San Lucas 17:34 - Bible in Tzeltal de Oxchuc y Tenejapa

³⁴ “Ya calbeyex, teme ya xc'ot ta pasel ta ajc'ubale, ay me cha'tul wayajtic ta jun nax wayibal, jtul ya x'ic'ot soc jtul ya x'ijq'uitayot.

Nuevo Testamento Tzeltal de Amatenango

³⁴ “Ya kalbeyex, teme ta ajkꞌubal ya xkꞌot ta pasele, ay me chaꞌtul wayajtik ta jun nax wayibal, jtul ya xꞌikꞌot bael y jtul ya sjilesot.

Bible in Tzeltal Bachajón

³⁴ Ya calbeyex, ta hich ahc'abal ay cheb wayalic ta jun wayibal, jtuhl ya x'ic'ot, jtuhl ya xhil.

San Lucas 17:34 Referans Kwoze

2 Pedro 2:9

Jich chican ta jamal te ya xju' yu'un te Cajwaltic te ya yac' ta libre yu'un sujel te mach'atic jun yo'tan yac'oj sbaic ta stojol. Soc ya to sq'uej te mach'atic ma tojuc yo'tanique, swenta yu'un ya yac'bey castigo c'alal ya sta sc'aalelal te ich'el ta c'ope.

San Mateo 24:25

La me calbeyex neeluc.

San Lucas 13:24

—Ac'aic puersa ta ochel bael ta bay tsail nax sjamalul te ti'naile. Ya calbeyex te ay me tsobol mach'atic te patil ya sc'an yo'tanic te ya x'ochic tey a, ja'uc me to, ma xju'ix yu'unic.

San Marcos 13:23

Ich'a me atsaic jiche. La me calbeyex neeluc.

Jeremías 45:5

Teme ay bi yan yilel te ya ac'ane, ma me x'ac'anbon, melel ya jticun tel tulan woclajel ta stojol spisil mach'atic ch'ich'-baq'uet. Ja'uc me to, te ja'ate ya me cac' te ya acanantay aba soc acuxlejal bayuc ya xbaat. Jo'on Ajwalilon, jich ya cal”, xi' sc'op Cajwaltic ta atojol —xi' te Jeremiase.

Isaías 42:9

Ila me awilic te c'ot ta pasel spisil te bi la cal ta nameye, ta ora yo'tic ja' ya calbeyix sc'oplal te bitic yach'ile; neel me ya cac'beyex ana'ic stojol te ja'exe te c'alal ma to xchicnaj a —xi' te Cajwaltique.

Salmos 28:3

Ma me pajaluc ya atason bael soc te mach'atic amenique; ma me xc'ot ta jwenta awu'un te bila ya xc'ot ta swenta te mach'atic amen yat'elique. Tojol nax te t'ujbil ya xc'opojique, melel ta yutil yo'tanic nojel ta mulil.

Salmos 26:9

Ma me pajaluc ya apojbon jcuxlejal soc te jmulawiletique; ma me xawac' xc'ot ta jwenta te bila ya xc'ot ta swenta te milawaletique,

San Lucas 13:5

¡Ban c'an jichuc! Melel teme ma xasujt'es awo'tanic yu'un te amulique, jich me ya xlajex ta apisilic uuc —xi' te Jesuse.

San Lucas 13:3

¡Ban c'an jichuc! Melel teme ma xasujt'es awo'tanic yu'un te amulique, jich me ya xlajex ta apisilic uuc.

San Marcos 14:29

Te Pedro la yal: —Manchuc teme spisilic ya xpejc'aj yo'tanic ta atojol te yantique, yan te jo'one ma ba ya xpejc'aj co'tan jtuquel —xi'.

San Lucas 17:33

Te mach'a ya xc'uxtay te xcuxlejale, ya me xch'ay soc. Yan te mach'a ma xc'uxtay te xcuxlejale, ja' me ya xcuxin stuquel.

San Lucas 17:35

Soc ta bay cheb antsetic te sjoinej sbaic ta juch' mats'e, jtul ya x'ic'ot soc jtul ya x'ijq'uitayot. [