San Lucas 21:7 - Bible in Tzeltal de Oxchuc y Tenejapa

⁷ Jich la sjojc'obeyic: —Maestro, ¿bi ora ya xc'ot ta pasel te bila la awale? ¿Bi señail ya xchicnaj te c'alal tey ya xc'otix ta pasele? —xiic.

Nuevo Testamento Tzeltal de Amatenango

⁷ Jich a sjojkꞌobeyik: —Maestro, ¿Tut ora ya xkꞌot ta pasel te tut la awale? ¿Tut a te seña te ya xchiknaj te kꞌalal xnopetix ya xkꞌot ta pasel ae? —xchiik.

Bible in Tzeltal Bachajón

⁷ La sjoc'obeyic te Jesús: Maestro, ¿bin ora te hich ya xc'oht ta pasel? soc ¿bin señahil ya xchicnaj te c'alal nopol ya xc'ohtix ta pasel? xchihic.

San Lucas 21:7 Referans Kwoze

San Marcos 13:14

“Te j'alwanej yu'un Dios te Daniel sbiile la yalbey jilel sc'oplal te jinwanej te ya sboltes te ch'ul awilale. (Te mach'a ya yil te bila ts'ibubil li'to, ac'a me sna' stojol.) Te c'alal ya awilic te ochemix tey a te banti ma ja'uc yawile, ac'a me anuquic bael ta witstiquil te mach'atic ayic ta sq'uinal Judea.

San Lucas 21:32

“Jamal ya calbeyex, ma to xlajic a te mach'atic cuxajtic ta q'uinal ta ora to te spisil ya xc'ot ta pasel te bila la calbeyexe.

San Mateo 24:3

Te c'alal ayiquix ta Wits Olivailtique, te Jesús la snajc'an sba tey a. Te jnopojeletic yu'une, stuquel nax tal sc'oponic. Jich la yalic: —Albotic caiytic te bi ora ya xc'ot ta pasel te bila la awalbotique, soc te bi señail ya xchicnaj ta ilel a te c'alal ya xtalatixe soc te ja'ix a te slajibal c'aale —xiic.

Daniel 12:8

La caiy te bila la yale, pero ma xujt'uc la jna'bey swentail. Ja' yu'un la jojc'obey: —Cajwal, ¿bi ya xc'ot ta pasel ta patil yu'un spisil te bitic jchajp xanix sc'oplal ta alel ae?” la cut.

Daniel 12:6

Ay jtul c'opoj, la sjojc'obey te winic sc'u'inej lino-pac', ja' te ay ta yajc'olal te muc'ja'e, jich la yalbey: —¿Bi ora ya sta yorail slajibal te bitic jchajp xanix sc'oplal ae? —la yut.

San Lucas 21:6

—Yacalex ta yilel spisil in to. Ja'uc me to, ya me sta yorail te ma'yuc jp'ijuc ton te cajal ya xjil ta sba te yan tone —xi' te Jesuse.

San Lucas 21:8

La yal te Jesuse: —Tsajtaya me abaic, ma me mach'a ya slo'layex. Ay me tsobol ya xtalic te ya slotbonic jbiile. “Jo'on Cristoon”, xiic me, soc “Yorailix”, xiic me. Ja'uc me to, ma me xats'aclinic.