San Lucas 20:17 - Bible in Tzeltal de Oxchuc y Tenejapa

¹⁷ Ja'uc me to, te Jesús la yilbey sitic. Jich la yal: —¿Bi xi' jiche te bila ts'ibubil jilel ta Sjun te Diose: “Te ton te ma xtuun la yilic te jpas-naetique, ja' yiptajib chiquin-na c'otix stuquel”, te xie?

Nuevo Testamento Tzeltal de Amatenango

¹⁷ Pero te Jesuse la skelulanbe sit y jich a yal: —¿Tut a te tsꞌibabil jilel ta Sjun te Diose: “Te ton te ma tsaꞌamuk a yilik te jꞌalwaniletike, jaꞌ yipajib na a kꞌot stukel”, xchi me?

Bible in Tzeltal Bachajón

¹⁷ Te Jesús la yilticlambe sitic, hich la yalbe: ¿Bin scuentahil hiche te hich ts'ihbabil? Te ton te ch'ayot hilel yu'un te jpas-nahetic, ha yich'o-ip xuhc c'oht, te xchihe.

San Lucas 20:17 Referans Kwoze

Salmos 118:22

Te ton te ma lecuc la yilic te jpas-naetique, ja' mero muc' sc'oplal c'oem stuquel.

Isaías 28:16

Jich yu'un ya yal te Cajwaltique: —Ya cac' jp'ij ton ta lum Sión, ja' te jp'ij ton te tsabil, soc te mero bayal yutsile, ja' te mero bayal sc'oplal yu'un spasel na, ja' te ya xtuun yu'un te yiptajibe. Te mach'a ya yac' smuc'ul yo'tan ta stojole, ma ba ya xiw yo'tan.

Hechos 4:11

Ja' in Jesús to, ja' “te ton te xujt' ma tuun yu'unic te albañiletique, ja' yiptajib xujc' na c'otix stuquele”, te xi' sc'oplale.

San Mateo 21:42

Te Jesús jich la yal: —¿Ma bal awilojuc te jich ya yal ta Sjun Dios: “Te ton te ma lecuc la yilic te jpas-naetique, ja' yiptajib chiquin-na c'otix stuquel. Ja' spasoj te Cajwaltique, jchajp nax q'uinal ya caiytic yu'un”, te xie?

San Marcos 12:10

¿Ma bal awilojuc te jich ya yal ta Sjun Dios: “Te ton te ma xtuun la yilic te albañiletique, ja' yiptajib chiquin-na c'otix stuquel.

Zacarías 3:9

Jo'on la cac'bey ta stojol Josué te ton te ay juqueb yelawe, jo'on nix ay bi ya jts'ibuy tey a. Ta patil ta jun nax me c'aal ya jlajinbey smul te lume.

San Lucas 22:37

Ya calbeyex te puersa ya xc'ot ta pasel te bila ts'ibubil jilel ta bay Sjun te Diose: “La sjoin ta ajtayel te jmulawiletique”, te xie. Ya me xc'ot ta pasel spisil te bit'il ts'ibubil jilel jc'oplale —xi' te Jesuse.

San Juan 15:25

Ja'uc me to, puersa jich c'ot ta pasel te bila ts'ibubil ta mandalil te yich'ojique: “Ma'yuc swentail te la yilayonique”, te xie.

San Lucas 24:44

La yalbey yaiyic ts'iin: —Te bila c'ot ta pasel ta jwentae, ja' te la calbeyex awaiyic te c'alal joinejex to a. Puersa jich c'ot ta pasel spisil te bila ts'ibubil jilel jc'oplal ta mandalile yu'un te Moisés soc ta sjun te namey q'uinal j'alwanejetic yu'un te Diose soc ta salmoetic —xi'.

San Lucas 22:61

Te Cajwaltic la sujt'es sba ta yilel te Pedroe. Jich la sna' te Pedro te bila albilix yu'un te Cajwaltique: “Ma to x'oc' mut yo'tic a, te ya amucon ta awo'tan oxeb buelta”, te xie.

San Marcos 10:23

Te Jesús la sc'abubey sit te jnopojeletique. Jich la yalbey yaiyic: —Te jc'ulejetique wocol ya yajwalinic te Diose —xi'.

San Marcos 3:5

Te Jesús la yil ta sjoyobal te ants-winiquetic. Ilin yu'un soc la smel yo'tan yu'un te bit'il tulan te yo'tanique. La yalbey ts'iin te winique: —Toya jajch'el te ac'abe —la yut. La stoy jajch'el sc'ab te winique. Jich lecub te sc'abe.

San Lucas 19:41

Te c'alal nopol ayiquix bael ta Jerusalene, te Jesús la yil spamal te lume. Jajch' yoq'uetay.

Zacarías 10:4

Tey me ya xchicnaj ta yolilic a te Ton te Yiptajib Chiquin Na ya xc'ote, tey me ya xloc' a te Estaca te Snitojibal Nailpac', soc tey me ya xloc' a te T'imalte' swenta Guerra. Tey me ya xloc' a spisilic te jwentainwanejetique.

Efesios 2:20

Ts'ajc'ubilex moel ta muc'ul na. Ta sba te yiptajib la yotsesic te jpuc-c'opetic soc te j'alwanejetic yu'un te Diose. Ja' mero smuc'ul stonil chiquin-na te Jesucristoe.

1 Pedro 2:6

Ja' swentail te jich ts'ibubil jilel ta Sjun te Diose: “Jo'on ya cac' ta wits Sión te muc'ul ton te tsabil cu'une, ja' te ton te c'ax bayal yutsil stuquel te ja' yiptajib chiquin-na ya xc'ote. Te mach'a ya xch'uune, ma'yuc ta q'uexlal ya xc'ot yu'un”, te xie.