San Lucas 19:27 - Bible in Tzeltal de Oxchuc y Tenejapa

²⁷ Yan te mach'atic scontroinejone te ma la sc'anic te ya x'ochon ta muc' ajwalil ta swentaique, ic'bonic tel ta jtojol. C'ocbeyaic loq'uel sjol”, xi' te muc' ajwalile —xi' ta yalel te Jesuse.

Nuevo Testamento Tzeltal de Amatenango

²⁷ Yan te machꞌatik skontrainejone te ma skꞌanik te ya xꞌochon ta reyil ta stojolike, ikꞌbikon tal liꞌ to, y milaik ya kil ta jsit”, xchi te reye —xchi ta yalel te Jesuse.

Bible in Tzeltal Bachajón

²⁷ Soc te jcontratac te ma sc'anic te ya x'ochon ta ajwalil yu'unic, ic'ahic tal li'i, ac'a yich' xot'ticlambeyel sjolic ta jtojol, xchi.

San Lucas 19:27 Referans Kwoze

San Lucas 19:14

“Ja'uc me to, te winique mero ilaybil yu'un te slumale. Jich yu'un te c'alal baemix a, ta spat nax la sticunic bael abat te jich ba yale: “Ma jc'antic te ya yich' yat'el ta muc' ajwalil ta jwentatic te winique”, xiic.

Hebreos 10:13

Tey yac ta maliywanej ta ora to ja' to teme ac'bot spech' ta teq'uel te jayeb yajcontroe.

San Mateo 22:7

“Te c'alal la yaiy stojol te muc' ajwalile, bayal ilin yu'un. Jich la sticun bael te soldadoetic yu'une. Ba smilic te jmilawaletique, soc la xchic'beyic te slumalique.

San Lucas 21:22

Yu'un ja' me yorailix te castigo ta stojolique. Jich me ya xc'ot ta pasel spisil te bila ts'ibubil jilel sc'oplal ta Sjun te Diose.

Nahúm 1:8

Ja'uc me to, jich bit'il snojel ja' ya smes bael spisil, ya slajin te mach'atic ya stoy sbaic ta stojole; ya xtaot ta ijc' q'uinal te scontrotaque.

Salmos 2:9

Ta swenta te abastón pasbil ta hierro ya me alajinbey yat'elic a te lumetique; ts'ubiltic me ya xjilic ta wuyel awu'un jichuc pac'bil oxom”, xi' me te Diose.

San Lucas 20:16

Ya calbeyex te ya me xtal smil jilel te j'at'eletique, soc yantic me ya yac'bey swentain te ts'usubiltic yu'une —xi' te Jesuse. Te mach'atic la yaiyic stojole la yalic: —¡Ma jichuc ya sc'an te Diose! —xiic.

Nahúm 1:2

Te Cajwaltic, ja' te Dios te ma smulan teme ay bila yan ya jch'uuntique, ya me sujt'esbey ta swenta te j'uts'inwanejetique. Ya me yac'bey spacol te mach'atic ya stoy sba ta stojole; ya me yilintay te scontrotaque.

Isaías 66:6

Xch'inlajanic ta aw ta lum, xch'inlajanic ta templo, ja' te woclajel ya yac' te Cajwaltic; ja' te ya yac'bey stoj te scontrotac te bit'il ya sc'ane.

San Lucas 21:24

Ay me mach'atic ya xlajic ta milel ta puñal, soc ay me chucajtic ya x'ic'otic bael ta bay spisil ta jchajp te lumetique. Te lum Jerusalén ya me xlaj ta pech'anel ta teq'uel yu'un jyanlumetic, ja' to teme ts'acaj te jich yipal c'aal te albile.

Isaías 66:14

Te c'alal ya awilic, bin nax me awo'tanic yu'un; te abaq'uetal jich ya x'ach'ub te bit'il spul ac. Te Cajwaltic ya yac'bey sna'beyic sba yu'el te abatetic yu'une; soc ya yac' ta na'el yilimba ta stojol te scontrotaque.

1 Samuel 11:12

Patil ay cha'oxtul te israeletic te jich la yalbeyic te Samuel: —¿Mach'atic a te la yalic te ma lecuc ta muc' ajwalil cu'untic te Saule? Ac'botic ta jc'abtic yu'un ya jmiltic —xiic.

2 Samuel 23:7

Ja' to ya xju' ta tsaquel a teme ya jtsactic ta taq'uin, o ta lanza; jich ya yich'ic aq'uel ta c'ajc' swenta yu'un jc'axel me ya xlaj ta c'ajq'uel”, xi' te David.

Salmos 109:20

Jich me ya x'ac'bot stoj yu'un Cajwaltic te jcontrotac soc te mach'atic amen sc'opic cu'une.