San Lucas 16:24 - Bible in Tzeltal de Oxchuc y Tenejapa

²⁴ Jich jajch' yawtay: “Tatic Abraham, c'uxtayawon. Ticunbon tel te Lázaroe. Ac'a yajch'es tel jch'ixuc sni'il sbic'tal sc'ab ta ja', yu'un ya xtal sictesbon cac' a. Melel bayal ayon ta woclajel ta c'ajc' li'to”, xi' ta aw.

Nuevo Testamento Tzeltal de Amatenango

²⁴ Jich a lijk yawuntay: “Jtatik Abraham, kꞌuxutayaon. Tikombon tal te jLazaroe. Aꞌ yajtsꞌes tal ta jaꞌ te sba yal skꞌab yuꞌun ya xtal sikutesbon a te kakꞌe. Porke ben ayon ta wokol liꞌ ba kꞌajkꞌe”, xchi.

Bible in Tzeltal Bachajón

²⁴ Ha yu'un hich la yawtay: Jtat Abraham, c'uxultayawon, ticombon tal te Lázaro, ac'a yahts'es tal sni'il yal sc'ab ta ha' yu'un ya sicubtesbon cac' a, yu'un bayel yacon ta wocol ta c'ahc' li'i, xchi ta aw.

San Lucas 16:24 Referans Kwoze

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

San Juan 4:10

Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.

Santiago 3:6

Te cac'tique jich bit'il c'ajc'. Ja' jun yawil te nojel ta mulil te ay ta jbaq'uetaltique te ya sboltes spisil te jbaq'uetaltique. Ja' nix ya xtilesbot jach'el yu'un spisil te jcuxlejaltic soc te c'ajc' te tilem tel ta bay infierno.

San Lucas 16:30

“La yal te jc'ulej winique: “Ma tic'uc a, Tatic Abraham. Yan te ayuc jtul anima te ya xba albotuc yaiyic yu'une, jich me ya sujt'es yo'tanic yu'un te smulique”, xi'.

San Lucas 3:8

Ac'a me chicnajuc ta ilel ta swenta awat'elic te bit'il sujt'emix awo'tanic ta mero melel yu'un te amulique. Ma me jichuc xawalic: “Te jo'otique sts'umbalotic Abraham”, ma me xauquex. Melel xcalbeyex te ya xju' yu'un te Diose te ya sc'atp'un ta sts'umbal Abraham in tonetic to.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Zacarías 14:12

Pero te nacionetic te la yac'beyic guerra te Jerusalén, ya x'ac'botic buen tulan castigo yu'un te Cajwaltique: Te ants-winiquetic cuxulic me a te ya xc'a' te sbaq'uetalique, ya me xc'a' ta yawil te sitique, ya me xc'a' te yaq'uic ta yutil yeique.

Isaías 66:24

“Ya xtalic soc ya yilic te lajem sbaq'uetalic te ants-winiquetic te la stoy sbaic ta jtojole. Te yaljaetic te ya xti'otic yu'une, ma xlajic, soc ma xtup' te c'ajc' te bay ya x'ainique. Ilaybil nax ya xc'ot yu'un spisil te ants-winiquetique —xi' te Cajwaltique.

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

2 Tesalonicenses 1:8

Jich me ya xtal yac'bey castigo te mach'atic ma la sna'beyic sba te Diose soc te ma la sc'an xch'uunic te lec yach'il c'op yu'un te Cajwaltic Jesucristoe.

Romanos 4:12

Te Abraham, ja' tatil yu'un uuc spisil te mach'atic yich'ojic te circuncisione, teme ay xch'uunjel yo'tanique, jich bit'il ayix xch'uunjel yo'tan a te Abrahame te c'alal ma to yich'ojuc a te circuncisione.

San Juan 7:37

Ja' bayal sc'oplal yu'unic te slajibal c'aal yu'un te q'uine. Jich ora te tejc'aj jajch'el te Jesuse. Tulan la yal: —Te mach'a ay ta taquinti'ile, ac'a taluc ta jtojol, ac'a yuch' te ja'e.

San Mateo 5:22

Ja'uc me to, jo'on ya calbeyex: Spisil mach'a ya yilintay te yermanoe, ay me smul ya xc'ot ta stojol te chajbanwanejetique. Spisil mach'a “Bolat”, ya yut te yermanoe, ay me smul ya xc'ot ta stojol te muc'ul tsobleje. Soc spisil mach'a ya slaban te yermanoe, ya me xch'ojot ochel ta yawil c'ajc' ta bay ma xtup' sbajt'el q'uinal.

San Mateo 3:9

Ma me xawalic: “Te jo'otique sts'umbalotic Abraham”, ma me xauquex. Melel xcalbeyex te ya xju' yu'un te Diose te ya sc'atp'un ta sts'umbal Abraham in tonetic to.

1 Samuel 28:16

La yal te Samuel: —¿Bi yu'un jo'on ya ajojc'obon? Melel te Cajwaltic la spijt'esatix, scontroinejatix.

San Lucas 19:9

La yal te Jesuse: —Ta ora to julemix colel li' ta na to, melel ja' sts'umbal Abraham uuc in winic to.

Job 20:21

ma'yuc bila jilem xujt'uc te ma swe'eline. Ja' yu'un ma xju' ya xjalaj te sbujts' q'uinal yaiye.