San Lucas 20:22 - Bible in Tzeltal de Oxchuc y Tenejapa

²² ¿Lec bal te ya jtoj jpatantic ta stojol te Cesare, o ma stac'? —xiic.

Nuevo Testamento Tzeltal de Amatenango

²² ¿Me lek te ya jtojtik te jtojemaltik yuꞌun te Cesare o ma lekuk? —xchiik.

Bible in Tzeltal Bachajón

²² ¿Stojil bal te ya ca'be jpatantic te César, o ma'uc? xchihic.

San Lucas 20:22 Referans Kwoze

Nehemías 9:37

Ta spisil te bitic bayal ya xloq'ue, ja' yu'uniquix te muc' ajwaliletic te la awac'otic ta sc'ab ta scaj te jmultique. Ja' yu'un, ay jwocoltic soc jchambalamtic. Ja' puersa ya jch'uuntic te bila ya smulanic ya yaq'uic jpastique. Ja' yu'un ta ora in to ayotic ta buen woclajel —xi' ta sc'oponel Dios te Esdrase.

Hechos 5:37

Patil jich la spas uuc ta yorail censo te jtul Galileo-winic te Judas sbiile. La slo'lay tsobol ta jtul te ba sjoin sbaic soque, ja'uc me to, ja' nanix jich laj ta milel uuc. Spisil pujq'uic bael te swinictaque.

San Mateo 17:25

La yal te Pedroe: —Yac —xi'. Jich och bael ta na te Pedroe. Ja' neel c'opoj te Jesuse. Jich caj yalbey: —Simón, ¿bila ya awal? ¿Mach'a a te ya sc'anbeyic spatan te muc' ajwaliletic ta balumilale? ¿Ja' bal ya sc'anbeyic te yal-snich'anique? ¿O ja' bal ya sc'anbeyic te jyanlumetique? —xi'.

Nehemías 5:4

Soc ay yantic la yalic te ay la smajaniquix taq'uin swenta yu'un ya stoj spatanic ta stojol a te muc' ajwalile ta swenta te sq'uinalic soc te sts'usubile. Soc la yalic xan:

Esdras 9:7

Nameyix soc c'alal ora ayotic ta mero tulan mulil. Ta scaj te bila amen la jpastique, soc nix te muc' ajwaliletic soc sacerdoteetic cu'untique, ta jpisiltic ochotic ta sc'ab muc' ajwaliletic ta yantic nacionetic. La quich'tic ejch'entesel, la quijq'uitay jlumaltic, elc'anot jbiluctic soc la quich'tic ilayel, soc jich nix ayotic c'alal ora in to.

Esdras 4:13

Ya cac'tic ana' stojol ja'at te muc' ajwalilate: Teme la yich' pasel xan in lum to, soc teme la yich' pasel te sjoyob ts'ajc'ule, te winiquetic to ma ba ya stojic spatanic ta stojol ajwalil, soc sloc'ol xchonbajelic soc yantic xan patanetic ta swenta biluc. Jich me ya xch'ay te taq'uin ya awich' ja'at te muc' ajwalilate.

Deuteronomio 17:15

ja' me ya xju' ya awaq'uic ochel ta muc' ajwalil ta nación awu'unic te mach'a alumalic te ya stsabeyex te Cajwaltic te Dios cu'untique. Ma me xju' ya awaq'uic ochuc ta muc' ajwalil teme ma ja'uc te alumalique.

San Lucas 20:21

Jich la sjojc'obeyic te Jesuse: —Maestro, jna'ojtic te toj te bila ya awale soc te bila ya awac' ta nopele. Ma tsabiluc nax awu'un te mach'a ya awich' ta muq'ue. Melel jamal ya awac' ta nopel te be yu'un te Diose.

San Lucas 20:23

Te Jesús la sna' stojol te bit'il amen te yo'tanique. La yalbey yaiyic: —¿Bi yu'un ya awilbonic co'tan?

San Lucas 23:2

Tey la yalic a te bila smulinej ta sc'opique, jich la yalic: —Ja' in winic to, ya sjajch'es c'op ta spamal te nación cu'untique. Ya scomotic ta stojel te patan yu'un César. Soc ya yal sba te ja' Cristo te muc' ajwalile —xiic.

Romanos 13:7

Tojbeya spisil te mach'a ay abet yu'une: Teme ja' te patan taq'uine, ac'a me. Teme ja' te spatanul biluque, ac'a me. Te mach'a ay ta ich'el ta muq'ue, ich'a me ta muc'; te mach'a ay ta xi'ele, xi'a me.