San Lucas 19:26 - Bible in Tzeltal de Oxchuc y Tenejapa

²⁶ La yal te muc' ajwalile: “Ya calbeyex: Spisil te mach'a ay bila yich'oje, ya me x'ac'bot xan sjoy. Yan te mach'a ma'yuc bila ay yu'une, ya me xpojbot te bila yich'oj jtebuque.

Nuevo Testamento Tzeltal de Amatenango

²⁶ “Te reye la sjakꞌ: “Yuꞌun ya kalbeyex: Spisil te machꞌa ay yichꞌojixe, ya me xꞌaꞌbot xan sjoy. Yan te machꞌa maꞌyuk yuꞌune, ya me xpojbot te tut yichꞌoj chꞌinuke.

Bible in Tzeltal Bachajón

²⁶ La yal te ajwalil: Ya calbeyex, spisil mach'a ayix bin ay yu'un, ya me x'a'bot xan yan; pero te mach'a mayuc bin ay yu'un, ya xpojbot te bin jteb yich'oje.

San Lucas 19:26 Referans Kwoze

2 Juan 1:8

Tsajtaya me abaic jiche, swenta yu'un ma tojoluc ya xch'ay te sit awat'el apasojique. Jich me ts'acal ya awich' amajt'anic yu'un.

San Lucas 8:18

“Jich yu'un, tey me xawac' awo'tanic a te bila awaiyojic stojole. Melel te mach'a ay bila yich'oje, ya me x'ac'bot xan sjoy. Yan te mach'a ma'yuc bila ay yu'une, ya xpojbot te bila yich'oj jtebuque —xi' te Jesuse.

San Mateo 21:43

Jich yu'un ya calbeyex, ya me xpojbotex loq'uel ta awolilic te bit'il ay ta ajwalinel te Dios te ay ta ch'ulchane. Ja' me ya xc'ot ta swentaic te mach'atic ya sitin yu'unic ta leque. [

San Mateo 13:12

Melel te mach'a ay bila ay yu'une, ya x'ac'bot xan sjoy. Jich me ay bayal bila ay yu'un ya xc'ot. Yan te mach'a ma'yuc bi ay yu'une, ya xpojbot te bila yich'oj jtebuque.

San Marcos 4:25

Melel te mach'a ay bila yich'oje, ya x'ac'bot xan sjoy. Yan te mach'a ma'yuc bila yich'oje, ya xpojbot te bila yich'oj jtebuque —xi' te Jesuse.

Apocalipsis 2:3

C'axemix te awocole soc ts'ijq'uem awu'un, tulan at'ejemat ta jwenta, ma ba comen awo'tan.

1 Samuel 15:28

Jich c'opoj ta stojol Saúl te Samuel: —Ja' nix jich la yich'ix jatsel loq'uel ta atojol c'oem yu'un Cajwaltic te awat'el ta muc' ajwalil ta Israel. La spojbat swenta yu'un ya yac'bey ta swenta yan ajoy ta israel te ja' lec stuquele, te ma jichuc te bit'il ja'ate.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Apocalipsis 3:11

Ya me xtalon ta ora nax. Canantaya me te bila ay awu'une, swenta yu'un ma'yuc mach'a yan ya yich'bat te acoronae.

San Lucas 16:3

“Jich te mayordomo jajch' snop ta yo'tan: “¿Bila lec ya jpas te bit'il ya sloq'uesonix ta mayordomoil te cajwale? Melel ma xju' cu'un te tulan at'ele, soc ya xq'uexawon teme ochon ta c'anbajele.

2 Samuel 7:15

Pero ma ba ya jpijt'es jich bit'il la jpijt'es te Saule, te ja' la ajeloline.

Hechos 1:20

Melel jich ts'ibubil jilel ta sjun Salmoetic: “Ac'a jojch'ajuc jilel te snae. Ma me mach'a ya xnain tey a”, te xie. Soc ya yal xan: “Yan me mach'a ya yich'bey te yat'ele”, te xie.

Salmos 109:8

Ma me jaluc c'aal ya xcuxin; yanuc me mach'a ac'a c'otuc ta swenta te bitic ay yu'une.

San Lucas 19:25

La yalic: “Cajwal, ay yich'ojix lajuneb mina-taq'uin stuquel”, xiic.