San Lucas 16:25 - Bible in Tzeltal de Oxchuc y Tenejapa

²⁵ “Te Abrahame la yal: “Jnich'an, na'a te lec nax c'axat ta q'uinale. Yan te Lázaro, ay bayal swocol c'ax ta q'uinal stuquel. Ta ora to, ma'yuquix swocol li'to. Yan te ja'ate, ayatix ta tulan castigo atuquel.

Nuevo Testamento Tzeltal de Amatenango

²⁵ “Pero te Abrahame la sjakꞌbe: Jnichꞌan, naꞌa me te lek a kꞌaxat tal ta balmilale. Yan te jLazaroe lom oꞌol sba a kꞌax ta balmilal stukel. Te ora to maꞌyukix ta wokol liye. Yan te jaꞌate ayatix ta kastigo.

Bible in Tzeltal Bachajón

²⁵ Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

San Lucas 16:25 Referans Kwoze

San Lucas 6:24

“Yan te ja'ex te jc'ulejexe ¡ya me awil awocolic, melel muc'ubenix q'uinal ya awaiyic atuquelic!

1 Juan 2:15

Ma me ja'uc c'ux ya awaiy ta awo'tanic te balumilale, ni te bitic swenta nax te balumilale. Teme ay mach'a c'ux ya yaiy ta yo'tan te balumilale, jich ma ba c'ux ya yaiy ta yo'tan te Jtatic Diose.

Salmos 17:14

Cajwal, ta swenta awu'el ac'awon ta libre ta stojolic; loq'uesa ta jc'axel ta balumilal, melel ja' nax yu'unic stuquel te cuxulic ta q'uinale. Ac'a yich'ic bayal castigo, soc ac'a c'otuc ta stojol snich'nabic ja' to c'alal ma xcujch' yu'unic, soc ac'a c'otuc ta swenta te smamatac te sobraile.

San Marcos 9:45

Teme ja' ya syalesat ta mulil te awacane, boja loq'uel. Ja' lec te jch'ix nax awacan ya x'ochat ta cuxinel soc. Ja' wocol teme xchebal awacan ya xch'ojotat ochel ta infierno ta c'ajc' te ma xtup' sbajt'el q'uinale [

Romanos 8:7

Te mach'atic ja' nax ya xbajt' ta yo'tanic sna'el te bila ya sc'an te sbaq'uetalique, ja' scontroinejic a te Diose. Melel ma xch'uunbeyic smandal te Diose, soc yu'un nanix ma xju' yu'unic a.

Filipenses 3:19

Te c'alal ya xlajique, ch'ayel me ya xbajt'ic. Melel ja' dios yu'unic te sbaal xch'ujt'ique, soc ja' yutsilal ya yaiyic te bila swenta q'uexlale, soc ja' baem ta yo'tanic te bitic swenta nax te balumilale.

Hechos 14:22

Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.

Hebreos 11:25

Ja' lec la yaiy te pajal ya yich' uts'inel soc te lum yu'un te Diose, soc ma la sc'an smulanbey yutsil che'oxebuc c'aal te bila swenta mulile.

1 Tesalonicenses 3:3

Yu'un jich ma xchebaj awo'tanic yu'un te bit'il ayex ta uts'inele. Melel ana'ojic stojol te puersa ya xc'ax jwocoltic ta controinel ta jpisiltic.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

San Juan 16:33

La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

San Lucas 16:23

Te c'alal ayix ta woclajel ta bay stsobjibal animaetic te jc'ulej winique, la stoy sit. La yil te c'ubul ay te Abrahame soc la yil te sjoinej tey a te Lázaro ta bay te yawile.

San Lucas 16:20

Soc ay jtul winic te ay yo'bolil sba ta c'axem to xan te Lázaro sbiile, metsel ta sti' sna te jc'ulej-winique te scojt'ol sbaq'uetal ay ta c'a'ele.

Daniel 5:30

Ja' nix ta yorail ta yijc'ubel q'uinal a, laj ta milel te Belsasar, ja' te muc' ajwalil yu'un caldeoetique.

Lamentaciones 1:7

Mel-o'tantic sba ya yaiy te Jerusalén, ya sna' te bi ora jil stuquel ta mel-o'tan; ya sna' spisil te sc'ulejal la sta ta namey q'uinale. Ya sna' te c'alal och ta c'abal yu'un te scontroe, ma'yuc mach'a tal ta coltayel yu'un; c'alal ilot yu'un te scontrotaque, labanot yu'un.

Salmos 49:11

Manchuc me la yac'bey sbiilic sq'uinalic te sbiilique, pero ja' me snaic sbajt'el q'uinal te muquenale.

Job 22:18

(Pero ja' nix te Dios te nojesbotic yu'un te naetic yu'unic ta biluquetique. Ma me jichuc co'tan stuquel te jo'on te bit'il te mach'atic ma lecuc yo'tanique.)

Salmos 73:7

Mero jujp'enic, jchajp nax sitic yu'un sjujp'elic. Mero bayal te bila amen snopoj te yo'tanique;

San Mateo 27:63

Jich la yalbeyic: —Ajwalil, ya jna'tic te la yal te lo'laywanej te c'alal cuxul toe: “Ta patil ya xcha'cuxon tel ta yoxebal c'aal”, te xie.

San Lucas 16:26

Soc bit'il c'an ju'uc, melel ay muc'ul toyol xatal q'uinal coel ta olilal. Manchuc teme ay mach'atic yo'tan xc'axic bael tey a, ma xju' yu'unic. Ja' nanix jich teme ay mach'atic yo'tan xc'axic tel li'to, ma xju' yu'un”, xi' te Abrahame.

Deuteronomio 28:17

C'ax boloben me sc'oplal ya xc'ot te amoch soc te banti ya awots' te harina.