San Lucas 22:17 - Bible in Tzeltal de Oxchuc y Tenejapa

¹⁷ Soc la stsac ta sc'ab te vasoe, la yalbey wocol Dios yu'un. Soc la yalbey te jnopojeletique: —Ila, melaic ta uch'el ta apisilic.

Nuevo Testamento Tzeltal de Amatenango

¹⁷ Jicha stsak ta skꞌab te basoe y la yalbe kola yal Dios yuꞌun te yaꞌlel ubae. La yal: —Awil to, uchꞌaik, y puka abaik a.

Bible in Tzeltal Bachajón

¹⁷ Te Jesús la stsac te copa, la yalbe wocol Dios yu'un, hich la yal: Ich'ahic ini soc melbeya abahic,

San Lucas 22:17 Referans Kwoze

San Lucas 22:19

Soc la stsac ta sc'ab te waje. La yalbey wocol Dios yu'un. La xet' soc la yac'bey te jnopojeletique. Jich la yal: —Ja' jbaq'uetal in to, [te ya cac' ta lajel ta awentaic. Jich me xapasulayic swenta jna'jibal awu'unic —xi'.

Salmos 116:13

Ja' te ya xjajch'on ta yalel wocol yu'un te la scoltayone, soc ya me jc'opon ta spisil ora.

Romanos 14:6

Te mach'a ay jun c'aal stsaoje, ja' ya yich' ta muc' a te Cajwaltique. Ja' nix jich te mach'a ma stsa te c'aale, jich ya spas yu'un te ya yich' ta muc' a te Cajwaltique. Ja' nanix jich te mach'a spisil ya stuuntes te we'elile. Ja' ta swenta Cajwaltic te ya swe'eline, melel tey ya yalbey wocol a te Diose. Te mach'a ma spisiluc ya stuuntese, ja' nix jich ta swenta Cajwaltic te ma spisiluc ya swe'eline, soc ja' nix jich ya yalbey wocol Dios yu'un uuc.

San Lucas 9:16

soc la xet' te waje. La yac'bey ta sc'ab te jnopojeletique, ja'ic la spucbeyic te ants-winiquetic.

Jeremías 16:7

Ma'yuc mach'a ya xchajban we'eliletic yu'un sna'jibal te animaetic, swenta smuc'tesjibal q'uinal yaiyic te spat-xujq'ue, ni ja'uc te ya yich' pasel teme ya xlaj uuc te state, o ja' te sme'e.

Deuteronomio 8:10

Te c'alal ya xlaj awo'tanic ta we'el, lec nojel ach'ujt'ic ya xjilex yu'un. Ja' yu'un ya me sc'an te ya awalbey yutsil sc'oplal te Cajwaltic te Dios cu'untique, melel mero lequil q'uinal te la yac'beyexe.

Salmos 23:5

Achajbanejbon jwe'el ta mesa ta stojol te jcontrotaque. Amalojbonix perfume ta jol, soc la anojesbonix ta taza te bi ya cuch'e, yac ta malel loq'uel ta sti'il.

1 Samuel 9:13

Te c'alal ya xc'oex tey a, leaic me ta ora, melel ya me xbajt' ta toyol ch'uunjibal te banti ya x'ain we'ele. Ma'yuc mach'a ya xwe' ja' to teme c'ot stuquele, melel ja' to ya xc'ot sc'anbey bendición stuquel te milbil smajt'an Dios. Patil ya me xwe'iquix te jayeb mach'a ic'bilic tele. Ja' yu'un baanic me jiche, tey to ya xc'o ataic a ta ora in to —xi' sc'oplalic.

San Mateo 14:19

Soc la yalbey mandal te ants-winiquetic te ya snajc'an sbaic ta aquiltique. La stsac te jo'pejch' waje soc te cha'cojt' chaye. La stoy moel sit ta ch'ulchan, la yalbey wocol Dios yu'un, soc la xet'. La yac'bey ta sc'ab te jnopojeletic yu'une, ja'ic la spucbeyic ta stojolic te ants-winiquetique.

San Mateo 15:36

La stsac te jucpejch' waje soc te chayetique, soc la yalbey wocol Dios yu'un. La xet', soc la yac'bey te jnopojeletique. Ja'ic ba spucbeyic te ants-winiquetique.

San Mateo 26:26

Te c'alal yacalic ta we'ele, te Jesús la stsac te waje, soc la yalbey wocol Dios yu'un. Jich la xet' soc la yac'bey te jnopojeletic yu'une. Jich la yal: —Ila, we'aic. Ja' jbaq'uetal in to —xi'.

San Marcos 14:22

Te c'alal yacaliquix ta we'ele, te Jesús la stsac te waje. La yalbey wocol Dios yu'un. La xet', soc la yac'bey te jnopojeletic yu'une. Jich la yal: —Ila, ja' jbaq'uetal in to —xi'.

1 Corintios 10:16

Te ch'ul vaso te ya calbeytic wocol Dios yu'une, ja' ya yac' ta na'el te bit'il jun nax c'oemotic ta swenta xch'ich'el te Cristoe. Soc te waj ya jxet'ique, ja' ya yac' ta na'el te bit'il jun nax c'oemotic ta swenta sbaq'uetal te Cristoe.

1 Corintios 11:23

Yu'un te jo'one, la cac'beyex anopic te bila la yalbon te Cajwaltique. Ja' bi, ja'ix ta ajc'ubal a te ya x'ac'ot ta c'abal te Cajwaltic Jesuse, la stsac ta sc'ab te waje.