San Lucas 19:28 - Bible in Tzeltal de Oxchuc y Tenejapa

²⁸ Te c'alal lajix yo'tan ta c'op te Jesuse, cha'jajch' xan ta beel moel ta Jerusalén.

Nuevo Testamento Tzeltal de Amatenango

²⁸ Patil te kꞌalal laj yoꞌtan ta kꞌop te Jesuse, lijk xan ta beel ta Jerusalen.

Bible in Tzeltal Bachajón

²⁸ C'alal laj yo'tan ta yalel ini, mo bahel ta Jerusalén, ha nahil bahel yu'unic.

San Lucas 19:28 Referans Kwoze

San Lucas 9:51

C'alal nopol ya sta yorail te ya x'ic'ot moel ta ch'ulchan te Jesuse, la stejc'an yo'tan te ya xbajt' ta Jerusalén.

1 Pedro 4:1

Jich yu'un, te bit'il c'ax swocol ta sbaq'uetal ta jwentatic te Cristoe, ja' ya sc'an te jichuc co'tantic uuc te bit'il yo'tan stuquele. Yu'un te mach'a c'axix swocol ta sbaq'uetale, jich la stsalix te mulile.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

San Lucas 18:31

Te Jesús la yic' ta stojol stuquel nax te lajchaytul jnopojeletic yu'une soc la yalbey yaiyic: —Aiya awaiyic stojol: Yacotiquix ta moel bael ta Jerusalén. Tey me ya xc'ot ta pasel a te bit'il la sts'ibuyic jilel j'alwanejetic yu'un Dios te sc'oplal te Nich'anile.

San Lucas 12:50

Ja'uc me to, puersa neel ya xtal tulan woclajel ta jtojol. Ayix jwocol ya caiy te bit'il yacon ta smaliyel te ya xc'ot ta pasele.

San Juan 18:11

Te Jesús jich la yalbey te Pedroe: —Ac'a ochel ta sna te apuñale. ¿Yu'un bal ma puersauc ya xwoclajon te bit'il jich ya sc'an te Jtat te ya xc'ot ta jwentae? —la yut.

San Lucas 10:30

Te Jesús la yalbey: —Ay jtul winic coj tel ta Jerusalén. C'an bajt'uc ta lum Jericó, ja'uc me to, tsacot yu'un j'eleq'uetic ta be. Jich la spojbeyic spisil te bila ay yu'une soc te sc'u' slapoje. Lajelix jilel yu'unic. Jich bajt'ic te j'eleq'uetique.