San Lucas 18:23 - Bible in Tzeltal de Oxchuc y Tenejapa

²³ Te c'alal la yaiy stojol te winique, bayal la smel yo'tan yu'un, scaj te bayal sc'ulejale.

Nuevo Testamento Tzeltal de Amatenango

²³ Pero te kꞌalal la yaꞌibe sluwar te winike, lijk yakꞌ yajtal yoꞌtan yuꞌun, skaj te ben jkꞌuleje.

Bible in Tzeltal Bachajón

²³ C'alal hich la ya'iy te winic, bayel la smel yo'tan yu'un, como ay bayel sc'uhlejal.

San Lucas 18:23 Referans Kwoze

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

1 Juan 2:15

Ma me ja'uc c'ux ya awaiy ta awo'tanic te balumilale, ni te bitic swenta nax te balumilale. Teme ay mach'a c'ux ya yaiy ta yo'tan te balumilale, jich ma ba c'ux ya yaiy ta yo'tan te Jtatic Diose.

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

San Lucas 12:15

Jich la yalbey yaiyic: —Tsajtaya me abaic. Ma me xawac' bic'tajuc awo'tanic yu'un te c'ulejalile, melel ma ja'uc ya xcuxinat yu'un teme ay bayal te bila ay awu'une —xi' te Jesuse.

San Lucas 8:14

Te awalil te c'ot ta bay ch'ixtiquile, ja' sc'oplal te mach'atic ya yaiy stojol te sc'op Diose, ja'uc me to, ma xlaj sc'oplal yu'unic te bitic ya xbajt' ta yo'tanic spasel. Ya xtenotic yu'un te yat'elic ta balumilale, soc te sc'ulejalique, soc spisil te bitic ya smulanic spasele. Jich ma sitin ta yo'tanic c'oem te sc'op Diose.

San Marcos 10:22

Te c'alal la yaiy stojol te winique, cham nax la yaiy yu'un, soc bayal la smel bael te yo'tane, yu'un bayal te sc'ulejale.

San Mateo 19:22

Te c'alal la yaiy stojol te jch'iel winique, bayal la smel bael yo'tan yu'un, melel bayal te sc'ulejale.

Colosenses 3:5

Jich yu'un, ac'aic ta lajel spisil te bitic ya ana'ic spasel ta swenta nax in balumilal to: Ja' te yalel ta mulile, te chijil-o'tanile, te sbic'tal asit ta mulanwaneje, soc spisil te bic'tal-o'tanile, soc teme yu'uninejbeyex awo'tanic te c'ulejalile te ja' pajal soc te xch'uunel loc'ombaetique.

Filipenses 3:8

Soc spisil te bitic ay ta q'uinale, mero ma'yuquix sc'oplal ta co'tan, ja' nax ay sc'oplal te ya jna'beyix sba ta lec te Cajwal Cristo Jesuse. Ja' ta swenta Cristo te la jch'ay jilel ta spisil. Jich c'oemix ta co'tan te bit'il c'a'pal, swenta yu'un ja' me ay sc'oplal cu'un ya xc'ot stuquel te Cristoe,

Efesios 5:5

Melel ana'ojic stojol te bit'il ya xc'ot te mach'a ya xyal ta mulile, soc spisil ta jchajp chijil-o'tanil soc te bic'tal-o'tanil yu'un taq'uin te ja' pajal soc te xch'uunel loc'ombaetique. Ma xju' te ya xc'o ainuquic tey a ta banti ay ta ajwalinel te Cristoe soc te Diose.

San Lucas 19:8

Te Zaqueo tejc'aj jajch'el ta olilal. Jich la yalbey te Cajwaltique: —Cajwal, ya me jq'uebanbey oliluc jbiluc te me'baetique. Soc teme ay mach'a la jlo'laybey sbiluque, chaneb buelta ya quesmantesbey sujt'el te sjelole —xi'.

San Lucas 18:22

Te c'alal la yaiy stojol te Jesuse, la yalbey te winique: —Ay to jchajp xan te bila ya sc'an ya apase. Chona spisil bila ay awu'un, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi'.

San Lucas 18:24

Te Jesús la yil te bit'il ay ta mel-o'tan te winique. Jich yu'un la yal: —Te jc'ulejetique wocol ya yajwalinic te Diose.