San Lucas 19:12 - Bible in Tzeltal de Oxchuc y Tenejapa

¹² Jich la yal te Jesuse: —Ay jtul jc'ulej winic te bajt' ta yan lum te c'ubul aye, yu'un ba yich' tel yat'el ta muc' ajwalil.

Nuevo Testamento Tzeltal de Amatenango

¹² Jich a yaltalanbe: —Ay jtul lekil jkꞌulej winik te bajt ta yan jtejklum te lom jakal aye, yuꞌun ba yichꞌ tal yaꞌtel ta reyil.

Bible in Tzeltal Bachajón

¹² Hich la yal: Ay jtuhl winic ich'bil ta muc' te baht ta namal yu'un ya yich' ya'tel ta ajwalil, patil ya suht tal.

San Lucas 19:12 Referans Kwoze

1 Pedro 3:22

Soc te bit'il mo bael ta ch'ulchane, jich ayix ta swa'el sc'ab te Diose. Ay ta ch'uunel smandal yu'un spisil te ch'ul abetetique soc te mach'atic yich'oj yat'elic ta stojolic soc te jmandalteswanejetic yu'unique.

Hebreos 9:28

ja' nanix jich uuc te Cristoe jun nax buelta tal yac' sba ta lajel ta xch'ayel smul tsobol ta jtul te ants-winiquetique. Patil ya xtal yan buelta, ja'uc me to, ma yu'unuc ya xtal xan ta xch'ayel te mulile. Ja' ya xtal scoltay spisil te mach'atic yacalic ta smaliyele.

San Juan 18:37

La yal te Pilatoe: —¿Melel bal jiche te muc' ajwalilate? —xi'. La sjac' te Jesuse: —Jichon te bit'il ya awale. Ja' swentail te ayinone soc te talon ta balumilale, yu'un tal cal ta jamal te smelelil c'ope. Ya yaiybonic stojol jc'op spisil te mach'atic yich'ojic ta muc' te bila melele —xi'.

San Lucas 20:9

Te Jesús jajch' sc'opon te lume. La yalbey yaiyic in seña-c'op to: —Ay jtul winic te la sts'un ts'usubiltic, soc la yac' jilel ta wentainel yu'un j'at'eletic. Bajt' ta c'ubul q'uinal. Bayal u jalaj tey a.

Apocalipsis 1:7

¡Ilawilic! ¡Te Cristoe, ya me xtal ta tocal! Spisil ants-winiquetic ya me yilic ta sitic, soc uuc te mach'atic la slowique. Spisil ta jchajp lumetic ta balumilal ya me yoq'uetay sbaic yu'un, te c'alal ya yilique. Jichuc, ac'a c'otuc ta pasel.

1 Corintios 15:25

Melel te Cristoe, puersa me ya x'och ta ajwalinel, ja' to teme la xpech' ta teq'uel spisil te yajcontroe.

Hechos 17:31

Te Diose, chapalix yu'un jun c'aal te ya yich' ta c'op spisil ants-winiquetic ta balumilal, ta swenta te jtul Winic te tsabil yu'une, ja' chican te bi yilel te yat'elique. Spisilic ya me yac' xch'uunjel yo'tanic ta stojol te Mach'a cha'cux tel ta bay animaetique —xi' te Pabloe.

San Lucas 24:51

Yac ta yaq'uel bendición a te la yijq'uitay jilele. Ic'ot moel ta ch'ulchan.

San Marcos 16:19

Lajix yo'tan ta sc'oponel a te jnopojeletic yu'un te ic'ot moel ta ch'ulchan te Cajwaltic Jesuse. C'o najc'ajuc ta swa'el te Diose.

San Marcos 12:1

Jesús jajch' yalbey yaiyic seña-c'opetic. Jich la yal: —Ay jtul winic te la sts'un ts'usubiltic, soc la sjoy ta ts'ajc'. La sjoc'bey xch'enal spits'jibal sit te sts'usube, soc la sts'ajc'uy moel iljibal-q'uinal na swenta yu'un ya yich' canantayel tey a te ts'usubiltique. “La yac' jilel ta wentainel yu'un j'at'eletic te ts'usubiltic yu'une, soc bajt' ta c'ubul q'uinal.

San Mateo 21:38

“Yan te j'at'eletique, la yilic te ja' snich'an yajwal q'uinal te taleme, soc la sna'ic te ja' ya xjil ta swenta te q'uinale. Jich yu'un la yalbey sbaic: “Ja' lec jmiltic, yu'un jo'otic me ya xjil ta jwentatic te q'uinale”, xiic.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.