'uic ta coltayel stuquel te mach'a lec ta winiquil te toj yo'tane. Ja' la awaq'uic ta coltayel bael te mach'a jmilawale.

San Marcos 15:15

Jich yu'un te Pilato ja' la scoltay bael te Barrabase, yu'un la sc'an yo'tan te lecuc yo'tanic te lum yu'une. Soc la yac' ochuc ta majel te Jesuse, swenta yu'un ya xba yich' jijp'anel ta cruz stuquel.

San Juan 18:40

Awunic xan ta spisilic: —Ma ja'uc me to. Ja' me xacoltay bael te Barrabase —xiic ta aw. Te Barrabase mero j'elec' stuquel.

San Lucas 23:5

Ja'uc me to, la yaq'uic puersa ta c'op: —Te p'ijubtesel yu'une, ya sboltesbey yo'tanic a te lume. Ja' to jajch' tel ta sq'uinal Galilea soc ta sq'uinal Judea, ja' to c'alal li'to —xiic.

San Lucas 23:2

Tey la yalic a te bila smulinej ta sc'opique, jich la yalic: —Ja' in winic to, ya sjajch'es c'op ta spamal te nación cu'untique. Ya scomotic ta stojel te patan yu'un César. Soc ya yal sba te ja' Cristo te muc' ajwalile —xiic.

San Mateo 27:26

Jich yu'un te Pilatoe la scoltay bael te Barrabase. Yan te Jesuse la yac' ochuc ta majel, swenta yu'un ya xba yich' jijp'anel ta cruz stuquel.

1 Samuel 12:13

Pero li' ay te muc' ajwalil te tsabil awu'unique, te Cajwaltic la yac'beyex te muc' ajwalil la ac'anbeyique.

San Lucas 23:24

Te Pilato la snop ta yo'tan te ya spasbey te bila ya sc'an yo'tanic te lume.

San Lucas 23:26

C'alal la yiq'uic bael te Jesuse, la stsaquic jtul Cirene-winic te xc'otuc ta c'alc'altic te Simón sbiile. Ja' la yac'beyic xcuch bael te scruz. Neel ay bael te Jesuse.

San Juan 19:16

Te Pilato la yac'bey ta sc'abic te ya x'ac'ot ta lajel ta cruz. Jich la yiq'uic bael te Jesuse.

Ester 3:11

Jich la yalbey: —Te plata ya awale, ya me xju' ya awich' te ja'ate. Jich te lum ya awale, pasbeya te bila ya amulan spasbeyele —xi'.