San Lucas 18:24 - Bible in Tzeltal de Oxchuc y Tenejapa

²⁴ Te Jesús la yil te bit'il ay ta mel-o'tan te winique. Jich yu'un la yal: —Te jc'ulejetique wocol ya yajwalinic te Diose.

Nuevo Testamento Tzeltal de Amatenango

²⁴ Te Jesuse la yil te ay yajtal yoꞌtan te winike. Jaꞌ yuꞌun la yal: —Te jkꞌulejetike wokol ya yajwalinik te Diose.

Bible in Tzeltal Bachajón

²⁴ C'alal Jesús la yil te bayel smeloj yo'tan, hich la yal: ¡Te mach'atic ay sc'uhlejalic mero wocol ya x'ochic ta banti ay te cuentahinel yu'un Dios!

San Lucas 18:24 Referans Kwoze

Proverbios 30:9

Melel teme ya spas sobrail, repente ya xch'ayat ta co'tan yu'un, ya niwan cal te ma jna'bat abae. Yan teme ayon ta wi'nal, ya niwan caiy elec' yu'un; soc jich ya jbolc'optaybat te ach'ul-biile.

Proverbios 11:28

Te mach'a ja' smuc'ulinej yo'tan te sc'ulejale, jich ya xch'ay te bit'il ya xlubaj coel yabenal te'; yan te mach'a toj yo'tane, jich ya xyaxub te bit'il sc'ab te'.

Salmos 10:3

Te mach'a amen yo'tan ya stoy sba yu'un te bila ya sc'an yo'tane; te mach'a jbic'tal-o'tan ya sbolc'optay soc ya yilay te Cajwaltique.

San Marcos 6:26

Te muc' ajwalile, bayal la smel yo'tan yu'un, ja'uc me to, scaj te la yal ta jamal ta stojol te mach'atic yic'oj ta we'ele, jich ma ju' yu'un te la smac ta c'ope.

Jeremías 5:5

Jich yu'un ya me xba jc'opon te ants-winiquetic te muc' sc'oplalique. Ja'ic wan te ma ba wocol ya sna'ic te bila ya sc'an yo'tan te Cajwaltique, te bila mandal yu'un Dios”, xoon yu'un. Ja'uc me to, ni me'baetic, ni ja'uc te mach'atic muc' sc'oplalic, spisil la stoy sbaic ta stojol te Diose, ma la sc'an la xch'uunbeyic te sc'ope.

Jeremías 2:31

(Ja' nix jichex, te jcaj alnich'anex ayex ta q'uinal ta ora to, aiybeya awaiyic stojol sc'op te Cajwaltique.) Israel, ¿yu'un bal jochol taquin q'uinalon ta atojol? ¿Jich bal acuyojon te bit'il q'uinal te nojel nax yu'un te ijc' q'uinale? Lum cu'un, ¿bi yu'un ya awal: “Ayotic ta libre; mero ma sujt'otiquix bael ta atojol”, te xaate?

Proverbios 18:11

Te jc'ulej scuyoj te ja' ya xcanantayot yu'un te sc'ulejale, jich te bit'il jpam lum te ay toyol sts'ajc'ul ta sjoyobale.

San Lucas 18:23

Te c'alal la yaiy stojol te winique, bayal la smel yo'tan yu'un, scaj te bayal sc'ulejale.