San Lucas 19:44 - Bible in Tzeltal de Oxchuc y Tenejapa

⁴⁴ Ya me yich' wuyel c'alal ta lum spisil te naetique. Ya me yich' milel spisil yajwal te alumale. Ni jp'ijuc ton te cajal ya xjil ta sba yan ton. Spisil me jich ya xc'ot ta pasel scaj te ma c'ot ta awo'tan te bi ora tal yilat te Diose —xi' ta yalel te Jesuse.

Nuevo Testamento Tzeltal de Amatenango

⁴⁴ ya me slajinelex ta apisilik. Ya me xmiltalanot spisil te alumale. Ma me ayuk xjil jpꞌejuk ton te kajal ya xjil ta sba te jpꞌej xan tone. Porke ma la anaꞌbe sba te tut ora xtaluk te Dios te tal skoltayate —xchi te Jesuse.

Bible in Tzeltal Bachajón

⁴⁴ ya me sjinat cohel c'alal ta lum soc te awal-anich'nab te tey ayic a, soc ni junuc ton cajal ya xhil ta sba yan ton, como ma ba la ana' te bin ora talat ta ilel, xchi.

San Lucas 19:44 Referans Kwoze

San Lucas 21:6

—Yacalex ta yilel spisil in to. Ja'uc me to, ya me sta yorail te ma'yuc jp'ijuc ton te cajal ya xjil ta sba te yan tone —xi' te Jesuse.

Lamentaciones 1:8

Jerusalén bayal sleoj smul, te ja' ac'otix ta ilayel yu'une. Te mach'atic neel la yich'ic ta muc', ta ora yo'tic ya yilayiquix, melel la yilbeyic te chican sbaq'uetal c'oem. Jich yu'un yac ta oq'uel te Jerusalén, ya xq'uexawix jichuc ants, ya snac' sba yu'un.

1 Pedro 2:12

Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

San Lucas 19:42

Jich la yal ta yoq'uetayel: —Te c'oemuc ta awo'tan ta ora to te bila ya yac'bat lamal q'uinal awaiy yu'une, ja'uc me to, macal ta atojol ta ora to.

San Lucas 1:68

—Jelawen yutsil te Cajwaltic te Dios yu'un Israele. Yu'un tal scoltay ta libre te lum yu'une.

San Mateo 24:2

La yal te Jesuse: —¿Yacalex bal ta yilel spisil in to? Jamal ya calbeyex, spisil me ya yich' jinel. Ma me ayuc jp'ijuc ton te cajal ya xjil ta sba te yan tone —xi' te Jesuse.

Daniel 9:24

“Ya me xc'ax lajuneb xchanwinic (70) semana ta stojol te alumal soc te ch'ul lum awu'une, ja' to me ya sta yorail ya xlaj a te toybail soc te mulile, ja' to me ya sta yorail te perdón yu'un te bila amen yich'oj pasele. Sbajt'el me q'uinal ja' ya yich'ix pasel a te bila stojile, soc swenta yu'un jich ya xc'otix ta pasel a te bila chicnajem ta aiyele, soc nix te bila albil ta alwanej-c'ope, soc te ya yich' ch'ultesel xan te Mero Ch'ul Awilale.

San Lucas 1:78

Melel ta swenta xc'uxul yo'tan cu'untic te Diose, te ya yac' loc'uc tel c'alal ta ch'ulchan te mach'a ya yac' sacubuc q'uinal ta jtojoltic,

San Marcos 13:2

La yal te Jesuse: —¿Yacat bal ta yilel in muc'ul ts'ajc'ubil naetic to? Ya calbat, spisil me ya yich' jinel. Ma me ayuc jp'ijuc ton te cajal ya xjil ta sba te yan tone —xi' te Jesuse.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Salmos 137:9

Bayal me yutsil te mach'a ya stsacbat te alaletic awu'un te ya smajbat ta muc'ul ton.

Isaías 10:3

¿Bi ya apasic te c'alal ya x'och ta ich'el ta wenta te awat'elic, c'alal ya awilic c'ubul ayix a te castigoe? ¿Mach'a ya xba ac'anbey xan coltayel? ¿Banti ya awaq'uic jilel te ac'ulejalique?

Isaías 29:3

Ya me jticun tel bayal soldadoetic cu'un swenta yu'un ya sjoytayat, ya me smacat ta ajoytayel te soldadoetic; soc ay bila ya jbusan ta swenta cac'belat guerra.

Jeremías 11:23

Ma'yuc mach'a ya xcol jilel jtuluc, melel ya me sta sc'aalelal te ya quich'bey ta wenta yat'elic te yajwal Anatot, ya me cac' tel woclajel ta stojolic —xi' te Cajwaltique.

Daniel 9:26

C'alal ya xc'ax te cheb xchanwinic (62) semana, ya me smilic te ch'ul jwentainwaneje. Te Jerusalén ya me yich' lajinel soc ya me yich' lajinel uuc te templo, ja' me ya slajin te swinictac te muc' ajwalil ya xtale. Te slajibale ora me ya xc'ot ta pasel, jich me ya xtal te bit'il snojel ja'; ja' to me c'alal slajibal te guerra soc te jinele, ja' te chapal nix sc'oplal ae.