San Lucas 20:16 - Bible in Tzeltal de Oxchuc y Tenejapa

¹⁶ Ya calbeyex te ya me xtal smil jilel te j'at'eletique, soc yantic me ya yac'bey swentain te ts'usubiltic yu'une —xi' te Jesuse. Te mach'atic la yaiyic stojole la yalic: —¡Ma jichuc ya sc'an te Diose! —xiic.

Nuevo Testamento Tzeltal de Amatenango

¹⁶ Ya me xtal smil jilel te jꞌaꞌteletike, y ya me yakꞌ ta kanantayel ta yan te ubailtik yuꞌune —xchi te Jesuse. Te machꞌatik la yaꞌiyike la yalik: —Ma wan jichuk ya skꞌan te Diose —xchiik.

Bible in Tzeltal Bachajón

¹⁶ Ya me xtal smil te j'a'teletic, yantic mach'a ya ya'be scuentahin te sts'usubile, xchi te Jesús. C'alal hich la ya'iyic: ¡Dios ac'a te ma hichuc ya xc'oht ta pasel! xchihic yu'un.

San Lucas 20:16 Referans Kwoze

San Lucas 19:27

Yan te mach'atic scontroinejone te ma la sc'anic te ya x'ochon ta muc' ajwalil ta swentaique, ic'bonic tel ta jtojol. C'ocbeyaic loq'uel sjol”, xi' te muc' ajwalile —xi' ta yalel te Jesuse.

Hechos 13:46

Jich te Pabloe soc te Bernabé, jajch' yalbey yaiyic ta jamal: —Te ja'ex te judioex atuquelique, puersa neel albotex awaiyic te sc'op Diose, ja'uc me to, la ap'ajiquix soc ma x'ac'anic te ya awich'ic acuxlejalic sbajt'el q'uinale. Jich yu'un ta ora to, tey me ya xbootic ta stojol te jyanlumetique.

San Mateo 21:41

La yalic: —Ya me xtal slajin ta jc'axel te mach'atic amenique, ya me yac'bey ta swenta yan j'at'eletic te ts'usubiltic yu'une, ja' te ya sna'ic yaq'uel jujun buelta te jayeb ya sitin te ts'usube —xiic.

San Mateo 22:7

“Te c'alal la yaiy stojol te muc' ajwalile, bayal ilin yu'un. Jich la sticun bael te soldadoetic yu'une. Ba smilic te jmilawaletique, soc la xchic'beyic te slumalique.

San Mateo 21:34

“C'alal la staix yorail ta tulel sit te sts'usube, la sticun abatetic ta c'anel tel te jayeb ya xc'ot ta swenta te sts'usube.

San Marcos 12:9

“¿Bila ya spas te yajwal ts'usubiltique? Ya calbeyex te ya me xtal smil jilel te j'at'eletique soc ay me yan j'at'eletic ya yac'bey swentainic.

San Lucas 20:15

Jich la sloq'uesic bael ta ts'usubiltic, soc la smilic. “¿Bi me ya spas awaiy te yajwal ts'usubiltique?

Romanos 3:4

Ma jichuc. Melel ma sujt'es sc'op stuquel te Diose, manchuc teme jpas-lot spisil te ants-winiquetique. Jich te bit'il ts'ibubil jilel ta Sjun te Diose: “Ta swenta te bila ya awale, toj ya xc'oat yu'un. Jich me ya awaiy tsalaw te c'alal ya awich' chajbanele”, te xi' sc'oplale.

Romanos 3:6

Ma jichuc. Teme ma tojuc te bila ya spas te Diose, ¿bit'il c'an ju'uc yu'un xchajbanel smulic te mach'atic ayic ta balumilale?

Romanos 3:31

¿Yu'un bal ya jlajinbeytic sc'oplal xch'uunel te mandalil ta swenta xch'uunel te Jesucristoe? Ma jichuc. Ja' c'axem to xan ay sc'oplal ya xc'ot cu'untic te mandalile.

Romanos 6:2

¡Ma jichuc! Melel lajemotiquix ta stojol te mulile, ¿bit'il c'an cac' jbatic xan ta swenta?

Romanos 6:15

¿Bit'il ay a jiche? ¿Ya bal jle xan jmultic te bit'il ma'yucotiquix ta swenta te mandalile te bit'il ja' ayotiquix ta swenta yutsil yo'tan te Diose? Ma jichuc ya sc'an.

Romanos 7:7

¿Bila ya caltic yu'un jiche? ¿Mulil bal te mandalile? ¡Ma jichuc! Ja'uc me to, te manchuc ayuc te mandalile, ma la jna' te bila a te mulil te jichuque. Ma la jna' teme mulil te bic'tal-o'tanil te manchuc la yal ta jamal te mandalil te “ma me xbic'taj awo'tan”, te xie.

Romanos 7:13

¿Yu'un bal ja' la yac'on ta lajel te bila leque? Ma jichuc. Te bila la yac'on ta lajele, ja' stuquel te mulile. Tey chican ta ilel a te mulil te ma lecuque, melel la yac'on ta lajel ta swenta te bila leque. Soc ta swenta te mandalile, chicnaj te mero amen ta c'axem to xan te mulile.

Romanos 9:14

¿Bi ya caltic yu'un? ¿Ya bal xju' ya caltic te ma tojuc te bila ya spas te Diose? ¡Ma jichuc!

Romanos 11:1

Jich ya cal in to: “¿Yu'un bal jc'axel la xch'ojix jilel te lum yu'un te Diose?”, xoon yu'un. ¡Ma jichuc! Melel te jo'one, israelon uuc, sts'umbalon te Abrahame. Ayon ta swenta sts'umbal Benjamín.

Romanos 11:11

Jich ya cal in to: ¿Yu'un bal jc'axel yalic yu'un te bit'il la sc'ojch'in yacanic te judioetique? ¡Ma jichuc! Melel ta swenta bit'il la xc'axintayic mandal te tal colel ta stojol te jyanlumetique, swenta xjajch'ib sbic'tal yo'tanic c'ot te judioetique.

1 Corintios 6:15

¿Soc ya bal xju' ya cac'beytic sjoin sba te sbaq'uetal Cristo soc te sbaq'uetal te jmulawil antse? ¡Ma jichuc!

Gálatas 2:17

Jich yu'un, teme ya jletic te libre ya xc'ootic yu'un jmultic ta swenta te Cristoe, soc teme tey ya xchicnaj a te bit'il pajal jmulawilotique, ¿yu'un bal ya yal te ja' ya yac'otic ta jmulawil te Cristoe? ¡Ma jichuc!

Gálatas 3:21

Te mandalile, ¿ya bal xch'aybey sc'oplal te bila yaloj Dios ta trato? ¡Ma jichuc! Te yu'unuc ayuc mandalil te ya xju' ya xcuxinotic yu'une, jich toj ya yilotic Dios yu'un xch'uunel te mandalil te jichuque.

Gálatas 6:14

Yan te jo'one, ma'yuc bi yan te toyol q'uinal ya caiy yu'une, ja' nax toyol q'uinal ya caiy yu'un stuquel te scruz te Cajwaltic Jesucristoe. Ja' ta swenta stuquel, te lajemix sc'oplal cu'un te balumilale, soc jich lajemonix ta stojol uuc te balumilale.