San Lucas 17:1 - Bible in Tzeltal de Oxchuc y Tenejapa

¹ Te Jesús la yalbey te jnopojeletic yu'une: —Puersa ay yalesel ta mulil, ja'uc me to, ya me yil swocol te mach'a ya syaleswan ta mulile.

Nuevo Testamento Tzeltal de Amatenango

¹ Te Jesuse la yalbe te jnopojeletik yuꞌune: —Puersa me ay yalesel ta mulil. Pero oꞌol me sba te machꞌa ya syaleswan ta mulile.

Bible in Tzeltal Bachajón

¹ Te Jesús hich la yalbe te jnopojeletic yu'un: Fuersa ay ya xtal yahltesel ta mulil, pero ¡ay me swocol te mach'a ya xyahlteswan!

San Lucas 17:1 Referans Kwoze

San Mateo 18:7

¡Ya me yil swocolic te mach'atic ayic ta balumilal ta scaj te ay yalesel ta mulile! Puersa ay mach'atic ya syaleswan ta mulil, ja'uc me to, ya me yil swocol te mach'a jich ya spase.

1 Corintios 8:13

Jich yu'un teme ya cac' yaluc jtuluc quermano ta swenta te jwe'ele, ja' lec te ma me jti' te milbil majt'anile, swenta yu'un ma ba ya jyales a te quermanoe.

Romanos 14:13

Jich yu'un, ma me jech jlebey jba jmultic. Ja' lec ac'a jletic te bila ma xpejc'aj yo'tan yu'un te quermanotique soc te ma xyalesot ta mulil yu'une.

1 Corintios 11:19

Chican ta jamal te puersa ma junuc awo'tan abaique, swenta yu'un tey ya xchicnaj ta jamal a te mach'a lec yo'tan Dios yu'une.

Romanos 16:17

Quermanotac, ya calbeyex xan wocol: Ila me abaic yu'un te mach'atic ya yaq'uic xatomba soc te ya sc'an ya xyaleswanic soc te ya scontroinic te bila ach'uunejic te ac'botex anopic ta apisilique. Ma me xajoin abaic soc.

San Mateo 16:23

Te Jesús la sujt'es sba sc'opon te Pedroe: —¡Q'ueja aba ta jtojol, Satanás! Ja'at jcojch'inwanejat. Ma'yuc ta awo'tan te bila ya sc'an yo'tan te Diose. Ja' nax ay ta awo'tan te bila ya sc'an yo'tan te ants-winiquetique —la yut.

1 Corintios 10:32

Ma me ayuc mach'a ya awac' yaluc jtuluc te ja'exe, ni ja'uc te judioetique, ni ja'uc te jyanlumetique, ni ja'uc te jch'uunjeletic yu'un te Diose.

Apocalipsis 2:14

Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

Apocalipsis 2:20

Ja'uc me to, ay amul jtebuc ta jtojol, ja' te bit'il ma'yuc bi ya awalbey te ants te Jezabel sbiile, te j'alwanej yu'un Dios ta sc'ope, soc te ya yac'bey snopic te abatetic cu'un te ya spasic te mulweje soc te ya sti'ic te milbil smajt'an lotil diosetique.

San Lucas 16:31

“Te Abrahame la yalbey: “Teme ma sc'an ya yaiybeyic stojol te bila la yal te Moisese soc te j'alwanejetique, ¿ja' to bal ya xc'ot ta yo'tanic a teme ya xcha'cux tel jtul anima ya yilique?”, xi' te Abrahame —xi' ta yalel te Jesuse.

1 Timoteo 4:1

Ja'uc me to, jamal yalojix te Espíritu te ay mach'atic jc'axel ya xch'ay xch'uunjel yo'tanic te c'alal nopolix a te slajibal c'aale. Ya me xjajch' xch'uunic te lo'layel yu'un te pucujetic, soc te nopjibal yu'unique.