San Lucas 22:18 - Bible in Tzeltal de Oxchuc y Tenejapa

¹⁸ Ya calbeyex, ta ora bael to ma ba ya cuch'ix te ya'lel ts'usube, ja' to teme tal ta ajwalinel te Diose —xi'.

Nuevo Testamento Tzeltal de Amatenango

¹⁸ Porke ya kalbeyex te makꞌ ya kuchꞌix a te yaꞌlel ubae jaꞌto teme tal ta mantal te Diose.

Bible in Tzeltal Bachajón

¹⁸ yu'un ya calbeyex te ma ba ya cuch'ix ha'i ya'lel ts'usub ini ha to c'alal ya xtal te cuentahinel yu'un Dios, xchi.

San Lucas 22:18 Referans Kwoze

San Mateo 26:29

Ja'uc me to, ya calbeyex awaiyic te ma ba ya cuch'ix te ya'lel ts'usube ja' to te c'alal ya sta yorail ya joinex ta yuch'el ta banti ay ta ajwalinel te Jtate —xi' te Jesuse.

San Lucas 22:16

Ya calbeyex, te ma ba ya jwe' xan ta yan buelta, ja' to c'alal ya xc'ot ta pasel ta ba ay ta ajwalinel te Diose —xi' te Jesuse.

San Marcos 14:25

Jamal ya calbeyex, te ma ba ya cuch'ix te ya'lel ts'usube ja' to bi ora ya cuch' ta yach'il ta bay ay ta ajwalinel te Diose —xi' te Jesuse.

Isaías 55:1

Te Cajwaltic ya yal: —Ja'ex te taquin awo'tanique, la'ic, la' uch'aic ja'; ja'ex te ma'yuc ataq'uinique, la'ic, leaic trigo ta majt'anil, soc we'anic; leaic vino soc leche, ni ma'yuc ta tojel.

Colosenses 1:13

Melel ta swenta yu'el Dios la scoltayotiquix loq'uel ta bay ainotic ta ijc' q'uinale, soc tey la yac'otiquix c'axel ta banti ay ta ajwalinel te Snich'an te bayal c'ux ta yo'tane.

San Lucas 21:31

Soc ja' nanix jich te c'alal ya awil te ya xc'ot ta pasel spisil in to, tey me ya ana'ic stojol a te nopol ya xjajch'ix ta ajwalinel te Diose.

San Lucas 9:27

Jamal ya calbeyex: Ay mach'atic li' ayic to te ma ba ya xlajique ja' to teme la yilic te ayix ta ajwalinel te Diose —xi' te Jesuse.

San Marcos 15:23

C'an yac'beyic yuch' vino capal soc mirra, ja'uc me to, ma la sc'an la yuch'.

San Marcos 14:23

Soc la stsac te vasoe. La yalbey wocol Dios yu'un, soc la yuch'ic ta spisilic.

San Marcos 9:1

Soc la yalbey xan: —Jamal ya calbeyex, ay mach'atic li' ayic to te ma ba ya xlajique ja' to teme la yilic te ayix ta mandal soc yu'el te Cajwaltic Diose —xi' te Jesuse.

San Mateo 16:18

Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

Zacarías 9:17

Bayal me yutsil, soc buen t'ujbil me te slumalique. Ya me x'esmaj xan te trigo yu'unic; ya me x'esmaj xan te vino yu'unic. Buen t'ujbil me ya xmuc'ubic te queremetic yu'unique; buen t'ujbil me ya xmuc'ubic te ach'ixetic yu'unique.

Zacarías 9:15

Te Cajwaltic te Spisil ya xju' yu'un, ya me scanantay te mach'atic ay yu'une. Ja'ic me ya spech'ic ta teq'uel te j'ac'jimoch'etic soc te tonetic yu'un jimochile; soc ya me sbiq'uic c'oem te scontroique. Ya me yuch'beyic xch'ich'el jichuc vino, ya me snojes xch'ujt'ic a jich te bit'il ya yich' nojesel muc'ul taza, ya me yuch'ic jich te bit'il xulubil yu'un te scajtijib smajt'an te Diose.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Isaías 25:6

Ta wits Sión te Cajwaltic te Spisil ya xju' yu'un ya me xchajbanbey spisil te nacionetic, te buen muc' we'elil soc vinoetic te ayix c'aal pasbile, te buen bujts'anic te we'elile, soc te mero tsabilic te lequil vinoetique.

Cantares 5:1

Ochonix tel ta nichimaltic cu'un, ja'at jch'ielat, te quinamate. La quich'ix te mirra cu'un soc te perfumeetic cu'une, la jpasix prueba te chab cu'une, la cuch'ix te vino soc te leche cu'une. Ja'ex te jun co'tantique, we'anic soc uch'aic, uch'aic spisil te bi ya ac'anique.

Salmos 104:15

ja' te waj te ya x'ac'bot yip yu'un, soc te vino te ya xbujts'naj yo'tan yu'un, soc te aceite te ya x'ach'ub yelaw yu'un.

Jueces 9:13

La yal te ts'usub te ma sc'an. Jich la yal: “Teme ya x'ochon ta ajwalil yu'un te te'etic, neel me ya quijq'uitay yaq'uel vino te bayal ya xbujts'naj yo'tan winiquetic yu'un soc nix te Diose”, xi'.