San Lucas 20:35 - Bible in Tzeltal de Oxchuc y Tenejapa

³⁵ Yan te mach'a jayeb lec ya x'ilotic yu'un Dios te jich ya xju' ya x'ainic tey a ta bay te utsil-q'uinal te ya xchicnaj ta patile soc te ya xcha'cuxic tel ta bay te animaetique, ma'yuquix nujbinel tey a.

Nuevo Testamento Tzeltal de Amatenango

³⁵ Pero te machꞌatik lek ya xꞌilot yuꞌun Dios te ya xjuꞌ ya xkꞌoik te ba lekil lum te ya xchiknaj ta patile te kꞌalal ya xchaꞌkux tal te winketike o te antstike, makꞌ me xnujpunikix a,

Bible in Tzeltal Bachajón

³⁵ yan te mach'atic te lec ya x'ilotic yu'un Dios te ya xhu' ya stahic c'ohel te utsilal te ya xchicnaj ta patil soc te cha'cuxajel ta yohlil te mach'atic chamenic, ma xnuhpunic soc ma x'ac'otic ta nuhpunel,

San Lucas 20:35 Referans Kwoze

2 Tesalonicenses 1:5

Ja' in to ja' ya yac' ta ilel te bit'il stojil te chajbanel yu'un te Diose, melel ya yac' x'ainex tey a ta banti ay ta muc' ajwalil te Diose. Ja' swentail te ay awocolic ta ora to.

San Juan 5:29

soc ya me xloq'uic tel ta smuquenalic. In te jayeb mach'atic lec te bila la spasique, ya xcha'cuxic soc ya xcuxinic sbajt'el q'uinal. Yan te mach'atic amen te bila la spasique, ya me xcha'cuxic yu'un ya yich'ic castigo.

San Mateo 12:32

Teme ay mach'a ya scontroc'optay te Nich'anile, ya xju' ya spasbot perdón yu'un. Yan te mach'a ya scontroc'optay te Ch'ul Espiritue, ma xju' ya spasbot perdón yu'un stuquel te jayeb c'aal cuxul ta q'uinal ni ja'uc ta patilal bael ta sbajt'el q'uinal.

Hechos 24:15

Pajal ay smuc'ul co'tan soc in winiquetic to, te melel jmaliyej uuc te ya xcha'cux tel te animaetique, chican teme lec yat'elic o teme amen te yat'elique.

Hechos 5:41

Te jpuc-c'opetic loq'uic tel ta stojol te Muc'ul Tsobleje. Bayal sbujts' yo'tanic yu'un te bit'il Dios la yac' c'otuc ta swentaic te ya xc'ax swocolic ta uts'inel ta swenta te Jesuse.

San Lucas 21:36

Wiq'uiluc me asitic jiche. C'oponaic Dios ta spisil ora te ayuc me awipic te jich lec ya xc'ax awu'unic spisil te bila ya xc'ot ta pasele, soc te jich me ma'yuc falta awu'unic te ya atejc'an abaic ta stojol te Nich'anile —xi' te Jesuse.

Apocalipsis 3:4

Ja'uc me to, ay nax cha'oxtuluc te ay ta bay Sardis te ma ba ts'ilajem te sc'u'-spaq'uique. Ja'ic me te ya sjoinonic ta beel te slapoj saquil sc'u'-spaq'uique, yu'un jich me ya sc'an te bit'il ayique.

Hebreos 11:35

soc ay antsetic te la yich'ic cha'cuxesel te mach'atic ay yu'unique. Soc ay yantic la sts'ic swocolic ta uts'inel. Ma la sc'anic te ya xcolic ta libre, yu'un ja' ay ta yo'tanic te ya staic te xcha'cuxele.

San Marcos 12:24

Te Jesús la yalbey yaiyic: —Te ja'exe jowejemex ta c'op, yu'un ma ba c'oem ta awo'tanic te bila ts'ibubil jilel ta Sjun te Diose, soc te bit'il ay yu'el te Diose.

San Mateo 22:29

Te Jesús la yalbey yaiyic: —Jowejemex ta c'op, yu'un ma ba c'oem ta awo'tanic te bila ts'ibubil jilel ta Sjun te Diose soc te bit'il ay yu'el te Diose.

San Marcos 10:42

Te Jesús la yic' tel ta stojol spisilic. Jich la yalbey yaiyic: —Ya ana'ic te ya yac' sbaic ta ich'el ta muc' yu'un slumal te ajwaliletique. Soc te mach'atic cajal ayique, tulan ya xmandalajic ta stojol te nacione.

San Lucas 16:8

“C'alal la yaiy stojol te yajwal te bila la spas te mayordomo te ma lecuc te yo'tane, la yal: “Mero yan sba te winique. Ay sp'ijil”, xi' yu'un. “Melel te mach'atic ayic ta swenta in balumilal to, c'ax jich ay sp'ijilic te ya sna'ic wenta stuquelic te bit'il ay sp'ijilic te mach'atic ayic ta swenta te saquil q'uinale.