San Lucas 19:42 - Bible in Tzeltal de Oxchuc y Tenejapa

⁴² Jich la yal ta yoq'uetayel: —Te c'oemuc ta awo'tan ta ora to te bila ya yac'bat lamal q'uinal awaiy yu'une, ja'uc me to, macal ta atojol ta ora to.

Nuevo Testamento Tzeltal de Amatenango

⁴² Jich a yal: —Te kꞌoemuk ta awoꞌtanik te ora to te tut ya xjuꞌ ya sbujtsꞌanej kꞌinal ya awaꞌiyik yuꞌune, pero te ora to nakꞌal ta atojolik, ma spas ya awilik.

Bible in Tzeltal Bachajón

⁴² hich la yal: ¡Te ayuc bin ut'il la ana' ta c'ahc'alel ini bin ut'il ya xlahmaj q'uinal awu'un! Pero yo'tic macbil ta asit, ma ba yac awil.

San Lucas 19:42 Referans Kwoze

Deuteronomio 32:29

Te ayuc sp'ijil yo'tanic, ya xc'ot ta yo'tanic te bi c'oem ta pasel te jichuque.

Hebreos 3:15

Jich te bit'il la yal te Diose: “Yo'tic to, teme ya awaiybeyic stojol sc'op te Diose, ma me tulanuc ya awac' te awo'tanique, jich bit'il te mach'atic la scontroinonique”, te xie.

Isaías 48:18

Ja' mero lec te lajuc awich' ta muc' te mandaliletic cu'une. Te jichuque, te awutsil-alequile jich a muc'ub c'oem te bit'il snojel ja'; jich me lec c'oat ta loq'uel te bit'il xquechet ya xbeen yip te mar.

Hechos 10:36

Dios la sticun ta alel ta stojol te israeletique te bit'il ya xju' te lamal q'uinal ya caiytic ta swenta te Jesucristoe, te ja' Ajwalil yu'un spisil te ants-winiquetique.

Isaías 55:6

“Leaic me te Cajwaltic te ya to xju' ta taele; ic'a ta awo'tan te bit'il nopol to aye.

Hebreos 3:13

Te bit'il yo'tic to ya sc'an ya jch'uuntic te Diose, ja' ya sc'an te ya ajechtac'uy abaic jujun c'aal, swenta yu'un ma me ayuc jtuluquex te ya xlajex ta lo'layel yu'un mulil, te jich tulan awo'tanic ya xc'oex yu'une.

San Lucas 19:44

Ya me yich' wuyel c'alal ta lum spisil te naetique. Ya me yich' milel spisil yajwal te alumale. Ni jp'ijuc ton te cajal ya xjil ta sba yan ton. Spisil me jich ya xc'ot ta pasel scaj te ma c'ot ta awo'tan te bi ora tal yilat te Diose —xi' ta yalel te Jesuse.

Hechos 13:46

Jich te Pabloe soc te Bernabé, jajch' yalbey yaiyic ta jamal: —Te ja'ex te judioex atuquelique, puersa neel albotex awaiyic te sc'op Diose, ja'uc me to, la ap'ajiquix soc ma x'ac'anic te ya awich'ic acuxlejalic sbajt'el q'uinale. Jich yu'un ta ora to, tey me ya xbootic ta stojol te jyanlumetique.

Ezequiel 33:11

Melel jo'on te cuxul Ajwalilon, ya cal ta jamal: Ma jc'an te ya xlaj te mach'a amen yo'tane, ja' ya jc'an te ya stojtes te yat'el soc te ya xcuxin xane. Israel, ijq'uitaya te apocol acuxlejal awich'oj ta ora in to. ¿Bi yu'un jiche te ya xlajate?” uta me.

Isaías 44:18

Te ants-winiquetic ma sna'ic q'uinal ta jyalel, ma xc'ot ta yo'tanic. Ma'situbenic ta jyalel te ma xju' yu'unic yilele; mero macal ta jyalel te yo'tanique, jich ma sna'ic stojol.

Hebreos 3:7

Ja' swentail te jich ya yal te Ch'ul Espíritu ta bay Sjun te Diose: “Yo'tic to, teme ya awaiybeyic stojol sc'op te Diose,

Salmos 81:13

Te lajuc yaiybon jc'op te lum cu'une, te lajuc st'unbon te beetic cu'un te Israel,

Salmos 32:6

Jich yu'un te c'alal ay woclajel ya yaiyique, te mach'atic toj yo'tanic ya sc'oponat; manchuc me ya xtal bayal snojel ja'etic, ma xtaotic c'oel yu'un.

Deuteronomio 5:29

¡Bayal me yutsil teme spisil ora jich ay te yo'tanique, te yacuc yich'onic ta muc' soc te yacuc spasic spisil ora te bila ya yal te mandaliletic cu'une, swenta yu'un bin nax me yo'tanic ya x'ainic soc yal-snich'nab ta spisil ora!

Jeremías 13:17

Teme ma x'awaiybeyic stojole, ya me x'oc'on ta muquen ta scaj te atoybailique; ya me x'oquin te ya'lel jsite, melel ya yiq'uic bael ta mosoil te jtsojp chijetic yu'un te Cajwaltique.

San Lucas 19:41

Te c'alal nopol ayiquix bael ta Jerusalene, te Jesús la yil spamal te lume. Jajch' yoq'uetay.

San Lucas 19:43

Yu'un ya me sta sc'aalelal te ya xtal te awajcontroe. Ya me sjoytayat soc spamal te alumale. Ya me xtal yaiy tulan guerra. Ya me sle bi ya yut ya yochintaybat te alumale.