San Lucas 18:14 - Bible in Tzeltal de Oxchuc y Tenejapa

¹⁴ Ya calbeyex: Te jc'an-patane libre c'otix ta stojol Dios te c'alal sujt' bael ta snae. Yan te fariseo ma'yuc bila la sta stuquel, melel te mach'a cajal ya yac' sbae, peq'uel me ya xc'ot. Yan te mach'a peq'uel ya yac' sbae, ja' me cajal ya xc'ot stuquel —xi' te Jesuse.

Nuevo Testamento Tzeltal de Amatenango

¹⁴ “Ya kalbeyex: Te jkꞌan-tojemale te kꞌalal sujt bael ta snae pasbilix bael perdon yuꞌun a te Diose. Yan te fariseoe ma pasbot perdon stukel. Porke te machꞌa mukꞌ ya yakꞌ sbae, chꞌin me ya xkꞌot. Yan te machꞌa chꞌin ya yakꞌ sba, jaꞌ me mukꞌ ya xkꞌot stukel —xchi te Jesuse.

Bible in Tzeltal Bachajón

¹⁴ Ya calbeyex, te winic ini lec ay ta stojol Dios a suht bahel ta sna, ma ha'uc te yane, como mach'ayuc a te ya stoy sba, peq'uel ya x'ac'ot, yan te mach'a peq'uel ya yac' sba, ya xtohybot sc'oblal, xchi.

San Lucas 18:14 Referans Kwoze

San Lucas 14:11

Melel te mach'a ya yac' sba ta ich'el ta muq'ue, ma'yuc sc'oplal ya xc'ot. Yan te mach'a peq'uel ya yac' sbae, ja' me ya x'ich'ot ta muc' stuquel —xi' te Jesuse.

San Lucas 16:15

Te Jesús la yal: —Te ja'ex ja' nax ya aleic te bila ya scuyex ta lec yu'un te ants-winiquetique. Yan te Diose ya sna'beyex te bila ay ta awo'tanique. Te bila lec nax ya yaiyic ta yo'tan te ants-winiquetique, ya yilay stuquel te Diose.

Santiago 4:10

Bic'tajanic me ta stojol te Cajwaltique, jich me ya stoyesbeyex ac'oplalic stuquel.

San Mateo 23:12

Melel te mach'a cajal ya yac' sbae, peq'uel me ya xc'ot. Yan te mach'a peq'uel ya yac' sbae, ja' me cajal ya xc'ot stuquel.

Proverbios 29:23

Te mach'a toyol ya yac' sba, ya me xpejc'anot; yan te mach'a peq'uel yac'oj sbae, ya me x'ich'ot ta muc'.

Santiago 4:6

Bayal yutsil yo'tan cu'untic te Diose. Jich te bit'il ts'ibubil jilel ta Sjun te Diose: “Dios scontroinej te mach'atic stoyoj sbaique, yan te mach'atic peq'uel yac'oj sbaique ya xc'uxtay stuquel”, te xie.

San Lucas 1:52

La sloq'ues ta smuc'ul nactijib te mach'atic tulanique; ja' la stoyesbey sc'oplal te mach'atic peq'uel ayique.

Salmos 138:6

Manchuc me mero toyol te banti ay te Cajwaltique, pero ya yil te mach'a peq'uel yac'oj sba, soc ya sna'bey sba ta c'ubul te mach'a jtoyba-o'tane.

San Mateo 5:3

—Bin nax me yutsil te mach'atic me'ba ya yaiy sba ta yo'tanic, te melel ja' me ya x'ochic ta banti ay ta ajwalinel te Diose.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

Proverbios 3:34

Ya me xlabanotic yu'un Cajwaltic te mach'atic jlabanwanejetique; pero bayal me yutsil yo'tan ta stojol stuquelic te mach'atic peq'uel ya yac' sbaique.

Job 25:4

¿Ya bal xju' yu'un jtul winic te ayinem ta swenta ants, te toj yo'tan soc mero lec yo'tan ta stojol te Diose?

Gálatas 2:16

Ja'uc me to, jna'ojtic stojol te jo'otique, ma ja'uc toj ya yilotic Dios ta swenta spasel te bila ya yal te mandalile. Ja' nax ta swenta xch'uunjel co'tantic ta stojol Jesucristo te toj ya yilotique. Melel la jch'uuntic Jesucristo swenta yu'un jich me toj ya yilotic Dios ta swenta nax xch'uunjel co'tantic ta stojol te Cristoe, ma ja'uc ta swenta spasel te bila ya yal te mandalile. Melel ma'yuc mach'a toj ya x'ilot yu'un Dios ta swenta bit'il yat'elinej spasel te bila ya yal te mandalile.

Romanos 4:5

Ja'uc me to, te mach'a ma'yuc yat'el te la spase, te ja' nax la xch'uun te Dios te ya yac' ta libre yu'un smul te jmulawiletique, jich toj ya x'ilot yu'un Dios ta swenta te xch'uunjel yo'tane.

Romanos 3:20

Yu'un jtul ma'yuc mach'a ya x'ac'ot ta libre yu'un smul yu'un te ya yat'elin spasel te bi ya yal te mandalile. Melel te mandalile, ja' nax ya yac' ta na'el stojol te ay te mulile.

San Lucas 10:29

Te maestro yu'un te mandalile, ma la sc'an teme ma'yuc sc'oplal ya xc'ot te bila la sjojc'oye. Jich la sjojc'o xan: —¿Mach'a a te jpat-jxujq'ue? —xi'.

Proverbios 18:12

Te bila ya xtal ta spat te toybaile, ja' te jinele; te bila ya xtal ta spat te mach'a peq'uele, ja' te ya x'esmaj yutsilal.

Proverbios 15:33

Te mach'a yich'oj ta muc' te Cajwaltique, yac ta p'ijubtesel ta swenta te p'ijil-o'tanil; teme ya x'och ta ich'el ta muq'ue, neel ya sc'an ya spejc'an sba.

Job 22:29

Melel Dios me ya xpejc'anot yu'un te mach'a ya stoy sbae, ja' me ya scoltay stuquel te mach'a peq'uel ya yac' sba.

1 Samuel 1:18

La yal te Ana: —Mero wocol la awal. Na'awon ta stojol Dios spisil ora —xi'. Patil tey nix toj bael ta banti tal, bajt' ta we'el. Tey ma'yuquix bi ora la smel yo'tan a.

Éxodo 18:11

Ta ora to c'otix ta co'tan te mero muc' te Cajwaltique, ma'yuc bay yan diosetic ya spaj, melel te bit'il c'an stoy sbaic te egipcioetique, ma ju' yu'unic —xi'.

Romanos 8:33

¿Ay bal mach'a ya xju' ya xlebot smulic te mach'atic tsabilic yu'un te Diose? Ma'yuc. Melel te Diose, ja' ac'awanix ta libre.

Romanos 5:1

Ta swenta te xch'uunjel co'tantique, libre c'oemotiquix yu'un te jmultique. Jich me junajemix co'tantic soc te Diose, ta swenta nax te Cajwaltic Jesucristoe.

Daniel 4:37

“Yo'tic, jo'on te Nabucodonosor, ya calbey wocol, ya quich' ta muc' soc ya jtoyesbey yutsil sc'oplal te Muc' Ajwalil ta ch'ulchane. Melel spisil te bitic ya spase mero melel ya xc'ot, soc mero stojil ya spas. Ya yac'bey spejc'an sbaic te mach'atic bayal sc'oplal ya scuy sbaique”, xi' te Nabucodonosor ta sjun.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

Isaías 45:25

Ta jwenta jtuquel, jtsalwanej ya xc'otic ta loq'uel spisil te lum Israel, soc toyem nax me q'uinal yaiyic cu'un —xi' te Diose.

Job 9:20

Manchuc me mero toj ya caiy jba, manchuc me mero ma'yuc falta cu'un, ya me yalon ta jamal te ay jmule, ya me yalon ta jamal te amenone.

Habacuc 2:4

Ts'ibuya te ma ba xjalajic te toybaetic te c'ax amen yo'tanique; yan te mach'atic tojique ta swenta te bit'il jun yo'tanic ta stojol Dios ya me xcuxinic —xi' te Cajwaltique.

Eclesiastés 9:7

Ja' yu'un ya calbat, binuc nax me awo'tan ya xwe'at, soc binuc nax me awo'tan ya awuch' te vino awu'une, melel buen lec yo'tan Dios yu'un te awat'ele.

Salmos 143:2

Ma me x'awic'on ta chajbanel te awabatone, melel ta atojol ma'yuc mach'a ma'yuc smul.

Isaías 66:2

Jo'on jpasoj spisil te bitic aye, jich a chicnajic jajch'el. Jo'on Ajwalilon tulan ya cal. “Te mach'a yacon ta sna'el, ja' te me'ba te ay swocole, te yich'ojbon ta muc' te jc'ope.

Proverbios 25:7

ja' lec te ya amaliy awiq'uel moel, teme repente ya awich' q'uexlaltesel ta stojol te muc'ul mamaletique. Te bi ya awil soc te asite,