San Lucas 19:17 - Bible in Tzeltal de Oxchuc y Tenejapa

¹⁷ La yal te ajwalile: “Lec at'ejat, lequil abatat. Te bit'il jun awo'tan la awentainbon te bila jteb la cac'bat jilele, jich yu'un ya cac'bat awat'el ta swentainel lajunpam lum”, xi'.

Nuevo Testamento Tzeltal de Amatenango

¹⁷ “Te reye la sjakꞌbe: “Lek ay. Jlekil jꞌaꞌtelat. Te tutꞌil jun awoꞌtan la akanantaybon te tut chin nax a kaꞌbeyat jilele, jaꞌ yuꞌun ya kaꞌbeyat awaꞌtel ta sapuyel lajun pam jtejklum —xchi.

Bible in Tzeltal Bachajón

¹⁷ Lec ay, lequil a'batat. Te bin ut'il jun awo'tan la acuentahin te bin jteb la jca'bat acuentahin, ya ca'batix acuentahin lajunpahm pueblo, xchi te yajwal.

San Lucas 19:17 Referans Kwoze

San Lucas 16:10

“Te mach'a jun yo'tan ya swentain te bila ya x'ac'bot ta swenta jtebuque, ja' nanix jich jun yo'tan ya swentain teme ay bila bayal ya x'ac'bot ta swentae. Yan te mach'a ma junuc yo'tan ya swentain te bila ya x'ac'bot ta swenta jtebuque, ja' nanix jich ma junuc yo'tan ya swentain teme ay bi bayal ya x'ac'bot ta swentae.

San Mateo 25:21

“Te yajwale la yalbey: “Lec at'ejat, lequil abatat soc jun awo'tan ta jtojol. Te bit'il jun awo'tan la awentainbon te bila la cac'bat awentainbon jtebuque, ya me cac'bat awentainbon bayal. La' me, ochan, bujts'najuc awo'tan soc te awajwale”, xi'.

1 Pedro 1:7

Melel te bit'il ay xch'uunjel awo'tanique, ay yiljibal awo'tanic yu'un. Jich c'oem te bit'il oro te bayal yutsilal te ya yich' ultesel ta c'ajc' yu'un ya yich' ilel teme ma'yuc scape. Te xch'uunjel-o'tanil te ya spasot ta pruebae, c'ax jich ay sc'oplal stuquel te bit'il ay sc'oplal te oro te puersa ya xlaje. Teme chican te ay xch'uunjel awo'tanique te pasbil ta pruebae, lec me sc'oplal ya xc'ot, soc ay me yutsil, soc bayal me sc'oplal ya xc'ot te c'alal ya xchicnaj tel te Jesucristoe.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Génesis 39:4

Jich te José lec yo'tan yu'un te yajwale. La yac'bey yat'el ta mayordomo ta sna, soc la yac'bey swentain spisil sbiluc.

1 Pedro 5:4

Jich te c'alal ya xchicnaj te Mach'a mero Jwolwanej yu'un te jcanan-chijetique, ya me awich' acoronaic te ma sna' xlaj soc te jelawen yutsile.

2 Timoteo 2:10

Jich yu'un spisil me ya sts'ijc' cu'un ta scaj te mach'atic tsabilic yu'un te Diose, swenta yu'un jich me ya staic scolelic soc te yutsilal sbajt'el q'uinal ta swenta te Cristo Jesuse.

Romanos 2:29

Ja' mero judio-winic te mach'a jich ay ta yo'tan soc te mach'a yich'oj ta yutil yo'tan te circuncisione. Melel ja' ya x'at'ej ta o'tanil stuquel te Espíritu yu'un te Diose, ma ja'uc ya x'at'ej te bila ts'ibubile. Te mach'a jich ay te yo'tane, lec sc'oplal ya xc'ot yu'un te Diose, ma ja'uc lec sc'oplal ya xc'ot yu'un te winiquetique.

San Lucas 22:30

Jich me ya xwe'ex soc ya x'uch'ajex ta jmesa te c'alal ayonix ta ajwalinel te jo'one. Ya me xnajc'ajex ta bay muc'ul nactijibaletic ta chajbanwanej ta stojol te lajchaychajp israeletique.

Proverbios 27:18

Te mach'a ya scanantay te higuera, ya slo'bey sit; te mach'a ya scanantay yajwal, ya x'ac'ot ta ich'el ta muc' yu'un.

San Lucas 19:16

Te mach'a sbabial tale la yal: “Cajwal, te mina-taq'uin la awac'bon jilele, jolon lajuneb cu'un”, xi'.

San Lucas 19:18

“Tal uuc te yane jich la yal: “Cajwal, te mina-taq'uin la awac'bon jilele, jolon jo'eb cu'un”, xi'.