San Lucas 21:34 - Bible in Tzeltal de Oxchuc y Tenejapa

³⁴ “Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

Nuevo Testamento Tzeltal de Amatenango

³⁴ “Ila me abaik, ma me xꞌawakꞌ te ya yalulanbeyex ta awoꞌtanik te tut ya skꞌupin awoꞌtanike sok te yakubele, sok te tutik yajtal awoꞌtanik ta jujun kꞌaal sok te akuxlejalike. Yuꞌun ma me chꞌayemuk awoꞌtanik a te tut ora ya sta skꞌaalele.

Bible in Tzeltal Bachajón

³⁴ Tsahtaya abahic te manchuc ya xbic'taj awo'tanic yu'un yac'oltayel cuxlejalil, yacubel soc sna'ulanel bin ut'il ya xcuxajex, yu'un ya xan awilic c'ohtix yorahil,

San Lucas 21:34 Referans Kwoze

San Marcos 4:19

ja'uc me to, ja' ya xbajt' ta yo'tanic sna'el te bitic swenta te balumilale. Ya xlo'layotic yu'un te c'ulejalile. Biq'uit nax yo'tanic yu'un spisil bila ay ta q'uinal. Jich tenbil ya xc'ot te sc'op Dios te ay ta yo'tanique. Jich ma sitinic.

San Lucas 12:40

Ja' nanix jich te ja'exe, chapaluquex me ta maliywanej, melel ma na'biluc awu'unic te bi ora ya xtal te Nich'anile —xi' te Jesuse.

Apocalipsis 3:3

Na'a me xan te bila la awaiy stojol te la ach'uune. Canantaya me, soc sujt'esa me awo'tan. Teme ma x'awic' asite, ya me xtalon ta atojol jich te bit'il ya xtal te j'eleq'ue, yu'un ma na'biluc awu'un te bi ora ya xtalone.

2 Pedro 3:14

Jich yu'un quermanotac te bayal c'uxex ta co'tane, te jayeb xan c'aal yacalex ta smaliyele, antayaic me te ma me ayuc bila quechel ta awentaic ta stojol a te ya xjul staex te Diose. Ma me bolobenuc awo'tanic yu'un mulil a te ya xtale.

Gálatas 5:20

xch'uunel loc'omba, j'ac'chameletic, jcontroinwanejetic, jach-c'opetic, jpaichaletic, j'ilimbaetic, jtsactombaetic, jxatombaetic, jinwanejetic,

1 Corintios 5:11

Te bit'il jich la jts'ibubeyexe, ja' la calbeyex te ma me xajoin abaic soc te mach'atic quermanotic ta sc'opic te yalemic ta mulile, te jbic'tal-o'tanetic, soc te xch'uunejic to te loc'ombaetique, te j'ixta-c'opetique, te jyacubeletique, soc te j'eleq'uetique. Ja'ic in to, ma me xajoin abaic ta we'el soc.

San Mateo 13:22

In te awalil te c'ot ta ch'ixtiquil, ja' sc'oplal te mach'a ya yaiy stojol te Sc'op Diose, ja'uc me to, ya xlo'layot yu'un te c'ulejalile soc biq'uit nax yo'tan yu'un te bila swenta te balumilale. Jich jc'axel tenbil ya xc'ot ta yo'tan te Sc'op Diose. Jich ma ba ya sitin ta yo'tan.

Oseas 4:11

“Te mulwej soc te yuch'el vino ya xch'ay yo'tanic yu'un.

Isaías 28:7

Ay yantic sts'eunaj ta beel yu'un te vino soc ya xchuc sba yacan yu'un te tulan uch'balil, ja' te sacerdoteetic soc te j'alwanejetique, ya spasic ts'eunajel ta scaj te tulan uch'balil. Ya xbolobic yu'un te vinoe; ma xtojob ta beel yu'un te tulan uch'balil. Mero sts'eunajic a te c'alal ay bila ya x'ac'bot yilique, ayic ta yacubel te c'alal ya yaiyic chajbanwaneje.

San Lucas 21:8

La yal te Jesuse: —Tsajtaya me abaic, ma me mach'a ya slo'layex. Ay me tsobol ya xtalic te ya slotbonic jbiile. “Jo'on Cristoon”, xiic me, soc “Yorailix”, xiic me. Ja'uc me to, ma me xats'aclinic.

Filipenses 4:6

Ma me ayuc bila ya awac' woclajuc awo'tanic yu'un xujt'uc. Ja' ya sc'an ya ac'oponic Dios yu'un ta spisil. C'anbeyaic Dios te bila ya sc'an te awo'tanique, soc albeyaic me wocol yu'un.

San Lucas 17:3

Tsajtaya me abaic te ja'exe. “Teme ay awermano te la sta smul ta atojole, baan, c'opona ta sbelal. Teme la sujt'es yo'tane, pasbeya me perdón yu'un.

