San Lucas 20:44 - Bible in Tzeltal de Oxchuc y Tenejapa

⁴⁴ ¿Bit'il ay jiche te ja' sts'umbal David te Cristoe? Melel “Cajwal”, xi' te Davide —xi' te Jesuse.

Nuevo Testamento Tzeltal de Amatenango

⁴⁴ ¿Tutꞌil ay te jaꞌ stsꞌumbal jDavid te Cristoe? Yuꞌun mismo te jDavide la yalbe: “Kajwal”, xchi —xyut te Jesuse.

Bible in Tzeltal Bachajón

⁴⁴ Te David ya yal: Cajwal, xchi; ha yu'un ¿bin ut'il ay a te ha snich'an? xchi te Jesús.

San Lucas 20:44 Referans Kwoze

Apocalipsis 22:16

“Jo'on Jesuson te jticunej tel te ch'ul abat cu'une, tal yal ta testigo-c'op ta stojol te jch'uunjeletique. Jo'on smuc'ul yisimon te muc' ajwalil Davide soc sts'umbalon, soc jo'on te muc'ul ec' c'oemon te ya xloc' tel ta sacubel q'uinale”, xi' te Jesuse.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

Gálatas 4:4

Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.

Romanos 9:5

Ja'ic sts'umbalic te antiguo tatiletic cu'untic. Soc ja' sts'umbal te Cristoe, te bit'il la yich' sbaq'uetal ta balumilale, te ja' Dios stuquele, cajal yu'un spisil te bitic aye, soc te jelawen yutsil sbajt'el q'uinal stuquel. Jichuc.

San Lucas 2:11

Ajc' to nax yayinel ta bay slumal David te Jcoltaywanej awu'unique, ja' te Cajwaltic Cristoe.

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

San Lucas 20:43

ja' to teme la cac'bat apech' ta teq'uel te acontrotaque’, xi' te Diose”, te xie.

San Lucas 20:45

Spisil te lume, la yaiyic stojol te bila jajch' yalbey te jnopojeletic yu'un te Jesuse: