San Lucas 18:22 - Bible in Tzeltal de Oxchuc y Tenejapa

²² Te c'alal la yaiy stojol te Jesuse, la yalbey te winique: —Ay to jchajp xan te bila ya sc'an ya apase. Chona spisil bila ay awu'un, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi'.

Nuevo Testamento Tzeltal de Amatenango

²² Te kꞌalal la yaꞌi te Jesuse, la sjakꞌbe te winike: —Ay to xan yan te tut ya skꞌan ya apase: Chona spisil te tut ay awuꞌune, y kꞌebenbeya te meꞌbaꞌetike. Jich me ay akꞌulejal ta chꞌulchan ya xkꞌoat. Laꞌ me joyinaon bael tsꞌiin —xchi.

Bible in Tzeltal Bachajón

²² C'alal hich la ya'iy te Jesús, la yalbe: Ay to jun xan ban ya spasat falta: chona spisil te bintic ay awu'un, q'uebembeya te pobrehetic, hich me ay ac'uhlejal ta ch'ulchan a; soc la', t'unawon, xchi.

San Lucas 18:22 Referans Kwoze

San Lucas 12:33

Chonaic te bila ay awu'unique, soc q'uebanbeyaic te me'baetique. Leaic yawil ac'ulejalic te ma xbolobe. Q'uejaic ta ch'ulchan te ac'ulejalic te stalel ma xlaje, te bay ma x'och j'elec' soc te bay ma xlaj ta joch'e.

San Mateo 19:21

Te Jesús jich la yalbey: —Teme ya ac'an te jc'axel lec ya xc'oate, baan, chona spisil te bila ay awu'une. Q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi' te Jesuse.

San Lucas 16:9

“Jo'on ya calbeyex: Leaic te mach'atic ya ac'uxtay aba soc a te ac'ulejal swenta in balumilal to, swenta yu'un jich me ya x'ic'otat ochel tey a ta bay ya x'ainat sbajt'el q'uinal te c'alal ya xlaj te ac'ulejale.

San Lucas 10:42

Jun nax te bila ya sc'ane. Yan te María, la stsa stuquel te bila leque. Ma'yuc mach'a ya xpojbot yu'un jtuluc —xi'.

2 Pedro 3:8

Quermanotac te bayal c'uxex ta co'tane, ma me xch'ay ta awo'tanic in to: Te jmil ja'wile, jun nax c'aal ta yo'tan te Cajwaltique. In te jun c'aale, pajal soc te jmil ja'wile.

Filipenses 3:13

Quermanotac, ma xju' xjelawon ta yalel te jtaojix c'oele. Jun nax te bila ay sc'oplal ta co'tan te ya jpase: Ya jch'ay jilel ta co'tan te bila jilix cu'un ta jpate. Ja' nax me ya cantay te bila ay bael ta jtojole.

San Lucas 9:23

Soc la yalbey yaiyic ta spisilic: —Teme ay mach'a ya sc'an ya sts'aclinone, ac'a me sloq'ues sba ta yo'tan. Ac'a me xcuch scruz jujun c'aal. Ac'a st'unon.

Salmos 27:4

Jun nax te bila jc'anojbey te Cajwaltique, jun nax te bila sc'anoj te co'tane: ja' te ya x'ainon ta templo yu'un te Cajwaltic te jayeb c'aal cuxulone, swenta yu'un ya me jquejan jba ta templo yu'un, soc ya me jmulanbey a te yutsilal te c'alal ya quile.

San Lucas 18:21

La yal te winique: —Spisil cat'elinej spasel ta jqueremil to tel —xi'.

San Lucas 18:23

Te c'alal la yaiy stojol te winique, bayal la smel yo'tan yu'un, scaj te bayal sc'ulejale.