San Lucas 19:14 - Bible in Tzeltal de Oxchuc y Tenejapa

¹⁴ “Ja'uc me to, te winique mero ilaybil yu'un te slumale. Jich yu'un te c'alal baemix a, ta spat nax la sticunic bael abat te jich ba yale: “Ma jc'antic te ya yich' yat'el ta muc' ajwalil ta jwentatic te winique”, xiic.

Nuevo Testamento Tzeltal de Amatenango

¹⁴ “Pero te genteetik yuꞌun te slumale lom pꞌajbil yuꞌun. Te kꞌalal baemix aye, ta spat nax a stikonik bael jmantaletik te ba yalike: “Ma jkꞌantik te ya yichꞌ yaꞌtel ta reyil ta jtojoltik te winik to”, xchiik.

Bible in Tzeltal Bachajón

¹⁴ Pero p'ajot yu'un te mach'atic cuentahimbilic yu'un, ta spat nax la sticonic bahel winiquetic te c'oht yalic: Ma jc'ancotic te ya x'och ta ajwalil cu'uncotic, xchihic c'ohel.

San Lucas 19:14 Referans Kwoze

1 Samuel 8:7

Pero jich albot yu'un te Cajwaltic: —Spisil te bi ya sc'anbat te lume, pasbeya; melel ma ja'ucat te ma sc'anat, jo'on te ma sc'anonique. Ja' ma sc'anic te ya x'at'ejon ta ajwalil ta stojolic.

San Juan 15:18

“Teme ya yilayex te mach'atic ayic ta swenta te balumilale, na'aic me stojol te jo'on neel la yilayonique.

San Lucas 19:27

Yan te mach'atic scontroinejone te ma la sc'anic te ya x'ochon ta muc' ajwalil ta swentaique, ic'bonic tel ta jtojol. C'ocbeyaic loq'uel sjol”, xi' te muc' ajwalile —xi' ta yalel te Jesuse.

San Juan 1:11

Tal sjoin te mach'atic ay yu'une, ja'uc me to, ma ba ich'ot ta muc' yu'un te mach'atic slumal sba soque.

Zacarías 11:8

Ta jun nax u la jloq'ues oxtul jcananetic te c'ax co'tan yu'unique, jich nix la yilayonic.

Isaías 49:7

Te Cajwaltic te J'ac'wanej ta libre, ja' te Ch'ul Dios yu'un Israel, ya yalbey te lum te jc'axel yich'ojix ilayele, ja' te yilayejic te jyanlumetique, ja' te yich'oj mosoinel yu'un te j'uts'inwanejetique: —C'alal ya yilex te muc' ajwaliletic soc te biq'uit ajwaliletic, ya me xjajch'ic, soc ya me xtal squejan sbaic ta atojol. Melel jo'on Ajwalilon, te Ch'ul Dioson yu'un Israel, la jtsaat, soc ya me jc'otes ta pasel te jc'ope —xi'.

San Lucas 14:32

Teme ma xju' yu'un ya yaiye, ya me sticun bael abatetic te c'alal najt' to ma xtaot yu'un te yajcontroe, swenta yu'un ya xba yalbey wocol te ya xlamaj a te c'ope.

San Lucas 19:13

Te c'alal ma to xbajt' a, la yic' tel ta stojol lajuntul te abatetic yu'une. La yac'bey jujun mina-taq'uin ta juju-jtul. Jich la yalbey jilel: “Aiyaic manbajel soc chonbajel, ja' to teme sujt'on tele”, la yut.

San Lucas 19:15

“Ja'uc me to, puersa la yich' yat'el ta muc' ajwalil. Jich sujt' tel ta slumal. Te c'alal sujt'emix tele, la sticun tel ta iq'uel te abatetic yu'un te la yac'bey jilel te jujun mina-taq'uine, swenta yu'un ya me sna' stojol te jayeb jolon yu'unic te taq'uine.

2 Samuel 23:7

Ja' to ya xju' ta tsaquel a teme ya jtsactic ta taq'uin, o ta lanza; jich ya yich'ic aq'uel ta c'ajc' swenta yu'un jc'axel me ya xlaj ta c'ajq'uel”, xi' te David.