San Lucas 16:28 - Bible in Tzeltal de Oxchuc y Tenejapa

²⁸ Yu'un ay jo'tul xan quijts'inab. Ac'a ba xcholbon yaiy swenta yu'un ma ba ya xtalic li'to te banti ayon ta castigoe”, xi'.

Nuevo Testamento Tzeltal de Amatenango

²⁸ Yuꞌun ay to joꞌtul kijtsꞌinab teꞌa. Aꞌ ba skꞌoponbon yuꞌun makꞌ xlaj talix a liꞌ ba ay kastigoe”, xchi.

Bible in Tzeltal Bachajón

²⁸ yu'un ay to ho'tuhl quermanotac, ac'a yalbe ya'iyic scuenta yu'un ma ba ya xtalic li' ta banti ay tulan wocol, xchi.

San Lucas 16:28 Referans Kwoze

Hechos 20:23

Jna'oj stojol te ya yalbon jc'oplal te Ch'ul Espíritu ta bay spisil te lumlumtic te yacon ta beel te ya smaliyon chuquel soc woclajel.

Hechos 2:40

Te Pedro la to yalbey xan yaiyic ta lec te sc'op Diose, soc la stac'uy. Jich la yalbey yaiyic: —Ac'a abaic ta coltayel. Ma me xbaex ta ch'ayel soc te mach'atic cuxulic ta q'uinal ta ora to te amen yo'tanique —xi'.

1 Tesalonicenses 4:6

Ma me ayuc mach'a ya yac'bey swocol yantic soc ma me ayuc ya slo'lay yermano, melel ya me x'ac'bot tulan castigo yu'un te Cajwaltic teme jich ya spasique, jich bit'il tulan sc'oplal la calbeyex awaiyic ta neelal to.

San Lucas 16:27

“Te jc'ulej-winique la yal xan: “Tatic Abraham, ya calbat bayal wocol. Ticunbon bael ta sna jme'-jtat te Lázaroe.

Hechos 8:25

Jich te jpuc-c'opetique laj yo'tanic ta yalel testigo c'op soc ta yalel te sc'op Diose, sujt'ic bael ta Jerusalén. Te c'alal yacalic ta beel baele, la yalic te lec yach'il c'op ta bay ch'in lumetic te ayic ta sq'uinal Samariae.

Hechos 10:42

Soc la spasotic ta mandal te ya calbeytic sc'oplal ta stojol te lume, soc te ya cac' jbatic ta testigo te bit'il Dios la yac'beyix yat'el ta juez ta stojol te mach'atic cuxulique soc te mach'atic lajemique.

Hechos 18:5

Te c'alal julic te Silas soc te Timoteo te jilemic ta Macedonia, te Pablo ja' nax caj yat'elin yalel te lec yach'il c'ope. Jamal la yalbey te judioetic te ja' Cristo te Jesuse.

Hechos 20:21

Jamal la calbey yaiy te judioetique soc te jyanlumetique, te ya sc'an ya sujt'es yo'tanic ta stojol Dios soc te ya yac' xch'uunjel yo'tanic ta stojol te Cajwaltic Jesucristoe.

Hechos 20:24

Ja'uc me to, ma ba ya jmel co'tan yu'un. Ma'yuc sc'oplal te bit'il ay te jcuxlejale. Ja' nax ay sc'oplal ta co'tan te bin nax co'tan ya jloq'ues te jayeb c'aal ay ta jwenta, ja' to c'alal te ya xc'ot coraile, soc te ya ju'tes cat'el te yac'ojbon ta jwenta spasel te Cajwaltic Jesuse, ja' bi ja' te la yac'bon ta jwenta yalel sc'oplal te jcoleltic ta swenta nax yutsil yo'tan cu'untic te Diose.

Hechos 23:11

Ta ajc'ubal te Cajwaltique la stejc'an sba ta stojol te Pabloe. Jich albot yu'un: —Pablo, ac'a stulanil awo'tan. Jich te bit'il la awalbonix jc'oplal li'to ta Jerusalén, ja' nanix jich ya xc'o awalbon jc'oplal ta lum Roma —utot yu'un.

Hechos 26:22

Ja'uc me to, te bit'il la scoltayon te Diose jich jun co'tan yacon ta yalel sc'oplal ta ora to ta stojol spisil muc'-biq'uit. Ma'yuc yan te bila ya cal, ja' nix ya cal te bila yalojic te antiguo j'alwanejetic soc te Moisese. Jich la yalic te ya xc'ot ta pasel

Hechos 28:23

Jich la xchapic te bi c'aalil ya xtal yaiyic stojole. C'alal la sta sc'aalelal, tsobol ta jtul tal stsob sbaic tey a ta banti smajanej na te Pabloe. Sab to jajch' ta c'op, ja' to c'alal malix a te c'aale. Ja' la xcholbey yaiyic te bit'il ay ta ajwalinel te Diose. Yu'un yo'tanuc ya yac' xch'uunic Jesús ta swenta te bila ts'ibubil jilel sc'oplal ta bay te mandalil yu'un te Moisese soc ta bay sjun te j'alwanejetique.

Gálatas 5:3

Te mach'a ya xch'uun yich'el te circuncisione, ya calbey xan yaiyic te puersa me ya xch'uun spasel spisil te bila ya yal te mandalile.

Efesios 4:17

Jich yu'un ya calbeyex mandal ta swenta sbiil te Cajwaltique: Ma me jichuc cuxulex ta q'uinal te bit'il te mach'atic ma ba xch'uunejic te Diose, te ja' nax cuxulic ta spasel te bila snopoj ta yo'tanic te xujt' ma'yuc swentaile.

1 Tesalonicenses 2:11

Soc ana'ojic stojol te lec nax la jtac'uyex soc la jmuc'tesbeyex awo'tanic juju-jtulex, jich bit'il ya stac'uy snich'nab te jtul winique.