San Lucas 22:70 - Bible in Tzeltal de Oxchuc y Tenejapa

⁷⁰ Spisilic la sjojc'obeyic: —¿Yu'un bal ja'at Snich'anat te Diose? —la yutic. La yal te Jesuse: —Jichon te bit'il la awalique —xi'.

Nuevo Testamento Tzeltal de Amatenango

⁷⁰ Te nax a spisilik a sjojkꞌobeyik: —¿Meꞌn jaꞌat te Xnichꞌanat te Diose? —xyutik. Te Jesuse la sjakꞌtalanbe: —Jich tutꞌil ya awalike, joꞌon nanix a —xchi.

Bible in Tzeltal Bachajón

⁷⁰ Hich la yalic spisilic: ¿Ha'at bal Snich'anat te Diose? xchihic. Ha'ex nix yac awalic te ho'one, xchi.

San Lucas 22:70 Referans Kwoze

San Lucas 23:3

Te Pilato jich la sjojc'obey te Jesuse: —¿Ja'at bal Muc' Ajwalilat yu'un te judioetique? —xi'. La yal te Jesuse: —Ja'at te jich la awale —xi'.

San Marcos 15:2

Te Pilato la sjojc'obey yaiy te Jesuse: —¿Ja'at bal Muc' Ajwalilat yu'un te judioetique? —xi'. La yal te Jesuse: —Jich te bit'il la awale —xi'.

San Mateo 27:11

Te Jesús la yich' tejc'anel ta stojol te Gobernador. Jich jojc'obot yu'un: —¿Ja'at bal Muc' Ajwalilat yu'un te judioetique? —xi'. La yal te Jesuse: —Ja'at te jich la awale —xi'.

San Mateo 26:64

La sjac' te Jesuse: —Jich te bit'il la awale. Soc ya calbat, ta ora bael to ya me awil te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchan —xi'.

San Juan 19:7

La yalic te judioetique: —Te jo'otique ay mandaliletic cu'untic te ya yal tey a te bit'il ya yich' milel, melel la yal sba te ja' Snich'an Diose —xiic.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Juan 10:36

Jich yu'un teme tsabilon yu'un Dios te la sticunon tel ta balumilale, ¿bistuc ya awalbonic te yacon ta stoybac'optayel Dios a te bit'il la cal te ja' Snich'anone?

San Juan 10:30

Te jo'one soc te Jtate jun nax ayon soc —xi'.

San Juan 1:49

Te Natanael la yal: —Maestro, ja'at Snich'anat te Diose, soc ja'at muc' ajwalilat yu'un te lum Israele —xi'.

San Juan 1:34

Jich la quil te jo'one. Jo'on testigoon yu'un te ja' Snich'an Dios stuquele —xi' te Juane.

San Lucas 4:41

Soc loc' pucujetic ta yo'tanic tsobol ta jtul te mach'atic ayic ta chamele. Awun te pucujetique: —Ja'at Snich'anat te Diose —xiic ta aw. Te Jesús la scom ta c'op te pucujetique, yu'un sna'ojic te ja'ix te Cristoe.

San Marcos 14:62

La yal te Jesuse: —Jo'on abi. Ya me awilic te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchane —xi' te Jesuse.

San Mateo 27:54

Te centurión yu'un soldadoe soc te mach'atic sjoineje te yacalic ta scanantayel Jesús soque, bayal xiwic yu'un te la yilic te bit'il nijc' te balumilale soc te bayal bila c'ot ta pasele. Jich la yalic: —Melel nix a te ja' Snich'an Dios in winic to —xiic yu'un.

San Mateo 27:43

Teme ja' smuc'ulinej yo'tan te Diose, ac'a coltayotuc yu'un ta ora to teme jich yo'tane, melel jich yaloj: “Ja' Snich'anon te Diose”, te xie —xiic.

San Mateo 4:3

Jich te pucuje tal yilbey yo'tan te Jesuse. Jich la yal: —Teme ja'at Snich'anat te Diose, albeya in tonetic to te ya xc'atp'uj ta waje —xi' te pucuje.

San Mateo 3:17

Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

Salmos 2:7

Ya me jpuc ta alel ta bayuc te bila snopoj ta jtojol te Cajwaltique te la yalbonix: “Ja'at jnich'anat; nax to nax la jnich'nantayat.

San Mateo 26:25

C'opoj uuc te Judase, te j'ac'awal ta c'abale: —Maestro, ¿jo'on bal ya cac'at ta c'abal? —xi'. La yal te Jesuse: —Ja'at nax —la yut.

San Lucas 22:71

La yalic ta spisilic: —¿Bistuc xan yan testigoetic cu'untic? Melel la caiytiquix stojol te ja' nix la yal sba stuquele —xiic.