San Lucas 17:24 - Bible in Tzeltal de Oxchuc y Tenejapa

²⁴ Yu'un te bi ora ya xtal te Nich'anile, jich me ya xchicnaj tel te bit'il ya xlem tel tsantsewal ta bay juju-jmejch' te ch'ulchane.

Nuevo Testamento Tzeltal de Amatenango

²⁴ Yuꞌun te tut ora ya sujt tal te Nichꞌanile, jich me ya xchiknaj tal te tutꞌil ya xtil te sansewal ta juju-mejch te chꞌulchane.

Bible in Tzeltal Bachajón

²⁴ como hich te bin ut'il xliplujet ya xtihl tsantsehwal ta sti'il ch'ulchan c'alal ta yan sti'il, hich ya xc'oht te bin ora ya xtal te Nich'anil ay ta scuenta winic.

San Lucas 17:24 Referans Kwoze

San Mateo 24:27

Melel te c'alal ya xtal te Nich'anile, jich me ya xchicnaj tel te bit'il tsantsewal te ya xlem tel ta sloq'uib c'aal c'alal to ta smalib c'aal.

San Mateo 24:30

Jich me ya xchicnaj ta yolil ch'ulchan te seña yu'un te Nich'anile. Spisil ta jchajp ants-winiquetic te ayic ta balumilale ya me xcaj yoq'uetay sbaic, soc ya me yilic te Nich'anile. Ya me yilic te ya xtal ta bay tocal ta sjamalul ch'ulchan soc yu'el soc ay bayal xojobil te yutsilale.

Zacarías 9:14

Te Cajwaltic ya me yac' sba ta ilel ta stoyolil te lum yu'une; ya me st'im bael te yat'jibal st'imalte'e, jich me ya st'im bael te bit'il chawuquetique. Te Dios, ja' te Cajwaltique, ya me yoq'uesin te oq'ues; ya me x'ochic bael ta guerra ta yolil chawuquil ja'altalem ta stojol sur.

2 Pedro 3:10

Ma na'biluc cu'untic te bi c'aalil ya xtal te Cajwaltique cu'untic, jich bit'il ma na'biluc cu'untic te ay ajc' nax ya xtal j'elec' ta ajc'ubale. Te bi c'aalil ya xtal te Cajwaltique, xnililet nax me ya xlaj bael te ch'ulchane. Soc ya me xlilaj ta c'ajq'uel spisil te c'aale, te ue, te eq'uetique. Soc te balumilale ya me xlaj ta chiq'uel soc spisil te bitic ay tey ae.

Santiago 5:8

Jich uuc te ja'exe ts'ijc'uc me awu'unic. Ac'a me yip awo'tanic, yu'un nopol ya xtalix te Cajwaltique.

2 Tesalonicenses 2:2

Ma me ayuc yan te bila ora nax ya xyanaj ta nopel awu'unique. Ma me xjajch' amel awo'tanic yu'un teme ay mach'a ya yalbey sc'oplal te c'axix sc'aalelal te Cajwaltique, soc teme ya yalic te jo'on caloj ta sc'opique, soc teme ya yalic te ay carta te pasbil cu'untic te jich ya yal ta sc'opique.

1 Tesalonicenses 5:2

melel ana'ojic stojol ta lec te bit'il ya xc'ot sc'aalelal te Cajwaltique. Jich ay te bit'il ya xtal j'elec' ta ajc'ubale.

2 Tesalonicenses 2:8

Teme ya yich' loq'uesele, ya me xchicnaj te mach'a mero jmulawil winique. Te Cajwaltic Jesuse ta sjab nax ye ya smil. Tic' ya sjinbey yu'el a te bit'il ya xchicnaj tel soc yip yu'el te Cajwaltique.

San Mateo 26:64

La sjac' te Jesuse: —Jich te bit'il la awale. Soc ya calbat, ta ora bael to ya me awil te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchan —xi'.

San Mateo 25:31

“Te c'alal ya xtal soc yutsilal te Nich'anile, ya me sjoin tel te ch'ul abatetique. Ya xjul snajc'an sba ta bay yutsilal te smuc'ul nactijibe.

Ezequiel 1:14

Te bila cuxajtic xtal xbajt' ta beel, ja' pajal sbeelic soc te tsantsewale.

San Mateo 5:15

Soc teme ya atsum c'ajc' awilique, ma ba ya amac ta cajon. Ya atujch'anic ta yawil, swenta yu'un ya xchicnaj q'uinal yilic spisil a te mach'atic ayic ta nae.

1 Corintios 1:8

Ja' me ya yac'beyex yip awo'tanic, ja' to c'alal ta slajibal c'aal. Jich me ma'yuc amulic ya xjul staex te Cajwaltic Jesucristoe.