San Lucas 23:14 - Bible in Tzeltal de Oxchuc y Tenejapa

¹⁴ Jich la yalbey yaiyic: —Ja'ex la atejc'anbonic ta jtojol in winic to. La awalbonic te bit'il yac ta sboltesel ta ac'opic te lume. Ja'uc me to, la quich'beyix sc'op ta atojolic soc la awiliquix te bit'il ma'yuc smul la jtabey, manchuc teme bayal smul la alebeyique.

Nuevo Testamento Tzeltal de Amatenango

¹⁴ y la yaltalanbe: —Te jaꞌexe la awikꞌbikon tal te winik to. Ya awalik te ya slijkes kꞌop te ba jtejklume. Pero la jojkꞌobeyix ta asitik y maꞌyuk a jtabe smul jich tutꞌil te ya awalik te ay smul ta akꞌopike.

Bible in Tzeltal Bachajón

¹⁴ hich la yalbe: La atehc'ambonic ta jtojol ha'i winic ini, la awalic te ha te mach'a yac shachbel c'op ta stojol te pueblo; ta acomonsitic la jquich'ix ta c'op, pero mayuc smul la jtahbe te awalojic te ay smule.

San Lucas 23:14 Referans Kwoze

Daniel 6:4

Te mach'atic la yich' yat'elic ta yilel yat'el yantic, soc te gobernadoretic, la sleic bi ya yut ya slebeyic smul ta swenta yat'el te muc' ajwalile, pero melel buen toj yo'tan ya x'at'ej te Daniel, ma ba wejt' yu'unic banti ya stabeyic smul. Jich ma'yuc bila ju' yu'unic yaq'uel ta swenta.

Hebreos 7:26

Jich te Jesuse, ja' Muc' Sacerdote te ya xju' yu'un ya scoltayotique, ch'ul Dios stuquel, ma sna' sleel smul, ma'yuc mulil quechel ta swenta, ma ba slac'oj sba soc te jmulawiletique, soc ic'otix moel c'alal ta stoyolil te ch'ulchane.

Hechos 13:28

Jich la sc'anbeyic te Pilato te ya yal mandal te ya yich' milel, manchuc teme ma'yuc smul la stabeyic te ya xju' ya x'ac'ot ta lajel yu'un.

San Mateo 27:54

Te centurión yu'un soldadoe soc te mach'atic sjoineje te yacalic ta scanantayel Jesús soque, bayal xiwic yu'un te la yilic te bit'il nijc' te balumilale soc te bayal bila c'ot ta pasele. Jich la yalic: —Melel nix a te ja' Snich'an Dios in winic to —xiic yu'un.

San Mateo 27:24

Te bit'il ma'yuc bi ya xju' yu'un la yil te Pilatoe, soc te bit'il bayal yac ta toyel yawic te lume, jich la sc'an tel ja' spoc sc'ab ta stojolic. Jich la yal ta spoquel te sc'abe: —Ma xju' ya jmulinbey smalel xch'ich'el in winic te toje. Ja'ex me ya amulinic atuquelic —xi'.

San Mateo 27:19

Te bit'il nacal ta bay chajbajibal te Pilatoe, la sticun tel aiyej te yiname te manchuc ya yac' sba a, te melel ma'yuc smul te winique. “Yu'un c'ax jwocol ta swaichinel ta ajc'ubal”, xi' tel te sc'ope.

San Mateo 27:4

Jich la yal: —La jtaix jmul, melel la caq'uix ta malel xch'ich'el te mach'a ma'yuc smule —xi'. Ja'uc me to, albot yu'unic: —Ma jwentatiquix te jo'otique. Ayix ta awenta atuquel —la yutic.

Hechos 17:11

Te judioetic te ayic ta bay lum Berea, ay razon ta yo'tanic stuquelic. Ma jichuc yo'tanic te bit'il yo'tanic te mach'atic ayic ta bay te lum Tesalonicae. Toyol yo'tanic la yaiyic stojol te bila albot yaiyic yu'un te Pabloe. Jujun c'aal la sle yilic ta Sjun Dios teme melel te bila yacalic ta yaiyel stojole.