San Lucas 16:26 - Bible in Tzeltal de Oxchuc y Tenejapa

²⁶ Soc bit'il c'an ju'uc, melel ay muc'ul toyol xatal q'uinal coel ta olilal. Manchuc teme ay mach'atic yo'tan xc'axic bael tey a, ma xju' yu'unic. Ja' nanix jich teme ay mach'atic yo'tan xc'axic tel li'to, ma xju' yu'un”, xi' te Abrahame.

Nuevo Testamento Tzeltal de Amatenango

²⁶ Tutꞌ kꞌan juꞌuk. Yuꞌun ay jun mam chꞌen ta koliltik xatꞌbil liꞌ ba ayotike sok te ba ayexe. Manchuk me ay machꞌa liꞌiye te yoꞌtanuk ya xkꞌax bael teye, ma xjuꞌ yuꞌunik. Jich teme ay machꞌatik yoꞌtanuk ya xkꞌaxik tal liye, ma spas xkꞌax tal”, xchi te jꞌAbrahame.

Bible in Tzeltal Bachajón

²⁶ Soc ay muc'ul xahab ac'bil ta ohlil cu'untic, ha yu'un te mach'atic ya sc'an ya xc'axic bahel ta banti ayex ma xhu' yu'unic, soc te mach'atic ayic ta banti ayex, ma xhu' ya xc'axic tal li'i, xchi.

San Lucas 16:26 Referans Kwoze

San Juan 3:36

Te mach'a ya xch'uun te Nich'anile, ya me xcuxin sbajt'el q'uinal. Te mach'a ma sc'an xch'uun te Nich'anile, ma xyil te cuxinele. Ja' nax quechel yilimba Dios ta stojolic.

Salmos 49:14

Te ants-winiquetic in to, ja' jcanantaywanej yu'unic te lajele; ja' me ya xmacotic bael ta muquenal yu'un, jich bit'il ya yich' maquel bael ta scorral te chijetique. C'alal ya sta yorail te ya sacub q'uinale, ya me tsalotic yu'un te mach'atic lequique, xquechet me ya xpejc'aj yipic stuquelic; ja' me snaic ya xc'ot stuquelic te muquenale.

Salmos 50:22

“Ac'a c'otuc ta awo'tanic te bi la cale, ja'ex te ya ach'ay ta awo'tanic te Diose. Te jichuc co'tan ts'ubiltic ya xjilex cu'un, ma'yuc mach'a ya scoltayex.

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

Malaquías 3:18

Jich yu'un te ja'ex ya me ana'ic stojol ta yan buelta, te yan yilel te mach'a leque soc te mach'a amene, soc yan yilel te mach'a ya squejan sba ta xch'uunel Dios soc te mach'a ma squejan sba ta stojole —xi' te Cajwaltique.

San Lucas 12:59

Ya calbat te ma xloc'at tey a, ja' to teme ts'acal la atoj jilele —xi' te Jesuse.

Ezequiel 28:24

‘Te Israel ma ba ya xcha'c'axix swocol, ma ba ya xc'axix swocol yu'un xc'uxul julawal ch'ixetic c'oem, ja' me te ilayel yu'un te lumetic ayic ta sjoyobale. Jich me ya sna'ic spisil ants-winiquetic te jo'on Ajwalilone’, xi' me”, uta me —xi' te Cajwaltique.

1 Samuel 25:36

Te c'alal c'ot te Abigail ta banti ay te Nabal, jun yo'tan yac ta pas-q'uin ta sna, sq'uin muc' ajwalil yilel te yac ta spasele. Mero bin nax yo'tan soc buen yuch'oj. Ja' yu'un ma'yuc bi la yalbey ja' to ta xchebal c'aal.

Apocalipsis 22:11

Te mach'a amen yo'tane, jichuc ac'a spas xan bael te bila amene. Te mach'a bol yo'tane, jichuc ayuc bael te yo'tane. Yan te mach'a lec yo'tane, ac'a spas xan bael te bila lec ta pasele; soc te mach'a ch'ultesbil yu'un te Diose, ch'ultesbiluc me bael te yo'tane” —la yuton.

San Lucas 16:25

“Te Abrahame la yal: “Jnich'an, na'a te lec nax c'axat ta q'uinale. Yan te Lázaro, ay bayal swocol c'ax ta q'uinal stuquel. Ta ora to, ma'yuquix swocol li'to. Yan te ja'ate, ayatix ta tulan castigo atuquel.

San Lucas 16:27

“Te jc'ulej-winique la yal xan: “Tatic Abraham, ya calbat bayal wocol. Ticunbon bael ta sna jme'-jtat te Lázaroe.