San Lucas 18:13 - Bible in Tzeltal de Oxchuc y Tenejapa

¹³ “Yan te jc'an-patane, q'uejel to la stejc'an sba jilel stuquel. La stinan sba ta stojol Dios. Ma la sc'an stoy moel te site. La smajulay yo'tan. Jich la yal: “Dios cu'un, pasbon perdón te bit'il jmulawilon ta atojol”, xi'.

Nuevo Testamento Tzeltal de Amatenango

¹³ “Pero te jkꞌan-tojemale jakal tekꞌel jilel stukel. La snijan sba ta stojol Dios. Ma skꞌan a xjach moel sit stukel. La smajulan stiꞌ yoꞌtan ta ajtal oꞌtan, y jich a yal: “Dios kuꞌun, pasbon perdon te jmulawilon ta atojole”, xchi.

Bible in Tzeltal Bachajón

¹³ Yan te jc'an-patan, q'uejel to ay, ma ba la sc'an la shach mohel sit ta ch'ulchan, la spac'ulan stahn, hich la yal: Dios, na'bon yo'bolil jba, ho'on te jmulawilon, xchi.

San Lucas 18:13 Referans Kwoze

Esdras 9:6

jich la cal: —Dios cu'un, Dios cu'un, mero bayal ya xtal q'uexlal ta co'tan ya caiy, soc ma xtojob ya caiy te co'tane, soc ma jna' bi ya cal ta atojol. Melel mero c'axemix ta jyalel te falta cu'untique, c'oemix c'alal ta ch'ulchan te mulile.

1 Timoteo 1:15

Mero melel in to te ya sc'an ya yich' ch'uunel te ja' xtaluc ta balumilal yu'un scoltayel jmulawiletic te Cristo Jesuse. Jich bit'il te jo'one, ja' c'ax bayal te jmule.

Salmos 41:4

Jich caloj: “Cajwal, na'bon yo'bolil jba, lecubtesawon melel jtaoj jmul ta atojol”, xoon.

San Lucas 23:48

Ay tsobol talemic ta yilel te bila c'ot ta pasele, la smajulay yo'tanic yu'un mel-o'tan te sujt'ic baele.

Hebreos 8:12

Ya me jpasbey perdón yu'un te bila amen spasojique, jich ma ba ya jna'bey xan ta co'tan te smulique”, xi' me te Diose.

Hechos 2:37

Te c'alal la yaiyic stojol in to, bayal la smel yo'tanic yu'un, soc la yalbeyic te Pedroe soc te yantic jpuc-c'opetique: —Quermanotac, ¿bi ya sc'an ya jpastic te jo'otique? —xiic.

Hebreos 4:16

Jich yu'un jun co'tantic ac'a noptsajucotic bael ta smuc'ul nactijib te Diose, te bayal yutsil yo'tan cu'untic stuquele, swenta yu'un jich me ya jtatic c'uxtayel yu'un. Melel ta swenta nax yutsil yo'tan ya scoltayotic teme ay bila ay jwocoltic yu'une.

Romanos 5:8

Ja'uc me to, te Diose la yaq'uix ta ilel te bayal c'uxotic ta yo'tan te bit'il la yac' sba ta lajel cu'untic te Cristoe, manchuc teme mero jmulawilotique.

San Lucas 5:8

C'alal la yil te Simón Pedro te jich c'ot ta pasele, la squejan sba ta stojol te Jesuse: —Cajwal, ma spas te ya joinate yu'un jmulawilon —xi'.

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

Salmos 25:11

Cajwal, muc' te jmule, pasbon perdón; ac'a ta ich'el ta muc' te abiile.

Job 42:6

Ja' yu'un jc'axel me ya jsujt'esix co'tan, ya me jnajc'an jba ta tan soc ta ts'ubil lum —xi' te Job.

2 Corintios 7:11

Te bit'il la amel awo'tanic ta stojol te Diose, ¡ilawilic, lec c'oex ta loq'uel yu'un a! Jich jajch' anopic te bit'il ya achajbanique soc te ya xc'opojex cu'une. Melel la yac'beyex ilinuc awo'tanic, soc och xiwel ta awo'tanic yu'un. Ta patil la ana'onic te ya ac'an awilonique, soc la awac'beyic tulan tojobtesel te mach'a ay smule. Tey chicnaj ta jamal a te ma'yuc bila amulinejic ta swenta in c'op to.

Salmos 25:7

Ja'uc me to, ma me x'ana'bonix te muliletic cu'une, ma me x'ana'bonix te bitic amen la jpas ta calalil toe. Cajwal, na'awon ta swenta smuc'ul xc'uxul awo'tan soc te yutsil te awo'tane.

San Mateo 9:13

Baan, nopaic te bi ya yal te Sjun Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi' te Jesuse.