San Lucas 10:41

Jesús la yalbey: —Marta, Marta, ja' nax baem ta awo'tan spasel spisil te bila pasel ya sc'ane. Ay awocol yu'un.

San Lucas 8:14

Te awalil te c'ot ta bay ch'ixtiquile, ja' sc'oplal te mach'atic ya yaiy stojol te sc'op Diose, ja'uc me to, ma xlaj sc'oplal yu'unic te bitic ya xbajt' ta yo'tanic spasel. Ya xtenotic yu'un te yat'elic ta balumilale, soc te sc'ulejalique, soc spisil te bitic ya smulanic spasele. Jich ma sitin ta yo'tanic c'oem te sc'op Diose.

San Marcos 13:9

“Te ja'exe tsajtaya me abaic. Melel ya me x'ac'otex ta sc'ab te muc'ul tsobleje, soc ya me awich'ic majel ta bay te sinagogaetique. Ya me awich'ic tejc'anel ta stojol ajwaliletic soc ta bay muc' ajwaliletic ta scaj te ach'uunejonique. Jich me testigo ya xc'oex cu'un ta stojolic.

Proverbios 21:4

Te mach'a stoyoj sba ta sit-yelaw soc te toyba-o'tan aye, ja' mulil ta spisil te bitic ya yaq'uic ta ilele.

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.

Salmos 35:8

Ja'uc ni me ch'ayem yo'tanic a te ya xc'ot ta swentaic te woclajele; ja'uc me ac'a yaluquic ta bay te syaquique, ja'uc ni me ac'a yaluquic ta bay te woclajele.

1 Samuel 25:36

Te c'alal c'ot te Abigail ta banti ay te Nabal, jun yo'tan yac ta pas-q'uin ta sna, sq'uin muc' ajwalil yilel te yac ta spasele. Mero bin nax yo'tan soc buen yuch'oj. Ja' yu'un ma'yuc bi la yalbey ja' to ta xchebal c'aal.

Deuteronomio 29:19

“Te c'alal ya xlaj awaiyic te bitic jc'axel chapale, teme ay jichex te jc'axel ya scuy sba te mero lec ay stuquele, teme jich ya yale: “Spisil me lec ya xloc' cu'un, manchuc me ja' ya jpas te bila ya sc'an te co'tane”, teme xi' jajch'ele, ja' me ajinjibalic ya xc'otix ta apisilic abi.

Levítico 10:9

—Te bi ora ya x'ochat soc anich'nab ta yutil Nailpac' te banti ya quich' c'oponele, ma me xju' ya awuch'ic vino, soc ma me xju' ya awuch'ic tulan uch'balil, melel ya me xlajex yu'un. Ja' mandalil te ma'yuc bi ora ya xlaj sc'oplale, ya me xc'ax ta stojolic tatiletic soc ta stojol alnich'anetic,

2 Pedro 3:10

Ma na'biluc cu'untic te bi c'aalil ya xtal te Cajwaltique cu'untic, jich bit'il ma na'biluc cu'untic te ay ajc' nax ya xtal j'elec' ta ajc'ubale. Te bi c'aalil ya xtal te Cajwaltique, xnililet nax me ya xlaj bael te ch'ulchane. Soc ya me xlilaj ta c'ajq'uel spisil te c'aale, te ue, te eq'uetique. Soc te balumilale ya me xlaj ta chiq'uel soc spisil te bitic ay tey ae.

Génesis 19:32

Ja' lec ya cac'tic xyacub ta vino te jtatique, ya jointic ta wayel, swenta yu'un jich me ay jts'umbaltic soc jtatic ya xc'ootic —xi'.

Proverbios 23:20

Ma me xat'un te jyacubeletique; soc ma me xajoin te mach'atic lom bayal ya xwe'ique.

Eclesiastés 9:12

Soc yan xan, ma'yuc mach'a sna'oj te bi c'aalil ya xc'ot yorail; jich c'oem te bit'il chayetic macal ya xjil ta stsacjibal, jich te bit'il ja'mal mut ya x'och ta pejts'e. Ja' nix jich te ants-winique, xujt' ma'yuc bi ya sna' a; c'alal ya yil julix tel yorail wocol ta stojol.

San Lucas 21:35

Ma me jichuquex te bit'il mach'a ch'ayem stsa ya xtsacot ta pejts'e, melel ch'ayem stsaic spisil ants-winiquetic ta spamal balumilal te c'alal ya sta yoraile.

Génesis 19:35

Jich la yaq'uic yacubuc xan te statique, jajch' bael te ijts'inale, la sjoin ta wayel. Te statique ma la sna' stojol bi ora tal sjoin ta wayel, soc ma la sna' stojol bi ora jajch'.

Génesis 27:14

Jich bajt' te Jacob, la stsac cha'cojt' alal tentsun, la yic' tel yac'bey te sme'e. Jich te sme'e la spasbey te bujts'an ti'bal te mulanbil yu'un te state.