San Lucas 18:10 - Bible in Tzeltal de Oxchuc y Tenejapa

¹⁰ —Ay cheb winiquetic ba sc'oponic Dios ta templo. Te jtule fariseo, in te yane jc'an-patan.

Nuevo Testamento Tzeltal de Amatenango

¹⁰ —Ay cheb winketik ba skꞌoponik Dios ta templo. Te jtule fariseo, y te jtul xane jkꞌan-tojemal.

Bible in Tzeltal Bachajón

¹⁰ Ay cheb winiquetic mohic bahel ta Templo ta sc'oponel Dios, te jtuhle ha fariseo, te yane ha jc'an-patan.

San Lucas 18:10 Referans Kwoze

2 Reyes 20:5

—Sujt'an bael, albeya te Ezequías te jwentainwanej yu'un te lum cu'une: “Te Cajwaltic te Dios yu'un te antiguo ame'-atat David, jich la yal: ‘Jo'on la caiybatix te ac'ope, soc la quilbatix te ya'lel asite, ja' yu'un ya me jch'aybat te achamele. Li' ta oxeb c'aal ya me xju'ix ya xbaat ta templo yu'un Cajwaltic a.

1 Reyes 8:30

Aiybon te ya xc'opojon ta atojol, soc aiybeya sc'op te lum Israel awu'une, te c'alal ya jc'oponat ta templo in to. Aiybon awaiy jc'op c'alal ta ch'ulchan te banti nainemate, pasbotic me te perdone.

Filipenses 3:5

Melel te jo'one ta swaxaquebal c'aal cayinel a te la quich' ta jbaq'uetal te circuncisione, mero israel-winicon, sts'umbalon te Benjamine, mero hebreo-winicon, fariseoon yu'un te mandalile.

Hechos 26:5

Te yacuc sc'an yo'tanique, ya xju' ya yalic te bit'il ta jqueremil to tel fariseoon. C'ax jich ya jtsajtay jba a te bila ch'uunbil yu'unic te jlumale.

Hechos 3:1

Jun c'aal te Pedro soc te Juane, moic bael ta templo ta sc'oponel Dios ta oxeb ora sts'ejbujel te c'aale.

San Lucas 19:46

Jich la yalbey yaiyic: —Jich ts'ibubil jilel ta Sjun Dios: “Te jnae snail sc'oponel Dios sbiil”, te xie. Ja'uc me to, te ja'exe la ac'atp'uniquix ta xch'en j'eleq'uetic —la yut.

2 Reyes 20:8

Te Ezequías la sjojc'obey te Isaías: —¿Bi señail ya xju' ya yac'bon jna' te ya xch'aybon te jchamele, soc te li' ta oxeb c'aal ya xju' ya xboonix ta templo yu'un Cajwaltic a? —xi'.

1 Reyes 10:5

te yutsil swe'el ta smesa, te snaic te sjo'tac ta at'el ta ajwalil soc te bi yilel ayic, te bi yilel te sc'u'-spaq'uic te abatetic yu'une, te mach'atic ya sc'asesic uch'baliletic, soc te chic'bil smajt'an Dios yacalic yaq'uel ta templo, mero jchajp nax q'uinal la yaiy yu'un a.

San Mateo 10:3

soc Felipe, Bartolomé, Tomás, Mateo te jc'an-patane, soc Jacobo te snich'an Alfeoe, soc Lebeo te Tadeo yan sbiile,