San Lucas 2:20 - Bible in Tzeltal de Oxchuc y Tenejapa

²⁰ Te c'alal sujt'ic bael te jcanan-chijetique, la sc'ajintaybeyic yutsilal Dios yu'un te bila la yaiyic stojole soc te bila la yilic ta sitique. Melel jich nix la yilic spisil te bila albot yaiyique.

Nuevo Testamento Tzeltal de Amatenango

²⁰ Te jkanan-karneraetike kꞌalal sujtik baele la skꞌayojimbeyik slekilal te Diose yuꞌun te tuti yaꞌibeyik sluwarile sok te tuti yilik ta sitike. Yuꞌun spisil a kꞌot ta pasel te tuti altalanbot yaꞌiyike.

Bible in Tzeltal Bachajón

²⁰ Suhtic bahel te jcanan-tuminchijetic, yac sc'ayojtaybelic bahel te Diose, soc yac yalbebelic bahel bayel wocol yu'un spisil bintic c'ohtix ta pasel te la ya'iyic soc te la yilic, hich te bin ut'il halbotic ya'iyique.

San Lucas 2:20 Referans Kwoze

Isaías 29:19

Te mach'atic peq'uelic ya me xcha'bujts'naj bael yo'tanic ta stojol te Cajwaltique; te mach'atic me'baetic ya me xbujts'naj yo'tanic ta swenta te Ch'ul Dios yu'un Israel.

Salmos 106:48

Bin nax me yutsil stuquel te Dios yu'un Israel ta spisil bael ta sbajt'el q'uinal. Spisiluc me ac'a yalic: “Jichuc”, xiuquic me. ¡Bin nax me yutsil te Cajwaltique!

Hechos 11:18

Te c'alal la yaiyic stojol spisil in to te mach'atic la stijic ta c'op te Pedroe, ch'abic ta c'op yu'un soc la yalbeyic jelawen yutsil sc'oplal te Diose. Jich la yalic: —¡Dios la yac'beyix sujt'es yo'tanic yu'un smulic te jyanlumetique, swenta yu'un jich me ya xcuxinic sbajt'el q'uinal uuc! —xiic yu'un.

San Lucas 18:43

Te winique ora la yil te q'uinale. La sts'aclin bael te Jesuse, yac ta yalel yutsilal te Diose. Soc uuc te ants-winiquetique, la yalbeyic yutsilal Dios yu'un.

San Mateo 9:8

C'alal la yilic te ants-winiquetique, xiw yo'tanic yu'un. Jajch' yalbeyic wocol Dios yu'un te bit'il yich'oj tulan yat'el ta scoltayel te ants-winiquetique.

Salmos 107:21

Albeyaic wocol te Cajwaltique. Albeyaic wocol yu'un te xc'uxul yo'tan te Cajwaltic, ja' te bila ya spas ta stojol te ants-winiquetique.

Salmos 107:15

Albeyaic wocol te Cajwaltique. Albeyaic wocol yu'un te xc'uxul yo'tan te Cajwaltic, ja' te bila lec ya spas ta stojol te ants-winiquetique.

Salmos 107:8

Albeyaic wocol te Cajwaltique. Albeyaic wocol yu'un te xc'uxul yo'tan te Cajwaltique, ja' te bila lec ya spas ta stojol te ants-winiquetique.

San Marcos 1:7

Jach ta xcholel, jich la yal: —Te mach'a patil ya xtal cu'un ja' cajal yu'el stuquel. Ma spas te ya jtilbey yac'ul te xanabe.