San Lucas 21:16 - Bible in Tzeltal de Oxchuc y Tenejapa

¹⁶ Ja'uc me to, ya me x'ac'otex ta c'abal yu'un te ame'-atate, soc te abanquil awijts'inabe, soc te apat-axujq'ue, soc te mach'a c'ux la awaiy aba soc ta neelale. Ay me ya smilex ta patil.

Nuevo Testamento Tzeltal de Amatenango

¹⁶ Pero te jaꞌexe ay me ya yakꞌex entregal te atatike, sok te abankiltake, sok awijtsꞌinab, sok abersinatak, sok awamigotak. Y ay me ya smilelex,

Bible in Tzeltal Bachajón

¹⁶ Ay me ha nix ya yaq'uex ta c'abal te ame'atatic, abanquil awihts'inic, amohlol ats'ahquilic, soc awamigotac, soc ay ya xlajex ta milel yu'unic.

San Lucas 21:16 Referans Kwoze

San Lucas 12:53

Te tatile ya scontroin te snich'ane; te nich'anile ya scontroin te state. Te me'ile ya scontroin te yantsil-ale; te yantsil-ale ya scontroin te sme'e. Te jme'tique ya scontroin te yalibe; in te alibale ya scontroin te yalib-me'ele —xi' te Jesuse.

Apocalipsis 6:9

Te c'alal la sjam te yo'ebal sello te Alalchije, la quil te ay xch'ulelic ta bay yanil te xchic'jibal milbil smajt'an Dios te jayeb mach'atic la yich'ic milel ta scaj te sc'op Dios soc te jun yo'tan la yalic ta testigo te bila xch'uunejique.

Jeremías 9:4

Asta jo'tac ma spas te ya quich'beytic ta muc' te sc'opique; manchuc teme quermano jbatic soc, ma xju' ya quich'tiquix ta muc'. Melel te mach'atic quermano jbatic soque, ja' nax ya xlo'laywanic; te mach'a jo'tac jbatic soque, ja' nax ya jle jbatic ta c'op juju-jtul.

Apocalipsis 12:11

Te quermanotactique la stsaliquix ta swenta xch'ich'el te Alalchije soc ta swenta te sc'op Dios te la stejc'an sbaic ta testigo yu'une. Melel ma la xc'uxtay sbaic soc te xcuxlejalique. Jun nax yo'tanic la yac' sbaic ta lajel yu'un.

Apocalipsis 2:13

Jo'on quilojbat te awat'ele, soc ya jna' te banti nainemate soc ta banti ay smuc'ul nactijib te Satanase. Ja'uc me to, jun awo'tan awich'ojbon ta muc' te jbiile, ma ba amucojon ta awo'tan te bit'il ay xch'uunjel awo'tan cu'une, ni ja'uc te bi ora ac'ot ta lajel ta awolilic te Antipase, te jun yo'tan ta jtojol te la xch'uun milel tey a ta banti nainem te Satanase.

Hechos 12:2

La yac' ta milel ta puñal te Jacobo te sbanquil te Juane.

Hechos 7:59

Te c'alal yacalic ta xch'ojel ta tone, te Esteban la sc'opon Dios. Jich la yal: —Cajwal Jesús, ic'bon jch'ulel —xi'.

San Marcos 13:12

Ay me ya yac' sbaic ta milel te mach'atic jun nax sme'-statique. Soc ay me ya yac' ta milel yal-snich'an te state. Soc ay me alnich'anetic ya xjajch' scontroinic te sme'-statique, soc ya me yaq'uic ta milel.

San Mateo 10:21

“Ay me yermano sbaic te ya yac' sbaic ta milele. Soc ay me tatil te ya yac' ta milel te yal-snich'ane. Soc ay me alnich'anetic ya xjajch' scontroinic te sme'-statique, soc ya me yaq'uic ta milel.

Jeremías 12:6

Asta te mero awermanotaque, te jun ana soque, ya yac'at ta c'abal, soc ya yawtayat ta ixta c'op ta apat. Ma xawac' smuc'ul awo'tan yu'unic, manchuc teme lec nax sc'op te ya sc'oponate.

San Lucas 21:15

Melel te jo'one, ya me cac'beyex p'ijil c'op soc ya me cac'beyex te bila ya awalic te ma xju' yu'un sujt'esel te acontroique, soc te ma xju' ta controc'optayel yu'unique.

San Lucas 21:17

Soc ya me yilayex ta spisilic ta swenta jbiil.