San Lucas 17:21 - Bible in Tzeltal de Oxchuc y Tenejapa

²¹ “La', ilawil li'to” soc “Baan, ilawil lum to” ma'yuc mach'a xi' ta yalel, melel ayix ta awolilic te bit'il ay ta ajwalinel te Diose —xi' te Jesuse.

Nuevo Testamento Tzeltal de Amatenango

²¹ Maꞌyuk machꞌa ya yal: “Liꞌiyix to”, o “Lum ayix to”, maꞌyuk machꞌa xchi ta yalel. Porke ayix ta mantal ta awolilik te Diose —xchi te Jesuse.

Bible in Tzeltal Bachajón

²¹ soc ma ba ya yalic: Ilawil, li' ayixi, o: Ilawil, tey ay a, ma xchihuc, como ay ta awohlilic te cuentahinel yu'un Dios, xchi.

San Lucas 17:21 Referans Kwoze

San Mateo 12:28

Ja'uc me to, te jo'one ya jloq'ues pucujetic ta swenta te Espíritu yu'un te Diose. Tey chicanix ta jamal te ayix ta ajwalinel ta awolilic te Diose.

Romanos 14:17

Melel te bit'il ay ta ajwalinel te Diose, ma ja'uc ta swenta jwe'el-cuch'eltic. Ja' nax ta swenta te bila toje, te lamal q'uinale soc te ay sbujts' co'tantic ta swenta te Ch'ul Espiritue.

San Marcos 13:21

“Teme ay mach'a jich ya yalbeyexe: “Aiya awaiy, li' ayix to te Cristoe”, teme xie, o ya yal te yane: “Lum ayix to”, teme xie, ma me xach'uunic.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

San Lucas 21:8

La yal te Jesuse: —Tsajtaya me abaic, ma me mach'a ya slo'layex. Ay me tsobol ya xtalic te ya slotbonic jbiile. “Jo'on Cristoon”, xiic me, soc “Yorailix”, xiic me. Ja'uc me to, ma me xats'aclinic.

San Lucas 17:23

Ay me mach'atic ya yalbeyex: “La' ilawil, li' ay to” soc: “Conic, quiltic, lum ay to”, ya me yutex, ja'uc me to, ma me xbaex soc ma me x'ats'aclinic bael.

San Juan 1:26

Te Juane, jich la yal: —Te jo'one ya nax cac' ich'ja' ta swenta nax te ja'e. Ja'uc me to, ay jtul te mach'a ay ta awolilic te ma x'ana'beyic sbae.

San Juan 18:36

La yal te Jesuse: —Te bit'il ajwalilone, ma ja'uc ta swenta in balumilal to. Te yu'unuc ja'uque, ya me spasic guerra te abatetic cu'un te jichuque, swenta yu'un ma ba ac'oton ta sc'ab te judioetic te jichuque. Melel ma ja'uc ta swenta in balumilal to te bit'il ajwalilone —xi'.