Ezequiel 16:63

Ya me xtal ta awo'tan, soc ya me xtal bayal q'uexlal ta atojol. Ya me apejc'an aba, soc ma ba ya xc'opojatix te c'alal ya jpasbat perdón spisil te bitic apasoje. Jo'on Ajwalilon te jich caloje”, uta me —xi' te Cajwaltique.

Isaías 1:18

Te Cajwaltic la yal: —La'ic, ya jchaptic te aiyeje: Manchuc me jich amulic te bit'il mero tsaje, ya jc'atp'unbeyex ta sac, jichuc saquil toib; manchuc me jich te bit'il pac' ts'ajbil ta tsaj, sac ya xc'ot cu'un, jichuc saquil stsotsil chij.

San Lucas 17:12

Te c'alal c'ot ta ch'in lum, tal ta tael yu'un lajuntul winiquetic te yich'ojic c'a'el-chamele. Q'uejel to tec'ajic ta aw:

Daniel 9:5

La jta jmultic ta atojol, la jpastic te bila amen ta pasel ta asite, la jpastic te bila ma lecuque. Ma'yuc sc'oplal c'ot cu'untic te mandaliletic awu'une; la jch'aytic jilel te mandaliletic awu'un soc te bila chapal awu'une.

Salmos 130:7

jich me xamaliy te Cajwaltic, ja'ex lum Israel. Melel ay c'uxtayel yu'un, soc mero ya x'ac'awan ta libre stuquel.

Salmos 119:41

Cajwal, ac'bon quil te xc'uxul awo'tan, soc ac'bon quil te coltayel awu'un, jich te bit'il awaloj ta jamale.

Salmos 106:6

Pajal jtaojtic jmultic ta atojol, jich nix bit'il te antiguo jme'-jtatique; jowejemotic, la jpastic te bila ma lecuque.

Salmos 40:12

Melel ay bayal bitic amen yac'ojbon jwocol te ma xju'ix ta ajtayel cu'une. Ja' nix ya spejc'anon te bila amen jpasoje, asta ma xquilix q'uinal yu'un. C'axem jich yipal a te bit'il stsotsil jole; ya xpejc'ajix co'tan yu'un.

2 Crónicas 33:23

Ja'uc me to, ma la spejc'an sba ta stojol Cajwaltic, jich bit'il la spas te state, ja' nax bajt' ta yo'tan stsobel te mulile.

2 Crónicas 33:19

Te la sc'opon Dios soc te bit'il tsacbot sc'op yu'une, soc spisil sc'oplal te smule, te ma tojuc c'ax ta q'uinal, soc te bayuc la spasbey toyol ch'uunjibaletic, soc te bay la yac' sloc'omba Asera, soc te loc'ombaetic te c'alal ma to spejc'anej sba ta stojol a te Diose, ts'ibubil sc'oplal yu'unic ta bay slibroic te j'alwanejetique.

2 Samuel 12:13

Te David jich la yal ta stojol te Natán: —La jta jmul ta stojol te Cajwaltique —xi'. Jac'bot yu'un Natán, jich la yal: —Te Cajwaltic la spasbatix perdón yu'un te amule, ma ba ya xlajat yu'un.

Isaías 66:2

Jo'on jpasoj spisil te bitic aye, jich a chicnajic jajch'el. Jo'on Ajwalilon tulan ya cal. “Te mach'a yacon ta sna'el, ja' te me'ba te ay swocole, te yich'ojbon ta muc' te jc'ope.

San Mateo 6:5

“Te c'alal ya ac'oponic te Diose, ma me jichuc xapasic te bit'il ya spasic te mach'atic cha'lam yo'tanique. Ya smulanic te ya stejc'an sbaic ta sc'oponel Dios ta sinagogaetic soc ta xchiquin calleetic, swenta yu'un jich ya x'ilotic yu'un te ants-winiquetique. Jamal ya calbeyex, la staix smajt'anic yu'un a.

San Mateo 10:3

soc Felipe, Bartolomé, Tomás, Mateo te jc'an-patane, soc Jacobo te snich'an Alfeoe, soc Lebeo te Tadeo yan sbiile,

San Marcos 11:25

Te c'alal yacalex ta sc'oponel te Diose, pasbeya perdón neeluc teme ay mach'a ay falta yu'un ta atojole. Jich me ya spasbeyex perdón yu'un amulic uuc te Jtatic te ay ta ch'ulchane. [

San Lucas 22:41

Bajt' xan jich spimil te bit'il ya jch'ojtic bael te tone. Tey la squejan sba ta sc'oponel Dios a.

Éxodo 33:10

C'alal la yilic te tocal te lume, juju-jtul la squejan sbaic ta yalel wocol ta bay sti'il te snailpaq'uique.