San Lucas 23:23 - Bible in Tzeltal de Oxchuc y Tenejapa

²³ Ja'uc me to, tulan awunic xan ta sc'anel te ya x'ac'ot ta lajel ta cruz. Te bit'il la yaq'uic puersa ta aw te lume soc te jwolwanej-sacerdoteetique, jich ju' yu'unic.

Nuevo Testamento Tzeltal de Amatenango

²³ Pero mas tulan a lijkik xan ta aw te ya skꞌanik te ya xmilot ta kruse. Te tutꞌil tulan a awunik ta skꞌanel te genteetike y te stataletik yuꞌun te saserdoteetike, jicha juꞌ yuꞌunik.

Bible in Tzeltal Bachajón

²³ Pero tulan awonic ta sc'ambeyel te ya x'ac'ot ta lajel ta cruz. Te bin ut'il tulan c'opojic te ants-winiquetic soc te principal sacerdotehetic, hich hu' yu'unic.

San Lucas 23:23 Referans Kwoze

Zacarías 11:8

Ta jun nax u la jloq'ues oxtul jcananetic te c'ax co'tan yu'unique, jich nix la yilayonic.

Salmos 57:4

Pacalonix ta lum ya caiy, ayonix ta yolil león-chojetic ya caiy, ja' te león-chojetic ya sti'ic ants-winiquetique; te sbaquel yeique pajal soc lanzaetic, pajal soc yat'ejibal t'imalte'etic, te yeique pajal soc ye puñal.

San Lucas 23:5

Ja'uc me to, la yaq'uic puersa ta c'op: —Te p'ijubtesel yu'une, ya sboltesbey yo'tanic a te lume. Ja' to jajch' tel ta sq'uinal Galilea soc ta sq'uinal Judea, ja' to c'alal li'to —xiic.

San Marcos 14:31

Ja'uc me to, la yal xan te Pedroe: —Cajwal, ma ba ya jmucat ta co'tan jtuquel. Ya xju' ya joinat ta lajel —xi'. Jich nix la yalic ta spisilic uuc te yantique.

San Lucas 23:22

Ta yoxebal buelta la yal te Pilatoe: —¿Bila amen spasoj? Te jo'one ma'yuc bi amen la jtabey te ya x'ac'ot ta lajel yu'une. Ya me cac'bey castigo, patil ya jcoltay bael —xi'.

San Lucas 23:24

Te Pilato la snop ta yo'tan te ya spasbey te bila ya sc'an yo'tanic te lume.