San Lucas 22:53 - Bible in Tzeltal de Oxchuc y Tenejapa

⁵³ Melel jujun c'aal la joinex ta templo. Ma ba yal ac'abic ta jtojol. Ja'uc me to, la staix yorail te ya xju' awu'unic soc yip te ijc' q'uinale —xi' te Jesuse.

Nuevo Testamento Tzeltal de Amatenango

⁵³ Jujun kꞌaal la joyinex ta templo, y maꞌyuk la apikikon teꞌa. Pero la staix yorail te ya xjuꞌ awuꞌunik sok te ijkꞌal kꞌinale —xchi te Jesuse.

Bible in Tzeltal Bachajón

⁵³ Jujun c'ahc'al la joquinex ta Templo, ma ba la atsaconic tey a; pero la stahix yorahil te ya xhu' awu'unic soc ha yorahil te ay yip te yihc'al q'uinale, la yut.

San Lucas 22:53 Referans Kwoze

Efesios 6:12

Yu'un ma ja'uc ya jtsal jbatic soc te mach'atic pajal jch'ich'-jbaq'uetaltic soque. Ja' ya jcontroin jbatic soc te pucujetic te ay yipique, soc te ay bayal yu'elique, soc te ajwaliletic yu'un te balumilal te ayic ta ijc' q'uinale, soc spisil te bila amen te ayic ta sjamalul te ch'ulchane.

San Juan 12:27

“Ta ora to bayal ayon ta mel-o'tan. ¿Bi ya cal yu'un? ¿Ya bal cal: “Jtat, coltayawon te bila ya xc'ot ta pasel ta jtojole”, xoon bal? Ja'uc me to, ja' talemon yu'un.

Colosenses 1:13

Melel ta swenta yu'el Dios la scoltayotiquix loq'uel ta bay ainotic ta ijc' q'uinale, soc tey la yac'otiquix c'axel ta banti ay ta ajwalinel te Snich'an te bayal c'ux ta yo'tane.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

San Juan 7:45

Te policiaetic yu'un te temploe sujt'ic bael ta banti ay te fariseoetic soc te jwolwanej-sacerdoteetique. Jich la sjojc'obeyic te policiaetique: —¿Bi yu'un ma la awiq'uic tel? —xiic.

San Juan 14:30

“Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

San Juan 7:30

Yo'tan c'an stsaquic ta ora, ja'uc me to, ma'yuc mach'a yal sc'ab, yu'un ma to xc'ot te yoraile.

San Mateo 21:23

C'alal tal ta templo te Jesuse. Jajch'emix ta p'ijubteswanej a te tal ta c'oponel yu'un te jwolwanej-sacerdoteetique soc te principaletic yu'un te lume. La sjojc'obeyic: —¿Banti la awich' awat'el ta spasel spisil in to? ¿Mach'a la yac'bat awat'el? —xiic.

Job 20:5

te yutsil q'uinal yaiy te j'amen-o'tane ma ba ya xjalaj bayal c'aal; te yutsil yo'tan ma ba najt'.

San Lucas 22:52

Soc la sc'opon te mach'atic talemic ta jtsacawaneje, ja' bi ja' te jwolwanej-sacerdoteetic, soc te jwolwanejetic yu'un te jcanan-temploe soc te principaletique. Jich la yal: —¿Yu'un bal j'elec'on te tal atsaconic soc apuñalic soc ate'ic?

San Lucas 22:54

Jich la stsaquic te Jesuse, soc la yiq'uic bael ta bay sna te muc' sacerdotee. Te Pedro nam ts'ajc' la yil bael.

San Juan 13:30

C'alal stsacojix ta sc'ab a te mulbil waj te Judase, loc' bael ta ora. Ajc'ubalix a.