San Lucas 21:19 - Bible in Tzeltal de Oxchuc y Tenejapa

¹⁹ Teme cujch' awu'unique, jich me ya xcol ach'ulelic.

Nuevo Testamento Tzeltal de Amatenango

¹⁹ Junuk me awoꞌtanik; yuꞌun jich me ya xkolex.

Bible in Tzeltal Bachajón

¹⁹ Ta scuenta bin ut'il ya xcuhch awu'unic, hich ya xcol ach'uhlelic yu'un.

San Lucas 21:19 Referans Kwoze

Hebreos 10:36

Pasaic me tulan. Ts'ijc'uc me awu'unic te awocolique. Pasbeyaic sc'anjel yo'tan te Diose, jich me ya awich'ic te bila yaloj te ya yac'beyex awu'uninique.

San Mateo 10:22

Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

Santiago 1:3

Melel ana'ojic stojol te ya me yich' xan yip te xch'uunjel awo'tanique teme ya sts'ijc' awu'unic te awocolique.

Apocalipsis 3:10

Scaj te ach'uunejbon te bila la calbat te jun me awo'tan ya ats'ic awocole, jo'on me ya jcanantayat te c'alal ya xtal prueba ta spamal balumilal, swenta yu'un ya me x'ilbot yo'tanic spisil te mach'atic ainemic ta balumilale.

Romanos 5:3

Soc ma jipuc nax a. Ja' nix jich toyoluc me co'tantic yu'un uuc te uts'inele, melel jna'ojtic stojol teme ay te uts'inele, tey ya xchicnaj a teme ya sts'ijc' cu'untique.

Romanos 2:7

Ya me yac'bey xcuxlejal sbajt'el q'uinal ta stojol te mach'a ya yat'elin spasel spisil ora te bila lec ta pasele, soc te ya sle yutsilal te ma xlaje.

Apocalipsis 13:10

Te mach'a jich sc'oplal ya yich' chuquel, ya me yich' chuquel. Soc te mach'a jich sc'oplal ya yich' milel ta puñal, ya me yich' milel ta puñal. Ja' in to ja' smuc'ul co'tantic te ya sts'ijc' cu'untic ta swenta xch'uunjel co'tantic soc te mach'atic ch'ul lum yu'un te Diose.

Salmos 37:7

Ch'aban me ta stojol Cajwaltic; junuc me awo'tan ta smaliyel te ya scoltayat stuquele. Ma me x'ilin awo'tan yu'un te mach'a ay lec bitic ya sta ta q'uinale, te mach'a ay bila amen te ya xchape.

Apocalipsis 14:12

Jich yu'un te mach'atic ch'ul lum yu'un Dios te yat'elinejic xch'uunel te smandale soc te ay xch'uunjel yo'tanic ta stojol te Jesuse, ts'ijq'uem yu'unic te swocolique.

Hebreos 6:11

Ja'uc me to, ya jc'antic te toyol awo'tanic juju-jtul ta stojol Dios ja' to c'alal ta slajibal c'aal, swenta yu'un ya me ataic te bila yacalex ta smaliyele.

1 Tesalonicenses 1:3

Ja' ya xjul ta co'tan te bit'il ay xch'uunjel awo'tanic ta stojol te Jtatic Diose, soc te bit'il awac'oj abaic ta abatinel soc te xc'uxul awo'tanique, soc te bit'il jun awo'tan yaquex ta smaliyel te bi ora ya xtal te Cajwaltic Jesucristoe.

San Mateo 24:13

Yan te mach'a ya xcujch' yu'un c'alal ta slajibale, ya me xcol.

Apocalipsis 1:9

Jo'on Juanon te awermanoon te pajal ay ta jwentatic te woclajele soc te pajal ay ta jwentatic ya jointic ta ajwalil te Cristoe. Tey ac'bilon ta bay ch'in q'uinal te ay ta yolil mar te Patmos sbiile, ta scaj te sc'op Diose soc te jamal la cac' ta na'el te sc'oplal te Jesucristoe.

Hebreos 6:15

Te Abrahame jun yo'tan la smaliy. Jich la yich' te bila albil yu'un te Diose.

2 Tesalonicenses 3:5

Ac'a yac'beyex ta awo'tanic te Cajwaltic te bit'il ay xc'uxul yo'tan te Diose, soc te bit'il ts'ijc' yu'un Cristo te swocole.

Romanos 8:25

Yan teme ma to chicanuc te bila yacotic ta smaliyele, ya sc'an te jun co'tantic ya jts'ictic smaliyel, ja' to teme chicnaje.

San Lucas 8:15

Yan te awalil te c'ot ta bay lequil lume, ja' sc'oplal te mach'atic jun nax yo'tanic ta yaiyel stojol te Sc'op Diose, soc te jc'axel ya yac' yo'tanic ta xch'uunel soc ma xchebaj yo'tanic. Ya me sitin ta yo'tanic ta lec c'oem te sc'op Diose.

Salmos 40:1

La cac' smuc'ulin co'tan te Cajwaltic, spisil co'tan la jmaliy; jich la yac' tel xchiquin ta jtojol, jich la yaiybon te cawe.

Romanos 15:4

Spisil te bila la yal te Sjun Diose, ja' la yich' ts'ibuyel yu'un te ya sp'ijubtesotique. Swenta yu'un ya xchicnaj ta ilel te ayix smuc'ul q'uinal ya caiytic ta swenta, jich jun co'tantic ya jmaliytic.

Habacuc 3:16

C'alal la caiy stojol spisil, xiwon yu'un. Jajch' ta nijq'uel te que yu'une, ma ba ipajemonix ta cacan la caiy, spisil jbaq'uetal ch'ay ta jc'axel te yipe. Ja'uc me to, lamal co'tan la jmaliy te bi c'aalil Dios ya yac'bey smel yo'tanic te soldado-j'uts'inwanejetique.

Romanos 5:4

Teme la yich'ix yip te co'tantique, jich me ya sts'ijc' cu'untic te pruebae. Teme sts'ijc' cu'untic te pruebae, jich me jun co'tantic ya jmaliytic te utsilale.

Santiago 1:4

C'axem to xan ac'a me yich' yip te awo'tanique, swenta yu'un jich me ts'acal ya ach'uunic te Diose. Jich ma'yuquix bi yan ya sc'an awu'unic a.

2 Pedro 1:6

Teme la ana'iquix te q'uinale, na'aic me amandaltesbel abaic atuquelic. Teme la amandaltes abaique, ac'a ts'ijc'uc awu'unic. Teme ts'ijc' awu'unique, na'aic me spisil ora te Diose.