San Lucas 2:41 - Bible in Tzeltal de Oxchuc y Tenejapa

⁴¹ Te sme'-stat te Jesuse c'aemic ta jujun ja'wil te ya xbajt'ic ta spasel q'uin Pascua ta Jerusalén.

Nuevo Testamento Tzeltal de Amatenango

⁴¹ Te smeꞌ-stat te Jesuse kꞌayemik te jujun jaꞌbil ya xbajtik ta spasel kꞌin Pascua ta Jerusalen.

Bible in Tzeltal Bachajón

⁴¹ Jujun ha'bil ya xbahtic ta yilel te Q'uin Pascua ta Jerusalén te sme'stat te Jesús.

San Lucas 2:41 Referans Kwoze

Deuteronomio 12:18

Ja' nax me ya xju' ya awe'ic ta swenta te Cajwaltic te Dios cu'untic tey ta banti ya stsa stuquele, soc me te anich'nabic, te abatetic awu'unic soc te levitaetic te nainemic ta banti ayexe. Jich me bin nax awo'tanic ya awe'ic te sit te awat'elique.

San Juan 2:13

Nopolix yorail q'uin Pascua yu'un te judioetique. Jich te Jesuse mo bael ta Jerusalén.

1 Samuel 1:21

Te Elcana soc te mach'atic ay yu'un bajt' xan ta Silo. Ba yac' c'otuc ta pasel te bi yaloj ta stojol te Cajwaltic, soc ta yaq'uel milbil smajt'an ta swenta jujun ja'wil,

1 Samuel 1:3

Te Elcana jujun ja'wil ya xloc' jajch'el ta slumal, ya xbajt' ta lum Silo ta xch'uunel soc ta yaq'uel milbil smajt'an te Cajwaltic te Spisil ya xju' yu'une. Tey ay a te cheb snich'nab sacerdote Elí: Ofni soc Finees sbiilic, ja' nix sacerdoteetic yu'un te Cajwaltique.

Deuteronomio 16:16

“Spisil te winiquetic puersa me ya xtal stejc'an sbaic oxeb buelta ta stojol Cajwaltic Dios ta jujun ja'wil, tey me ta yawil te banti tsabil yu'un te Cajwaltique, ta yorail te q'uinetique: te q'uin yu'un Waj te ma ba yich'oj levadura, te q'uin yu'un Semanaetic, soc te q'uin yu'un Nailwamal. Ma me ayuc jtuluc te jochol sc'ab ya xtal stejc'an sbaic ta stojol te Cajwaltique.

Deuteronomio 12:11

ja' meix yorail a te ya stsa jun yawil sbiil te Cajwaltic te Dios cu'untique. Jich me ya awac'beyiquix spisil a te bi la calbeyex te ya awac'beyique: ja' te milbil chambalametic te ya yich' chiq'uel ta swenta yich'el ta muc' awu'unique, te jun ta slajunebal abiluc, soc abiluquic swenta patanil awu'unic, soc spisil te bitic buen t'ujbil tsabil te jc'axel awalojic ta stojol te Cajwaltique.

Números 28:16

“Ta xchanlajunebal c'aal xjajch'el te sbabial u yu'un te ja'wile, ya me apas te q'uin Pascua ta swenta quich'el ta muc' jo'on te Ajwalilone.

Levítico 23:5

“Ta xchanlajunebal c'aal sjajch'el a te sbabial u, ta yijc'ubel q'uinal ya me yich' pasel te Pascua swenta quich'jibal ta muc' jo'on te Ajwalilone.

Éxodo 34:23

“Spisil winiquetic ya me stejc'an sbaic ta jtojol jo'on Ajwalilon te Dioson yu'un Israel.

Éxodo 12:14

Ja' in c'aal to ya me sc'an ya ana'ulayic, ya me apasic muc'ul q'uin jujun ja'wil, yu'un quich'jibal ta muc', jo'on te Ajwalilone. Ja' mandalil sbajt'el q'uinal te ya xc'ax ta stojol ta cajalcaj alnich'anetic.

San Juan 13:1

Nopol ya sta yorail te q'uin Pascuae. Te Jesús sna'oj te c'otix yorail te ya yijq'uitay jilel in balumilal to soc te ya xbajt'ix ta stojol te State. Spisil ora c'ux la yaiy ta yo'tan te mach'atic ay yu'un ta balumilale, soc la yac'bey xan yilic te c'uxbajem ta yo'tan c'alal ta slajibal.

San Juan 11:55

Nopolix yorail a te q'uin Pascua yu'un te judioetique. Neelajemic bael ta Jerusalén tsobol judioetic ta juju-jpam lum, swenta yu'un ya xba yac' sbaic ta utstesel ta stojol Dios neeluc te bit'il ya xjajch' spasic te q'uin Pascuae.

San Juan 6:4

Nopolix yorail te q'uin Pascua yu'un te judioetique.

Éxodo 12:11

Alapoj meix ac'u'ic soc axanabic, soc atsacoj meix anabate' ta ac'abic abi. Ti'aic ta animaltic te sbaq'uetal te chambalame, melel Pascua yu'un te Cajwaltique.

San Lucas 2:42

Te c'alal ayix lajchayeb ja'wil ya'wilal a te Jesuse, moic bael ta Jerusalén ta spasel q'uin, jich te bit'il c'aemic ta spasel jujun ja'wile.