San Lucas 18:17 - Bible in Tzeltal de Oxchuc y Tenejapa

¹⁷ Jamal ya calbeyex, te mach'a ma xch'uun yajwalinel te Diose, jich bit'il te alale, ma xju' ya yajwalin te Diose —xi' te Jesuse.

Nuevo Testamento Tzeltal de Amatenango

¹⁷ Jamal ya kalbeyex: Te machꞌa ma jachikuk yoꞌtan te tutꞌil alal to ma xjuꞌ ya yajwalinik te Diose —xchi te Jesuse.

Bible in Tzeltal Bachajón

¹⁷ Jamal ya calbeyex, te mach'a ma ba hich ya yich' te cuentahinel yu'un Dios te bin ut'il alal, ma xhu' ya x'och tey a, xchi.

San Lucas 18:17 Referans Kwoze

San Mateo 18:3

—Jamal ya calbeyex, teme ma xyanaj te acuxlejale soc teme ma pajaluc awo'tanic ya xc'ot soc te alaletique, ma xju' awu'unic te ya awajwalinic te Dios te ay ta ch'ulchane.

San Marcos 10:15

Jamal ya calbeyex, te mach'a ma xch'uun yajwalinel te Diose, jich bit'il te alale, ma xju' ya yajwalin te Diose —xi' te Jesuse.

1 Pedro 1:14

Lequil alnich'anuquex me ta xch'uunel te smandale. Ma me ja'uc xach'uunic xan spasel te bila mulanbil sba ta pasel awu'unic ta neelal to te c'alal ma to ana'ojbeyic sba a te Diose.

San Mateo 19:14

La yal te Jesuse: —Ma me x'acomic. Ac'a taluc ta jtojol te alaletique, melel te mach'atic jich yo'tanic te bit'il in alaletic to, ja' me ya x'ochic ta banti ay ta ajwalinel te Dios te ay ta ch'ulchane —xi'.

San Lucas 18:16

Ja'uc me to, te Jesús la yic' tel te ch'in alaletique, soc la yalbey te jnopojeletique: —Ac'a taluc ta jtojol te alaletique. Ma me x'acomic. Melel te mach'a jich yo'tanic te bit'il in alaletic to, ja' me ya xju' ya yajwalinic te Diose.

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

1 Pedro 2:2

Jichuquex me te bit'il alaletic te ayinelic toe, c'anaic me te lequil chu'ul yu'un te Espíritu te ma'yuc bila capal ae. Jich me ya xmuc'ubex yu'un stuquel, soc jich me ya ata acolelic ta swenta.