San Lucas 2:14 - Bible in Tzeltal de Oxchuc y Tenejapa

¹⁴ “¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.

Nuevo Testamento Tzeltal de Amatenango

¹⁴ “¡Ben tsaꞌam slekil te Dios te ay ta chꞌulchane! Ya yakꞌ bujtsꞌan kꞌinal ta balmilal ta stojol te machꞌatik ayik ta kꞌuxutayel yuꞌune”, xchiik.

Bible in Tzeltal Bachajón

¹⁴ ¡Bayel yutsil te Dios ay ta toyol, soc ay lamal q'uinal ta bahlumilal, ay yutsil yo'tan Dios ta stojol te ants-winiquetique! xchihic.

San Lucas 2:14 Referans Kwoze

Romanos 5:1

Ta swenta te xch'uunjel co'tantique, libre c'oemotiquix yu'un te jmultique. Jich me junajemix co'tantic soc te Diose, ta swenta nax te Cajwaltic Jesucristoe.

San Lucas 19:38

—¡Bin nax yutsil te Muc' Ajwalil te talemix ta swenta te Cajwaltique! ¡Lamalix q'uinal ta ch'ulchan! ¡Jelawen yutsil te Mach'a ay ta ch'ulchane! —xiic ta aw.

Colosenses 1:20

Soc ja' ta swenta Cristo te ya yac' junajuc ta stojol Dios spisil te bitic ay ta balumilale soc uuc te bitic ay ta ch'ulchane. Tey la yac' lamajuc q'uinal a ta swenta bit'il la smal xch'ich'el ta cruz.

San Lucas 1:79

swenta yu'un ya me yac' sacubuc q'uinal ta stojol te mach'atic ayic ta sc'ubulil te ijc' q'uinale soc ta bay yaxinal te lajele, soc ya me stojtesotic bael ta sbelal te lamal q'uinale —xi' te Zacariase.

Apocalipsis 5:13

Spisil te bitic chicnantesbil yu'une te ay ta ch'ulchan soc ta balumilal soc ta ye'tal balumilal soc ta mar soc spisil te bitic ay tey a, jich yacalic ta yalel: “Te mach'a nacal ta muc'ul nactijibal soc te Alalchije, ac'a yich' albeyel wocol. Ay ta ich'el ta muc', ay yutsilal soc ay yu'el ta sbajt'el q'uinal”, xiic ta spisilic.

Isaías 57:19

Soc jich ya calbey ta spisilic: “Lamaluc me q'uinal awaiyic te c'ubul ayexe, soc lamaluc me q'uinal awaiyic te nopol ayexe. Jo'on ya jlamantesbey xchamel te lum cu'une”, xoon me.

Hechos 10:36

Dios la sticun ta alel ta stojol te israeletique te bit'il ya xju' te lamal q'uinal ya caiytic ta swenta te Jesucristoe, te ja' Ajwalil yu'un spisil te ants-winiquetique.

San Juan 17:4

“La caq'uix ta ilel awutsilal ta balumilal. Ju'ix ta pasel cu'un te bila la awac'bon jpase.

2 Tesalonicenses 2:16

Ja' nix te Cajwaltic Jesucristoe soc te Jtatic Diose te c'uxotic ta yo'tane soc te yac'ojbotic smuc'ul co'tantic sbajt'el q'uinale, soc te ay bi ya jmaliytic ta swenta yutsil yo'tan cu'untique,

Filipenses 2:11

Spisilic ya me yalic ta jamal te ja' Ajwalil stuquel te Jesucristoe. Jich me jelawen yutsil sc'oplal ya xc'ot te Jtatic Dios yu'une.

San Lucas 3:22

Jich coj tel ta stojol Jesús te Ch'ul Espiritue. Chican ta ilel, melel jich bit'il stsumut te jul ta stojole. Soc la yaiyic stojol te ay mach'a c'opoj tel ta ch'ulchan te jich la yale: “Ja'at Jnich'anat te bayal c'uxat ta co'tan. Bin nax co'tan awu'une”, te xie.

San Mateo 21:9

Te ants-winiquetique te neel yacalic ta beel soc te patil ayique, la yawtayic: —¡Jelawen yutsil te sts'umbal David! ¡Bin nax yutsil te mach'a talem ta swenta te Cajwaltique! ¡Jelawen yutsil te Mach'a ay ta ch'ulchane! —xiic ta aw.

Isaías 49:13

Ja'at ch'ulchan, awunan yu'un yutsil awo'tan. Ja'at lumq'uinal, nojuc me yutsil awo'tan. Ja'ex witstiquil, wilanic ta aw yu'un yutsil awo'tanic. Melel te Cajwaltic la smuc'tesbeyix q'uinal yaiy te lum yu'une; la sna'beyix yo'bolil sba yu'un te swocole.

Efesios 1:9

La yac'botiquix jna'tic stojol te sc'anjel yo'tan te muquen aye, ja' bi, ja' te bila la xchap stuquele.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

Isaías 44:23

Ja'at ch'ulchan, awunan, binuc nax awo'tan yu'un te bila spasoj te Cajwaltique. Toyesaic ta alel, “Bin nax yutsil”, xaanic me, ja'ex te ayex ta yet'al balumilale. Ja'ex witstiquil soc ja'maletic ta apisilic soc te te'etic awu'unique, binuc nax me awo'tanic ta aw. Melel te Cajwaltic la yac' ta ilel te yutsilale; libre la yac' te Israel, te lum yu'un Jacob.

Filipenses 2:13

Melel yac ta at'el ta awo'tanic te Diose. Ja' me ya yac' ta awo'tanic sna'el te bila lec yo'tan yu'une, soc ya me scoltayex ta spasel.

Efesios 2:7

Jich me ya xchicnaj ta ilel ta patilal bael, te ay bayal yutsil yo'tan cu'untic te la xc'uxtayotic ta swenta te Cristo Jesuse.

Efesios 2:4

Ja'uc me to, te Diose, mero Jc'uxtaywanej stuquel. Ta swenta smuc'ul xc'uxul yo'tan te la xcuxtayotique.

San Juan 14:27

“Ya cac'beyex jilel lamal q'uinal. Ja' ya cac'beyex jilel te lamal q'uinal cu'une. Ma pajaluc soc te bit'il ya yac' te balumilale. Ma me xawac' woclajuc awo'tanic soc ma me xiw awo'tanic.

San Juan 3:16

Melel te Diose bayal c'ux la yaiy ta yo'tan spisil te ants-winiquetique. Jich yu'un la yac'bey te jip jtul Snich'ane, swenta yu'un spisil te mach'a ya xch'uune, ma xch'ay, jich me ya sta xcuxlejal sbajt'el q'uinal.

Miqueas 5:5

Ya me yac' lamal-o'tanil stuquel. C'alal ya yochintay asiriaetic te jlumaltic soc te ya x'ochic ta muc'ul palacioetic cu'untic, ya me jticuntic bael ta yilbeyel sba soc juqueb jtsobwanejetic soc waxactul winiquetic te muc' sc'oplalique.

San Lucas 2:13

Ora chicnaj tsobol yantic ch'ul abatetic ta ch'ulchan. Yacalic ta sc'ajintayel te Diose:

San Lucas 2:15

C'alal sujt'ic bael ta ch'ulchan te ch'ul abatetique, te jcanan-chijetique jich la yalbey sbaic: —Conic ta Belén. Ya xba quiltic te bila c'otix ta pasel te la yac'botiquix jna'tic te Cajwaltique —xiic.