San Lucas 18:32 - Bible in Tzeltal de Oxchuc y Tenejapa

³² Melel ya x'ac'ot ta sc'ab te jyanlumetique. Ya me yich' labanel soc bolc'optayel soc tubtayel yu'unic.

Nuevo Testamento Tzeltal de Amatenango

³² Yuꞌun ya me xkꞌo akꞌek entregal yuꞌun te jyanlumetike. Ya me yikꞌtinik, sok ya me sbolkꞌoptayik, sok ya me stubutayik.

Bible in Tzeltal Bachajón

³² Ya x'ac'ot ta sc'ab jyanlumetic, ya slabanic, ya yixta'c'optayic soc ya stuhbatayic.

San Lucas 18:32 Referans Kwoze

San Lucas 23:11

Te Herodes soc te soldadoetic yu'une, la stse'layic te Jesuse soc la slabanic. La yac'beyic slap t'ujbil c'u'ul swenta muc' ajwalil. Jich te Herodese la sticun sujt'el ta stojol te Pilatoe.

Isaías 53:3

te ants-winiquetique la yilayic, ma la yich'ic ta wenta. Jich yilel sit-yelaw te nojel ta yo'tan te bila c'uxe, c'aem ta woclajel. Jich c'oem te bit'il mach'a ma'yuc ta ilele, la quilaytic, ma la quich'tic ta wenta.

Isaías 50:6

Jun co'tan la cac'bey smajbonic te jpate, soc jun co'tan la cac' te ya sbulbonic te quisime. Ma ba la jq'uej bael quelaw ta stojol te mach'atic la yixtac'optayonic soc te la stubtayonic.

Hechos 3:13

Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

San Marcos 14:65

Jich jajch' stubtayic, soc la smacbeyic sit ta pac', soc la yac'beyic majel. Jich la yalbeyic: —¡Ala caiytic te mach'a la smajate! —xiic. Soc uuc te policiaetique la spac'beyic ta majel yelaw.

San Mateo 26:67

Jich caj stubtaybeyic sit yelaw soc la yac'beyic majel, soc yan la spac'beyic ta majel te site,

San Mateo 16:21

Ja' nix yorail a te Jesús caj xcholbey yaiyic te jnopojeletic yu'une te ya xbajt' ta Jerusalén, soc te tey ya xc'ax bayal swocol ta sc'abic te principaletique soc te jwolwanej-sacerdoteetique soc te jts'ibojometique. Soc la yal te bit'il ya x'ac'ot ta lajel, soc te ya yich' cha'cuxesel ta yoxebal c'aal.

Miqueas 5:1

La yal te Cajwaltic: —Yan ta ora yo'tic, Jerusalén, chajbana me te ajoyob ts'ajc'ul, melel joytaybilatix yu'un te acontro, soc ya me yac'bey tulan castigo te jtsobwanej yu'un Israel.

Isaías 52:14

Ja'uc me to, bayal xiw yo'tanic yu'un te la yilique; melel te yelawe yanajem ta ilel, ma pajaluquix soc ch'ich'-baq'uet yilel.

Hechos 2:23

Ja'uc me to, ta xjajch'ibal to tel ay ta yo'tan Dios te bit'il jich snopoj stuquele, la yac'beyex ta ac'abic te Jesús te la awac'beyic smilic ta cruz te mach'atic ma sna'beyic sba te Diose.

San Juan 18:35

La yal te Pilatoe: —¿Yu'un bal judioon uuc te jo'one? Ja' nix te alumale soc te jwolwanej-sacerdoteetic awu'unic te la yac'at ta jtojole. ¿Bila a te amen apasoj jiche? —xi'.

San Juan 18:30

La yalic: —Te manchuc amenuc te yat'ele, ma ba la cac'tic ta ac'ab te jichuque —xiic.

San Juan 18:22

C'alal la yal jich te Jesuse, te jtul policia yu'un templo te teq'uel tey a la spac'bey ta majel yelaw te Jesuse. Soc la yalbey: —¿Jich bal ya asujt'esbey sc'op te muc' sacerdote? —la yut.

San Lucas 23:35

Spisil te lume, yacalic ta yilel te bila c'ot ta pasele. Soc te jtuuneletic la slabanic te Jesuse. Jich la yalic: —La scoltay yantic. Ta ora to ac'a scoltay sba uuc teme ja' Cristo te tsabil yu'un te Diose —xiic ta slabanel.

San Lucas 23:1

Jich jajch'ic bael ta spisilic, la yiq'uic bael ta stojol Pilato te Jesuse.

San Mateo 27:2

Jich la xchuquic bael. C'o yac'beyic ta sc'ab te Gobernador Poncio Pilato.

San Juan 18:28

La yiq'uic loq'uel ta sna Caifás te Jesuse soc la yiq'uic bael ta stojol ajwalil ta bay Pretorio. Yaquix sacubel tel a te q'uinale. Te judioetic ma ba ochic bael ta bay te Pretorioe. Ja' la sna'ic te ma lecuc sc'oplalic ya xc'ot teme ya x'ochique. Jich ma xju' sti'ic te chij swenta q'uin Pascua.

San Marcos 15:1

Te c'alal sacubix a te q'uinale, te jwolwanej-sacerdoteetic, te principaletic, te jts'ibojometic, soc ta spisil te Muc'ul Tsoblej yu'unique, la stsob sbaic ta xchapel sc'opic. Jich la xchuquic bael te Jesuse. Ba yac'beyic ta sc'ab te Pilatoe.

San Mateo 20:19

Ya me yaq'uic ta sc'ab te jyanlumetique, swenta yu'un ya me yich' labanel yu'unic, soc ya me yich' castigo ta majel ta nujc'ul, soc ya me yaq'uic ta milel ta cruz, ja'uc me to, ta yoxebal c'aal ya me xcha'cux tel —xi' te Jesuse.

San Mateo 22:6

In te yantique la stsaquic te abatetic yu'un te muc' ajwalile. La yuts'inic soc la smilic.

San Lucas 18:33

Te c'alal la yac'beyiquix castigo ta majel ta nujc'ule, ya me smilic. Ja'uc me to, ta yoxebal c'aal ya me xcha'cux tel —xi'.

San Juan 18:32

Jich c'ot sc'op te Jesús te bit'il la yal te bila lajel ya yaiye.