San Lucas 22:40 - Bible in Tzeltal de Oxchuc y Tenejapa

⁴⁰ Te c'alal c'ot tey a te banti bajt'ique, jich la yalbey: —C'oponaic Dios, swenta yu'un ma ba ya xyalex ta mulil yu'un te il-o'tantayel yu'un te pucuje —xi'.

Nuevo Testamento Tzeltal de Amatenango

⁴⁰ Te kꞌalal kꞌotik te ba luware, te Jesuse la yaltalanbe te jnopojeletike: —Kꞌoponaik Dios yuꞌun jich makꞌ yilbeyex awoꞌtanik a te pukuje —xchi.

Bible in Tzeltal Bachajón

⁴⁰ C'alal c'oht tey a, hich la yalbe te jnopojeletique: C'oponahic Dios scuenta yu'un ma ba yac atahic sujel ta mulil a, xchi.

San Lucas 22:40 Referans Kwoze

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

1 Pedro 4:7

Nopol sta yorail te ya xlaj spisil. Jich yu'un, ya me sc'an te ya ana'ic q'uinal ta leque. Wiq'uiluc me asitic spisil ora soc c'oponaic me te Diose.

San Lucas 22:46

Jich la yalbey yaiyic: —¿Bistuc te wayexe? Jajch'anic, c'oponaic Dios, swenta yu'un ma ba ya xyalex yu'un te yiljibal awo'tanique —xi' te Jesuse.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

San Lucas 11:4

Pasbotic perdón yu'un jmultic, jich nix te bit'il ya jpasbeytic perdón uuc te mach'atic ay smul ta jtojoltique. Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene,” xaex me ta sc'oponel te Diose —xi' te Jesuse.

Salmos 119:133

Ac'bon jpas jujun c'aal jich te bit'il awaloj; ma xawac' yu'uninon te bitic ma lecuque.

Salmos 17:5

Jun co'tan jt'unojbat ya caiy te abe; ma'yuc bay quijq'uitayejbat ta ch'uunel te amandale.

1 Crónicas 4:10

Te Jabes la sc'opon te Dios yu'un Israel, jich la yal: —Ya calbat wocol te ya awac'bon bendición soc te ya awac'bon bayal jq'uinale. Ya me acoltayon, soc ma me xawac' staon te bitic ya yac'bon jwocol —xi'. Te Dios la yac'bey te bi la sc'ane.

Salmos 19:13

Loq'uesbon toybail ta co'tan jo'on te awabatone; ma xawac' swentainon te toybaile. Jich ma'yuc jmul; jich me ma stsalon te muc' mulile.