San Lucas 22:20 - Bible in Tzeltal de Oxchuc y Tenejapa

²⁰ Ja' nanix jich la spas soc te vaso te c'alal lajix yo'tanic ta we'el. Jich la yal: —Ja' in ya'lel ts'usub to, ja' te jch'ich'el te ya yich' malel ta awentaic, yu'un jich ay yip ya xc'ot a te yach'il tratoe.]

Nuevo Testamento Tzeltal de Amatenango

²⁰ Jich mismo a spas sok te basoe te kꞌalal lajix yoꞌtanik ta weꞌel ae. Jich a yal: —Te yaꞌlel uba to jaꞌ te jchꞌichꞌel te ya sta yip a te achꞌ tratee. Jaꞌ te jchꞌichꞌele te ya yichꞌ malel ta akuentaik yuꞌun te akolelik te jaꞌexe.

Bible in Tzeltal Bachajón

²⁰ Ha nix hich te c'alal laj yo'tanic ta we'el, la stsac te copa, hich la yal: Te copa ini ha te yach'il chapbil-c'op ta scuenta jch'ich'el te ya yich' malel ta acuentahic.

San Lucas 22:20 Referans Kwoze

1 Corintios 11:25

Ja' nanix jich te c'alal laj yo'tanic ta we'ele, la stsac ta sc'ab te vasoe soc jich la yal: “Ja' in vaso to, ja' yach'il trato te ya sta yip a ta swenta te jch'ich'ele. Jujun buelta te ya awuch'ique, pasaic ta swenta jna'jibal”, xi'.

San Mateo 26:28

Ja' jch'ich'el in to, ta swenta te yach'il trato te ya yich' malel swenta perdón yu'un smulic te tsobol ta jtule.

Zacarías 9:11

Te Cajwaltic jich ya yal: —Jerusalén, ta swenta te ch'ich' yu'un te c'op chapal cu'un ta atojolic, jo'on me ya jloq'uesbat te ajo'tac ayic ta chuquel, ja' te pozo ma'yuc ya'lele.

Hebreos 13:20

Te Dios, te ya yac' lamal q'uinale, la xcha'cuses tel ta bay animaetic te Cajwaltic Jesucristo te Muc' Jcanantaywanej yu'un te chijetique, te ja' ta swenta xch'ich'el te chajbaj a te trato te sbajt'el q'uinal aye.

Éxodo 24:8

Te Moisés la stsac xan te taza te nojel ta ch'ich', la stsijts'anbey ta stojol te lume. Jich la yal: —Ja' in ch'ich' to ja' me ya yac'bey yip te trato te xchapoj Cajwaltic ta jtojoltic ta swenta spisil te aiyejetique —xi' te Moisés.

Hebreos 12:24

soc ta bay teq'uel ta c'op te Jesús ta xchajbanel te yach'il tratoe, soc ta ba ay te xch'ich'el te yich'oj tsijts'anel te c'axem to xan t'ujbil a te bit'il xch'ich'el te Abele.

Jeremías 31:31

Te Cajwaltic jich ya yal: —Ya me xtal sc'aalelal te ya jpas yach'il trato soc Israel soc Judá.

Hebreos 9:17

Ma to ayuc lec sc'oplal te testamento teme cuxul to te mach'a la spas te testamentoe. Yan teme laje jich ayix sc'oplal abi.

2 Corintios 3:6

Ja' nax stuquel te la yic'otic ta abatinel ta yalel sc'oplal te yach'il tratoe. In te tratoe, ma ja'uquix te ts'ibubile, ja'ix te Espíritu te cuxul stuquele. Te mandalil te ts'ibubil jilele, ay lajel ta swenta; yan te Espiritue, ja' ay cuxinel ta swenta stuquel.

Hebreos 9:15

Ja' swentail te ja' tejc'anbil ta c'op ta xchajbanel yach'il trato te Jesucristoe. Laj Cristo swenta yu'un ya staic perdón yu'un smulic te mach'atic ayic ta swenta te sbabial trato te la sta smulique, swenta yu'un jich me ya yich'ic te bila albotic yu'un Dios te ya x'ac'bot yu'uninic sbajt'el q'uinal te mach'atic ic'bilic yu'une.

San Marcos 14:24

Jich la yal: —Ja' jch'ich'el in to te ya sta yip a te yach'il trato te ya yich' malel swenta scoltayel te tsobol ta jtule.