San Lucas 20:20 - Bible in Tzeltal de Oxchuc y Tenejapa

²⁰ Jich yu'un la sticunic jtsajtaywanejetic te scuyoj sbaic ta lec yo'tanic ta ilel ta stojol te Jesuse, swenta yu'un jich me ya yac'beyic yal te bila amene. Yu'un jich me ya yaq'uic ta sc'ab a te ajwalile.

Nuevo Testamento Tzeltal de Amatenango

²⁰ Jaꞌ yuꞌun la stikonik jꞌilawetik te skuyoj sbaik te lek yoꞌtanik ta ilel ta stojol te Jesuse, yuꞌun jich me ya yaꞌbeyik yal a te tut ma lekuke. Jich me ya xba yakꞌik entregal ta stojol te gobiernoe.

Bible in Tzeltal Bachajón

²⁰ Ha yu'un la sticonic bahel jtsahtaywanejetic te la scuy sbahic ta toj yo'tanic scuenta yu'un ya stsajic ta sc'op, hich ya xhu' ya yaq'uic ta sc'ab te gobernador a.

San Lucas 20:20 Referans Kwoze

San Lucas 11:54

Yu'un la yilbeyic yo'tan teme ay ma lecuc te bila ya yal te Jesuse, te jich ya xju' ya stsaquic ta sc'opic a.

San Mateo 27:2

Jich la xchuquic bael. C'o yac'beyic ta sc'ab te Gobernador Poncio Pilato.

Jeremías 11:19

Jun nax co'tan ayon, jich bit'il chij te ya yiq'uic bael ta miljibal, mero ma la jna' teme yacalic ta xchapel jc'oplal ta controinele. La yalic: —Ya jbojtic te te' c'oem, te yich'oj yip ta spisil ora; ya jbultic loq'uel ta balumilal ta bay mach'atic te cuxajtique, swenta yu'un ma me ayuc mach'a ya sna' xan —xiic.

Salmos 81:15

Te mach'atic ay slab yo'tanic ta stojol Cajwaltic ya me xyalic jilel ta lum stuquelic, soc jc'axel me chapal ya xjil te ya xba yich'ic castigo.

2 Pedro 2:3

Scaj sbic'tal yo'tanic yu'un taq'uin te ya slo'layex ta swenta slotil-c'opic te ya yaq'uic ta nopele. Ja'uc me to, namey chapal sc'oplalic te ya yich'ic castigo yu'un. Ma xju' ya scoltay sbaic te ya xbajt'ic ta lajel.

San Lucas 20:26

Jich ma ju' yu'unic te la yac'beyic yal ta stojol lum te bila amene. Jchajp la yaiybeyic a te bit'il sujt'esbot sc'opic yu'un te Jesuse. Tey ma'yuc bila la yaliquix a.

San Marcos 3:2

Jich yu'un te ants-winiquetic la smaliy yilic teme ya scoltay ta sc'aalelal cux-o'tan te Jesuse, swenta yu'un jich ya xju' ya stabeyic smul ta sc'opic a.

Jeremías 20:10

La caiy stojol te sajlajan ta c'op te ants-winiquetique: “Ay xiwel ta spisil ta bayuc”, xiic. Ya yalic: “La'ic, ya xba jlebetic smul”, xiic. Asta te jo'taque ya smaliy yilic te yacuc cal loq'uel jtebuc te lotil c'ope. Ya yalic: “Yacuc yac' sba ta lo'layel; jich me ya jtsaltic soc ya me jsutbeytic spacol”, xiic.

Jeremías 18:18

Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Salmos 66:3

Jich xawalbeyic te Diose: “Spisil te bitic apasoj mero jchajp yutsilal. Ta swenta te smuc'ul awu'el ya me xyalic ta lum ta atojol te acontrotaque;

Salmos 38:12

Te mach'atic ya sc'an ya smilon, ya xchajbanbonic jyaquil; te mach'atic ya sc'an yuts'inon, ya yalbonic jc'oplal ta jinel ta jyalel, soc spisil ora ya xchajbanic te muquen milawe.

2 Samuel 14:2

Ja' yu'un la sticun ta iq'uel tel jtul ants nainem ta Tecoa te mero ay sp'ijil yo'tan, jich la yalbey: —Pasa aba te ayat ta mel-o'tan, lapa c'u'il swenta mel-o'tan, ma me xawac'bey aba perfume. Melel ya me sc'an te jich ya awac' aba te bit'il ants te ayix bayal c'aal te ay ta mel-o'tan ta swenta te ay mach'a lajem yu'une.

Daniel 6:4

Te mach'atic la yich' yat'elic ta yilel yat'el yantic, soc te gobernadoretic, la sleic bi ya yut ya slebeyic smul ta swenta yat'el te muc' ajwalile, pero melel buen toj yo'tan ya x'at'ej te Daniel, ma ba wejt' yu'unic banti ya stabeyic smul. Jich ma'yuc bila ju' yu'unic yaq'uel ta swenta.

San Lucas 20:21

Jich la sjojc'obeyic te Jesuse: —Maestro, jna'ojtic te toj te bila ya awale soc te bila ya awac' ta nopele. Ma tsabiluc nax awu'un te mach'a ya awich' ta muq'ue. Melel jamal ya awac' ta nopel te be yu'un te Diose.